मगही भाषा एवं साहित्य

47. आलेख संग्रह "धरोहर मगध के" में प्रयुक्त ठेठ मगही शब्द

2012-01-01T09:13:00.000-08:00

धमके॰ = "धरोहर मगध के" (ऐतिहासिक-पुरातात्विक आलेख संग्रह) [तीन खंड में]; लेखक - डॉ॰ राकेश कुमार सिन्हा 'रवि', 'अखिलेशायन', गोदावरी, भैरोस्थान, गया; मोबाइल: 09934463552.

खण्ड-1: प्रथम संस्करण - 2003 ई॰; 101 पृष्ठ; मूल्य – 45/- रुपये ।

खण्ड-2: प्रथम संस्करण - ------ ई॰; ---- पृष्ठ; मूल्य – ----- रुपये ।

खण्ड-3: प्रथम संस्करण - 2008 ई॰; xviii + 167 पृष्ठ; मूल्य – (अजिल्द) 80/- रुपये; (सजिल्द) 120/- रुपये ।

देल सन्दर्भ में पहिला संख्या खण्ड, दोसर संख्या पृष्ठ और बिन्दु के बाद वला संख्या पंक्ति दर्शावऽ हइ ।

कुल ठेठ मगही शब्द-संख्या - 170

ई आलेख संग्रह के खण्ड-1 में 33 आलेख, खण्ड-2 में 34 आलेख आउ खण्ड-3 में 35 आलेख हइ ।

ठेठ मगही शब्द ("अ" से "ह" तक):

1    अकीदत (= श्रद्धा, निष्ठा, भरोसा) (... ओकरे में मनेर भी एक हे । सूफी संत के इ सदाबहार कर्मभूमि के अकीदत लगी हिआँ आझो रोज-रोज सैकड़ा लोग देस-दुनिया से आते रहऽ हथिन ।)    (धमके॰3:41.9)
2    अगिलका (= अगला) (इ एकर पहिला भाग हे, बचल-खुचल अगिलका में । इ किताब मगह के घर-घर के दर्पण बने - एही मन से शुभकामना देयऽथी ।; मंदिर के अगिलका भाग एक दने से टूट के गिरल जा रहल हे । महलनुमा इ मंदिर आझ तालाबंद हे ।)    (धमके॰1:4.11; 3:93.12)
3    अचरा (अइसे बेटी के विआह, बेटा के नर-नौकरी, धन-संपत्ति, वैभव आदि माँगे वालन ढेरे लोग के भी हिआँ रोज आगमन बनल रहऽ हे जे अप्पन मनोकामना पूरन होवे पर अप्पन घर के बरती सबन अचरा पर नेटूआ नचवा के भगवान दीनानाथ के श्रद्धार्पित करऽ हथिन ।)    (धमके॰3:14.16)
4    अटना-पटना (इनकर करीब चार सौ बरस के शासन काल में में रोज होवइत नया निर्माण से नगर के सूरते बदल गेल आउ पूरा के पूरा नगर पुरातन स्मृति से अट-पट गेल ।)    (धमके॰3:108.14)
5    अटल-पटल (अइसे तो पूरा के पूरा मगध प्रदेश मंदिर से अटल-पटल हे पर ओकरा में मगध के पहिलका राजधानी राजगीर आउ ओकर आसपास मंदिर के अप्पन महत्व हे जहाँ एके साथ हिन्दू, बौद्ध आउ जैन धर्म के पूजन स्थल के साथे-साथ इस्लाम धर्म से जुड़ल ऐतिहासिक अवशेष शोभायमान हे जे भारतीय शिल्पकला के इतिहास में अप्रतिम हे ।; गया के साहितकार में एगो विशिष्ट स्थान बनावे वाला प्रो॰ रामनिरंजन परिमलेन्दू लिखऽ हथिन कि इ बड़ी अफसोस के बात हे कि गाँवे-ठेमें धरोहर से अटल-पटल अप्पन मगहिआ गाँव के धरोहरवन के आझ बेकदरी भी खूब हो रहल हे जे इतिहास लगी घोर अन्याय हे ।; हावड़ा-दिल्ली मुख्य मार्ग पर बसल इ जगह के नाम 'बाढ़' काहे पड़ल हे इ मत-मतान्तर के विषय हे बाकि इ सच हे कि उत्तरवाहिनी गंगा के किनारे बसल इ जगह खूबे बहलदार हे । कोई-कोई तो एकरा काशी {वाराणसी} के उपमा दे दे हथ काहे कि इ पूरा के पूरा नगरी में गंगा जी के किनारे मठ-मंदिर आउ घाट अटल-पटल हे ।; खर-पतवार, सुखल पत्ता आउ जंगल-झाड़ से अटल-पटल इ कपिलधारा के सब्भे भवन आझ जर-जर हो जा रहल हे ।)    (धमके॰1:30.20; 3:xv.6, 20.4, 124.13-14)
6    अढ़ाई (आझ करीब अढ़ाई हजार घर के जगह काको एगो छोट शहर नियन हे जहाँ से 4 आउ 14 के रिश्ता पर पं॰ जगदीश मिश्र एगो कथा बतयलन कि इ काको एकदम राजमार्ग पर बीचम-बीच हे जहाँ से 14 कोस उत्तर पटना, 14 कोस दखिन गया, 14 कोस पूरब बिहारशरीफ आउ 14 कोस पछिम अरवल पड़ऽ हे ।; देवलाल पासवान जइसन पुरनिया जानकार के मानना हल कि ई मठ ईस्वी सन् के 1800 के आसपास बनल हल । गाँव के मथुरा चौधरी भी एकरा अढ़ाई सौ साल पुरान बतावऽ हथिन ।)    (धमके॰3:74.5, 104.8)
7    अता-पता (मंदिर के अन्दर के भाग कब बनल एकर कोई अता-पता न हे बकि एकर बाहरी रूप हाल के दिन में भक्तन के सुन्दर प्रयास से खूबे निखरल हे ।; माई तारा के इ मंदिर कब बनल एकर कोई अता-पता न चलऽ हे बकि आसपास पड़ल मूरती आउ प्राचीन अवशेष एकरा उत्तरपालकालीन सिद्ध करऽ हे ।; बाद के समय में मंदिर के विकास रथ चलते रहल बकि कोई विशेष घटना के अता-पता न चलऽ हे । पालवंश के जमाना में मंदिर के स्थिति ठीक-ठाक हल ।; विवरण मिलऽ हे कि नीरू महतो के गाय हिआँ रोज-रोज आके अप्पन दूध उ जगह पर दे दे हल जहाँ आज शिवजी के लिंग हे । खुदाई होल त एकर अता-पता चलल ।)    (धमके॰1:25.5, 40.1, 48.2, 78.7)
8    अधजलल (जानकारी मिलऽ हे कि यज्ञ में अपमान होवे के बाद सती हुएँ यज्ञकुण्ड में कूद के अप्पन इहलीला खत्म करना चाहलन, बकि कालो के काल महाकाल शंकर के इ मालूम हो गेल । एही से उ सती के अधजलल लहास के कंधा पर लेके पूरा संसार के बदवास होके विचरण करे लगलन । ही क्रम में सती के जहाँ-जहाँ देह के भाग गिरल उ सिद्धपीठ {शक्ति स्थल} बन गेल ।)    (धमके॰1:98.10)
9    अरधा (= ?) (काला चमकदार पत्थर के बनल हिआँ के शिवलिंग प्रभावोत्पादक आउ सिद्धिदायक हे जे अष्टकोणीय भाग के मध्य में स्थापित हथ आउ जिनकर अरधा डेढ़ हाथ ऊँचा हे ।)    (धमके॰3:5.13)
10    अराधना (= आराधना) (कभी मानव निवास, जीवन यापन आउ भोजन प्राप्ति के केन्द्र बनल प्रायः सब्भे पहाड़ साधना-अराधना के एगो मानित क्षेत्र हे ।; हिन्दू आउ बौद्ध मूरती के समान रूप से मिलना इ तथ्य के द्योतक हे कि हिआँ दूनो मत के लोग अप्पन-अप्पन अराध्य देव के साधना-अराधना में लीन रहऽ हलन ।)    (धमके॰3:84.4, 131.17)
11    अराध्य (= आराध्य) (हिन्दू आउ बौद्ध मूरती के समान रूप से मिलना इ तथ्य के द्योतक हे कि हिआँ दूनो मत के लोग अप्पन-अप्पन अराध्य देव के साधना-अराधना में लीन रहऽ हलन ।)    (धमके॰3:131.17)
12    अवसकता (= आवश्यकता) (मगही में कविता, कहानी, नाटक, व्यंग्य, समीक्षा, खण्डकाव्य आउ उपन्यास के तो बरमार हे पर ऐतिहासिक-सांस्कृतिक पुस्तक के ओतना प्रणयन न हो पायल जेतना अवसकता महसूस करल जाहे ।)    (धमके॰1:4.8)
13    असरल-पसरल (जइसे भारत देस गाँव के नगर हे आउ एकर प्राण आउ आत्मा गाँवे में बसऽ हे, ठीक ओइसहीं मगध परदेस के गौरवमय सभ्यता आउ संस्कृति गाँव-गिराँव में एने-ओने असरल-पसरल हे ।)    (धमके॰3:112.3)
14    असान (= आसान) (एही उमगा पहाड़ी के सबला ऊँच भाग पर बनल पूजन केन्द्र भी हे जहाँ सबके जाना कोई असान न हे ।)    (धमके॰1:87.3)
15    आउ-त-आउ (प्रवेश द्वार पर एगो सुन्दर गेट बना देवल गेल हे । आउ-त-आउ अब पर्यटन विभाग के तरफ से 'ककोलत-महोत्सव' के आयोजन करल जाना खुशी के बात हे ।; शेरघाटी अनुमण्डल के गुरुआ प्रखंड में बसल गुनेरी के पहचान आज दूर-दूर तक पुरान एवं ऐतिहासिक आउ प्रसिद्ध गाँव के रूप में होवऽ हे, एकर कारण भगवान बुद्ध के आगमन हे । आउ-त-आउ हिआँ के महत्ता इ जान-सुन के आउ बढ़ जाहे कि तथागत हिआँ एक बेर न, दू-दू बेर अयलन ।; जेतना पुरा महत्व के जगह हे ओतने नजरअंदाज इ जगह के कर देवल गेल मालूम होवऽ हे । आउ-त-आउ, इ जान के बड़ कष्ट होवऽ हे कि बरसो तक अज्ञानतावश इ मूरती के भैरो जी समझ के पूजल जाइत गेल, साथे-साथ दारू आउ बलि होवऽ हल ।; जानकारी मिलऽ हे कि पहिले इ जगह साधना के स्थल हल जहाँ राजा नल, वैशम्पायन जी, अगस्त्य मुनि आउ पाण्डव बन्धु भी अयलन हल । आउ-त-आउ, भगवान बुद्ध के भी हिआँ आवे के आउ आके विश्राम करे के कुछ प्रमाण मिलऽ हे जब उ बोधगया से सारनाथ जा रहलन हल ।; तथागत के पद-चिह्न पर चले वालन उनकर चेला अप्पन समय आउ सुविधा के मोताबिक हिआँ जरूर अयलन । आउ-त-आउ, बौद्ध दार्शनिक असंगा {असांघा} भी हिआँ 12 बरस तक कंदरा में तपस्या करलन ।; रामायण काल के पहिले से आबाद रहल इ क्षेत्र पर्वत शृंखला से परिवृत्त जंगल-झाड़ से भरल-पुरल आउ मनभावन साधना स्थली हल । आउ-त-आउ लोककथा में इ बात के उल्लेख हे कि राजगृह से बोधगया आवे के क्रम में तथागत भी हिआँ रात्रि विश्राम करलन हल ।)    (धमके॰1:35.23, 56.12, 57.11, 63.8-9, 83.22; 3:37.1)
16    आपरूपी (= अपरूपी; स्वयंभू) (एगो कथा कहल जाहे कि राजा चन्द्रसेन कोई कारण से अप्पन भगिना के हत्या कर देलक बकि लाख प्रयास से उ हथियार इनकर हाथ से न छूटल, हाथे मे सटल रह गेल । एक दिन राजा संयोग से जइसहीं एगो गाय के पानी पिला के तृप्त करलन कि आपरूपी हथियार राजा के हाथ से अलग हो गेल । इ घटना से राजा बड़ प्रभावित होलन आउ जर-जनावर के पानी पिए ला एगो बड़गर तलाब बनवयलन जेकर लम्बाई 2000 फीट आउ चौड़ाई आठ सौ फीट हे ।; कुछ के एहू मानना हे कि इ लिंग आपरूपी निकलल हे जेकर पूजा-स्थापना उ बुढ़िया के हाथ होल । देस भर में जउन-जउन मंदिर अपन शक्ति आउ शौर्य से मुगलकाल में भी बनल रहल ओकरा में बाढ़ के उमानाथ मंदिर भी एक हे ।; विद्वान सबन के मानना हे कि घोष राजा के इ कुलदेवी हलन जिनकर उद्भव कलियुग में भक्तन के सहायतार्थ आपरूपी होल हे ।)    (धमके॰1:54.4; 3:21.2, 28.17)
17    आलम (= हालत, दशा, परिस्थिति) (इतिहासकार सबन के राय में इ पूरा के पूरा पहाड़ के विस्तृत खोज-बीन करे के चाही तब्बे हिआँ के प्राचीन तथ्य स्पष्ट होत बकि आज आलम इ हे कि नया का, जे पुराना हे ओकरो हालत दिनो दिन खस्ता हो जा रहल हे ।; मध्यकाल में राजा मानसिंह कालीन गया के फल्गु घाट में बैकुण्ठ घाट के अक्षुण्ण महत्ता बनल रहल आउ बरस 1930 ई॰ तक हिआँ के स्थिति ठीक-ठाक बतावल जाहे । आगे के समय में भूकम्प आउ फिन गया में बाढ़ से इ घाट के रहल-सहल कसर पूरा हो गेल आउ आझ आलम इ हे कि एतना प्रसिद्धि के प्राप्त इ घाट के लोग नाम तक भूलइत जा रहलन हे ।)    (धमके॰1:87.16; 3:148.3)
18    आहर (इतिहासकार सबके मानना हे कि कोई जमाना में इही तालाब के किनारे एगो बड़गर आहर आबाद हल ।)    (धमके॰3:69.18)
19    इ (= ई) (दूर देस तक अप्पन सभ्यता-संस्कृति, कला आउ धरोहर लेल ख्यातनाम रहल मगध भूमि के हिरदा के सबसे अलग जे चीज हे उ इ कि इ मट्टी धर्म-सहिष्णु के सबला बेजोड़ उदाहरण हे ।; कविराज पं॰ धनंजय मिश्र के विचार हे कि पहिले के जमाना में इ 52 बिगहा के तलाब के चारो पट्टी 52 गो आउ तलाब हल जेकरा में केतनन तो भरा गेल बकि तइयो मनोखर, छोटकी पनिहास, कन्या विद्यालय के बगल के तलाब आदि के देख के उ जमाना के इयाद ताजा हो जा हे ।)    (धमके॰3:68.3, 17)
20    इंजोरा (= इंजोर, प्रकाश) (विवरण मिलऽ हे कि राजा उ तलाब {चन्द्रोखर चाहे चन्द्रपोखर} में जाठ के रूप में गाड़े लगी लाट लंका से मंगवा रहलन हल बकि दूत सबन रस्ते में ईंजोरा हो जाए के कारण हुएँ छोड़ देलक जे "दावथू" आउ "लाट" गाँव में देखल जा सकऽ हे । इ जगह जहानाबाद से कोई 28-30 कि॰मी॰ पूरब हे ।; जरूरत हे धराऊत पर धेयान देवे के, तब्बे हिआँ के इतिहास इंजोरा में आवत आउ धरोहर सब ला नयका बिहान होवत ।)    (धमके॰1:54.9, 55.12)
21    इंतजारी (= इंतजार) (रात भर रहे के बाद दोसर दिन नहा-धो के श्री राम आउ लक्ष्मण दूनो भाई सर-समान खरीदे बजार चल गेलन आउ एने माई जानकी उनकर इंतजारी फल्गु के किनारे कर रहलन हल ।)    (धमके॰1:91.23)
22    ईनरसा (= अनरसा) (गया तिलकुट, लाई, ईनरसा लेल, तऽ मनेर लड्डू लेल जउन तरह से प्रसिद्ध हे ठीक ओइसहीं खाजा के नाम आवइत सिलाव के नाम तुरन्त इयाद आ जाहे ।)    (धमके॰3:43.4)
23    उ (= ऊ; वह) (दूर देस तक अप्पन सभ्यता-संस्कृति, कला आउ धरोहर लेल ख्यातनाम रहल मगध भूमि के हिरदा के सबसे अलग जे चीज हे उ इ कि इ मट्टी धर्म-सहिष्णु के सबला बेजोड़ उदाहरण हे ।; कविराज पं॰ धनंजय मिश्र के विचार हे कि पहिले के जमाना में इ 52 बिगहा के तलाब के चारो पट्टी 52 गो आउ तलाब हल जेकरा में केतनन तो भरा गेल बकि तइयो मनोखर, छोटकी पनिहास, कन्या विद्यालय के बगल के तलाब आदि के देख के उ जमाना के इयाद ताजा हो जा हे ।)    (धमके॰3:68.3, 69.2)
24    उचका (फल्गु नदी के किनारा के उचका भाग पर बसल उपरडीह मुहल्ला में अवस्थित कर्दमेश्वर-वाराहेश्वर मनोकामना मंदिर के ठीक सामने से घाट दने रास्ता जाहे ।)    (धमके॰3:147.4)
25    उज्जर (= उजला) (हिआँ से नीचे उतरइत एकरे से पीछे-पीछे गाँव के अंतिम छोर जाके लउटे पर रास्ते में थोड़ा सा संगमरमर के उज्जर पत्थर के दर्शन होवऽ हे जे हिआँ बड़ पहिले से रखल बतावल जाहे ।)    (धमके॰3:138.7)
26    उत्तरवारी (इ मठ के ठीक उत्तरवारी पट्टी एगो शिवमंदिर हे जेकर निर्माण मठ के साथे-साथ बतावल जाहे ।)    (धमके॰3:105.18)
27    उर्स (= व्याह का खाना; किसी मुसलमान ऋषि का वार्षिक उत्सव) (हिआँ कमालो बीबी के उर्स भादो के आखिरी गुरुवार {जुमरात} आउ बेटी दौलत के उर्स मदार माह के अठवीं तिथि के होवऽ हे ।)    (धमके॰3:73.18, 74.1)
28    एतवार (= रविवार) (इ मंदिर के बगले में एगो तालाब हे । छठ आउ एतवार में हिएँ अर्घ्य दान करल जाहे ।; हिआँ चार दिन के छठ में साल के दूनो बार में कचवाकूट भीड़ रहऽ हे ।)    (धमके॰3:13.11)
29    एने-ओने (मगध के धरोहर पर इनकर कहलाम एकदम सटीक लगऽ हे कि हिआँ जेतना धरोहर एने-ओने विराजमान हे ओतना शायदे कहूँ होवत ।; जइसे भारत देस गाँव के नगर हे आउ एकर प्राण आउ आत्मा गाँवे में बसऽ हे, ठीक ओइसहीं मगध परदेस के गौरवमय सभ्यता आउ संस्कृति गाँव-गिराँव में एने-ओने असरल-पसरल हे ।)    (धमके॰3:xiv.14, 112.3)
30    ओइसहीं (जउन तरह से पंजाब के धरती सिख गुरु सबन लेल, महाराष्ट्र के धरती साई बाबा लेल, सिन्ध के धरती झेलू लाल लेल आउ बंगाल के धरती बाबा लोकनाथ लेल दूर-दूर तक जानल जाहे ठीक ओइसहीं इ मगहिआ मट्टी के कण-कण के इ सौभाग्य हे कि हिआँ तथागत आउ उनकर अमर इयादगारी रसल-बसल हे ।)    (धमके॰3:75.6)
31    ओझराना (कनिंघम के राय में इ पालकालीन हल । बाद में 1903 ई॰ में बुच महोदय हिआँ आके बड़ी सन ओझरायल तथ्य के सोझरयलन ।)    (धमके॰1:28.7)
32    कचवाकूट (आज हिआँ सुरुज मंदिर आउ विशाल शिवमंदिर बन जाए से पूरा सावन, सरस्वती पूजा, छठ, शिवरात्रि, अनन्त चतुर्दशी के अलावे भर लगन में कचवाकूट मेला लगऽ हे ।; इ मंदिर के बगले में एगो तालाब हे । छठ आउ एतवार में हिएँ अर्घ्य दान करल जाहे ।; हिआँ चार दिन के छठ में साल के दूनो बार में कचवाकूट भीड़ रहऽ हे ।)    (धमके॰1:61.9; 3:13.18)
33    कटगर (= कँटगर; कँटीला) (आज भी विद्वान सब के इ विचार हे कि इ पूरा के पूरा पर्वत के ठीक ढंग से सर्वेक्षण करावल जाए त हिआँ से इतिहास पुरातत्व के नया अध्याय मिलत, पर पर्वत के दुर्गमता आउ अनुकूल मौसम के साथे-साथ कटगर पेड़-झाड़ी इ राह में बड़ बाधा हे ।)    (धमके॰1:36.6)
34    कतकी (~ छठ) (औरंगाबाद जिला मुख्यालय से 16 किलोमीटर दूर पर बसल देव प्रखण्ड के देव राजवंश के किला के बगल में स्थापित इ मंदिर परिसर में साल में दू बेर अदमी सब के जमघट लगऽ हे - पहिला चैती छठ में आउ दूसर कतकी छठ में ।)    (धमके॰1:21.10)
35    कर-किताब (कुल मिला के इ कहे में कोई बेजाय न हे कि मगध क्षेत्र में 'मरहर' असीम संभावना वाला पुरास्थल हे जहाँ पुरातत्व विभाग के धेयान गेल कोई जादा जानकारी मिले के संभावना नऽ हे । एकर एगो कारण इ हे कि कोई पुरान कर-किताब में हिआँ के जानकारी न मिले, अइसे इ जगह गया तीरथ के 365 वेदी में एगो वेदी बतावल जाहे, जहाँ जमकारण्य के बाद पिंडदान होवऽ हल ।; गयापाल कुलदर्पण, तीर्थांक, श्री संडेश्वर महात्म्य आउ पुरान कर-किताब के पढ़े से इ जानकारी मिलऽ हे कि प्राचीन काल में इ जगह भक्त प्रह्लाद के गुरु संडामर्क के साधना स्थल हे जे ढाढर नदी के किनारे दूर तक फैलल हल ।; आउ-त-आउ, अगल-बगल के अदमी भी कुछो न बता सकऽ हथ कि इ मंदिर केतना पुरान हे, इ कहिआ बनल, एकरा कउन बनवौलन । आउ जहाँ तक कोई बाहरी लेखक के कर-किताब में लिखे के बात हे त उनका गाँव-गिराँव से जादा का लगल हे ... जे सामने मिलल, लिख देलन ।; इ तो तू भी जानऽ होवऽ कि कोई जगह के इतिहास बनावे में पुरान कर-किताब से भेटायल जानकारी मददगार साबित होवऽ हे ।)    (धमके॰1:74.4, 77.16, 95.5, 96.17)
36    कहलाम (कुछेक विद्वान के एहू कहलाम हे कि 12 पहाड़ एक साथ सटले-सटल हे, एही से एकर नाम बराबर हे जबकि पुरान जमाना में एकर नाम दूसर मिलऽ हे ।; लोग सब के कहलाम हे कि 'नऽ करे आउ नऽ करे दे' के नीति से इ बड़गर खूबसूरत किला आज खंडहर बन गेल आउ रहल-सहल कसर पुरातत्व विभाग आउ बिहार सरकार पूरा कर देलकन हे जे एकर सुधी लेवे लगी अभी तक कोई दमदार प्रयास न करलन हे ।; इ पहाड़ पर भी पुरावशेष के उपस्थिति हे । इ सब समान के मिलना आउ स्थानीय लोग के कहलाम पर इ बात के जोर मिलऽ हे कि अति प्राचीन काल से इ क्षेत्र आबाद रहल जहाँ पाषाण काल घड़ी मानव अस्तित्व विद्यमान हल ।; बेलागंज के अष्टरूपधारी माँ काली-कंकाली बड़ जागृत बतावल जा हथ । लोग सबन के कहलाम हे कि हिआँ भक्तन के हरेक तरह के मनोकामना के पूरती होवऽ हे ।; मगध के धरोहर पर इनकर कहलाम एकदम सटीक लगऽ हे कि हिआँ जेतना धरोहर एने-ओने विराजमान हे ओतना शायदे कहूँ होवत ।)    (धमके॰1:42.20, 46.18, 69.5, 82.4; 3:xiv.14)
37    किनकर (आझ गया क्षेत्र में केतनन नया नामी मंदिर बन गेल आउ बन रहल भी हे बकि किनकरो धेयान इ पुरातन महिमामयी मंदिर पर जाए तब तो ।)    (धमके॰3:145.9)
38    किरपा (= कृपा) (जहाँ गुरुजी के किरपा से गुरु गोविन्द सिंह के जलम होल इ जगह आझ पटना साहिब कहला हे ।)    (धमके॰3:152.8)
39    कुलम (= कुल्लम; कुल) (एकरे सटल करीब दर्जन भर सीढ़ी से उपरे चढ़े पर एगो बड़गर बरामदा देखल जा सकऽ हे जेकरा में कुलम नौ गो छोट-बड़ झरोखा लगल हे ।; इ मंदिर के ठीक पीछे भाग में एगो बड़गर तलाब हे जेकर चारो पट्टी पक्का के घेरा हे । एकरा पर भू-तल से कुलम नौ गो चौताल रूपी सीढ़ी हे ।)    (धमके॰3:65.9, 159.3)
40    कोची (= कउची) (गाँव के कुछ लोग के जे सुबह-शाम एने आवऽ हलन, हब एगो बात सुझल कि आखिर इ मूरती हे तऽ कोची के ? इ जाने के बलवती भाव से उ सबन खुदाई शुरूम करलन ।)    (धमके॰3:128.18)
41    खउआ-पकउआ (= खा-पका जानेवाला; दूसरे की वस्तु हड़प लेनेवाला) (आझ के खउआ-पकउआ जुग में इ धरोहर के बारे में कोई-कोई लोग बेकार के चीज तक कह दे हथिन जेकरा से आझ के कोई सरोकार न हे बकि एहू कड़ुआ सत्य हे कि उहे गाँव समृद्ध नामवाला हे जहाँ कोई न कोई पुरान धरोहर हे ।)    (धमके॰3:xiv.3)
42    खरचा-पानी (राजा मानसिंह मंदिर में पूजा-पाठ लेल पंडा-पुजारी के बसयलन आउ उनकर खरचा-पानी लगी खेती लायक जमीन, बगीचा आउ गाँव के जमींदारी के आय प्रदान करलन ।)    (धमके॰1:48.14)
43    खाकशफा (हिआँ के सबला मेन प्रसाद हिआँ के भभूति हे जेकरा खाकशफा कहल जाहे ।; हिआँ के खाकशफा बड़ महत्व के मानल जाहे ।)    (धमके॰3:42.6, 73.15)
44    खासियत (बड़ भू-भाग में बसल इ मंदिर के खासियत हिआँ के महिमाकारी शिवलिंग हे जे 1200 छोट-छोट शिवलिंग से जुड़ल हे ।)    (धमके॰1:48.17)
45    खोजवइया (पूरा सम्पन्न गाँव केकरो से भले अनजान रहे बकि खोजवइया ओकरा खोजिए ले हथिन ।)    (धमके॰3:xiv.7)
46    खोदाई (= खुदाई) (हिआँ अब तक के 11 संघाराम, 4 मंदिर, 1 बड़गर चैत्य आउ अनेकानेक छोट-बड़ स्तूप के अवशेष मिलल । एतना खोदाई के बादो हिआँ के प्रवेश-द्वार के स्पष्ट पता न चल पायल ।)    (धमके॰1:10.1)
47    गड़तर (= गेन्तर) (लोक गाथा में इ बात के उल्लेख हे कि जगत् जननी माई सीता अप्पन दूनो बेटा लव आउ कुश के गड़तर हिआँ धोलन हल । एही कारण हिआँ मन्नौती प्राप्त होवे पर गड़तर चढ़ावे के रेवाज हे ।)    (धमके॰1:75.19, 20)
48    गाँव-गिराँव (मगह के अइसन गाँव-गिराँव बड़ कमे मिलऽ हे जहाँ मगही लिखताहर न हथ । हाँ ! इ सही हे कि केकरो कृति प्रकाशित हो गेल त उनकर नाम के जग इंजोरा हो गेल आउ केतनन के प्रतिभा टोला-टाटी में सीमित रह गेल ।; जवानी के दिन में जब हम दोसर-दोसर सांस्कृतिक प्रदेश के गाँव-गिराँव के इतिहास संस्कृति के किताब पढ़ऽ हली तऽ हमरा मन में लगऽ हल कि अप्पन मगध के धरती से जुड़ल भी अइसने कोई काम होवे के चाही ।; जइसे भारत देस गाँव के नगर हे आउ एकर प्राण आउ आत्मा गाँवे में बसऽ हे, ठीक ओइसहीं मगध परदेस के गौरवमय सभ्यता आउ संस्कृति गाँव-गिराँव में एने-ओने असरल-पसरल हे ।)    (धमके॰1:4.1; 3:xi.4, 112.3)
49    गाँव-जवारी (= गाँव-जेवार) (एही कारण हे कि गया जिला के चारो दने गाँव-जेवारी के साथे-साथ समूला नगर में भी पुरावशेष के समृद्ध संसार हे बकि अफसोस कि हिआँ के केतनन स्मारक आझ जार-बेजार हे ।; जइसे घर-परिवार के कोई लड़का परिजन के असीरवाद आउ अप्पन मेहनत से आगे बढ़ के रोजी-रोजगार पाके न खाली घर के बिलुक पूरा गाँव-जवारी के नाम रौशन कर दे हे, ठीक ओइसहीं कोई-कोई पुरावशेष से गाँव के महिमा में खूबे बढ़ोतरी हो जा हे ।)    (धमके॰3:108.7, 126.3)
50    गाँव-ठेम (गया के साहितकार में एगो विशिष्ट स्थान बनावे वाला प्रो॰ रामनिरंजन परिमलेन्दू लिखऽ हथिन कि इ बड़ी अफसोस के बात हे कि गाँवे-ठेमें धरोहर से अटल-पटल अप्पन मगहिआ गाँव के धरोहरवन के आझ बेकदरी भी खूब हो रहल हे जे इतिहास लगी घोर अन्याय हे ।; आझो गाँवे-ठेमे पुरातन खंडहरनुमा भूमि क्षेत्र, मंदिर में विराजमान देव मूरती, बड़गर तलाब आउ गढ़ इ बात के साक्षी हे कि इ भूमि आदि अनादि काल से लेके आझ के तारीख तक आबाद आउ खुशहाल रहल हे ।)    (धमके॰3:xv.5-6, 115.10)
51    गिरल-ढहल (हिआँ पर द्विकक्षयुक्त शिव-मंदिर के सुंदर अवशेष हे । एकरा में नीचे उतरला पर नदी के दर्शन होवऽ हे जेकर किनारे के दाहिना-बायाँ दूनो दने के भवन टूट के गिरल-ढहल जा रहल हे ।)    (धमके॰3:149.7)
52    गोयठा (= गोइठा; ~ ठोकना) (हिआँ के पुरान अवशेष पर गोयठा ठोक के हालत खास्ता कर देवल गेल हे ।)    (धमके॰1:92.16)
53    गोयठा-ठोकन (दू-तीन बरस पहिले रूने होल निर्माण के बादो इ जगह के हप्पन हाल पर छोड़ देवल गेल आउ आझ इ जगह मल-मूत्र त्याग के जगह के साथे-साथ गोयठा-ठोकन केन्द्र बन गेल हे ।)    (धमके॰3:109.1)
54    घर-दुआर (आझ आसपास के जमीन पर घर-दुआर बन जाए से एकर सीमाना भलूके कम हो गेल, नऽ तो पहिल जमाना में इ तरफ के सबला बड़ गढ़ धेंजन के हल ।)    (धमके॰3:132.8)
55    घुमताहर (कुल जिला के मागधी सभ्यता संस्कृति से सराबोर इ भूमि आउ हिआँ के ऐतिहासिक गुफा मंदिर देखे लायक हे जहाँ के स्मृति घुमताहर के मन में सदैव जीवन्त रहऽ हे ।; सच्चो मगध के ऐतिहासिक, रमणीय आउ पौराणिक सदाबहार स्थल में एक हे झरना सरेन जहाँ सालो भर घुमताहर के जाए में कोई दिक्कत न हे ।; अइसे तो हिआँ दूर देस के घुमताहर सालो भर अइते रहऽ हथिन बकि अंग्रेजी साल के पहिला जनवरी के हिआँ घुमताहर के ताँता लगल रहऽ हे ।)    (धमके॰3:39.12, 83.3, 101.14)
56    चिन्हा (= चिह्न) (बेलागंज मुख्यालय के उत्तर-पूरब कोना पर करीब 9 कि॰मी॰ दूरी तय करके हिआँ तक आवल जा सकऽ हे । आझो इतिहास-पुरातत्व के चिन्हा साफ-साफ देखल जा सकऽ हे ।)    (धमके॰3:85.4)
57    चैती (~ छठ) (औरंगाबाद जिला मुख्यालय से 16 किलोमीटर दूर पर बसल देव प्रखण्ड के देव राजवंश के किला के बगल में स्थापित इ मंदिर परिसर में साल में दू बेर अदमी सब के जमघट लगऽ हे - पहिला चैती छठ में आउ दूसर कतकी छठ में ।)    (धमके॰1:21.10)
58    चौताल (15 सीढ़ी उतरइत दू-दू चौताल मिल जाहे ।; नीचे उतरइत दूसरका चौताल के मोड़ पर एगो ध्वस्त शंकर जी के मंदिर देखल जा सकऽ हे जेकर देवाल पर आउ सब लिखित अंश के बीच 'श्री महाराज बाबू' पढ़ल जा सकऽ हे ।; इ मंदिर के ठीक पीछे भाग में एगो बड़गर तलाब हे जेकर चारो पट्टी पक्का के घेरा हे । एकरा पर भू-तल से कुलम नौ गो चौताल रूपी सीढ़ी हे ।)    (धमके॰3:148.16, 149.2, 159.4)
59    चौवर (ऐतिहासिक उद्धरण बतावऽ हथ कि इ बड़गर पर्वत पाषाणकालीन मानव के रहे के जगह हल । यही कारण हे कि इ समूला पर्वत से दुर्लभ पाषाण हथियार जइसे कि हस्तकुठार, चौवर आउ गोल हथौड़ा मिलल हे ।)    (धमके॰1:35.3)
60    छठ (चैती ~, कतकी ~) (औरंगाबाद जिला मुख्यालय से 16 किलोमीटर दूर पर बसल देव प्रखण्ड के देव राजवंश के किला के बगल में स्थापित इ मंदिर परिसर में साल में दू बेर अदमी सब के जमघट लगऽ हे - पहिला चैती छठ में आउ दूसर कतकी छठ में ।; इ मंदिर के बगले में एगो तालाब हे । छठ आउ एतवार में हिएँ अर्घ्य दान करल जाहे ।; हिआँ चार दिन के छठ में साल के दूनो बार में कचवाकूट भीड़ रहऽ हे ।)    (धमके॰1:21.10; 3:13.11, 18)
61    छठी-मुड़ना (सादी विआह, छठी-मुड़ना, परब-त्योहार खासकर के नवरात्र में आजो हिआँ सभे दने के लोग आते रहऽ हथ ।; आज इ जगह में सादी-विआह, छठी-मुड़ना आउ भर सावन, शिवरात्रि, रामनवमी, साथे-साथ वसंत पंचमी में लोग सबन से गुलजार रहऽ हे ।)    (धमके॰1:41.9, 78.13)
62    जउर (= एकत्र) (मगही के साहितकार आउ रंगकर्मी वासुदेव प्रसाद लिखऽ हथिन कि मगही साहित में इतिहास आउ धरोहर के एक जगह जउर करे में अइसे तो केतनन के नाम आवऽ हे बकि उ सबन में रवि जी के किताब सबला निमन हे जेकरा पढ़े से जी जुड़ा जा हे ।)    (धमके॰3:xvii.14)
63    जमगर (हिआँ हरेक साल सावन, महाशिवरात्रि, वसंत पंचमी आउ भादो के अंतिम सोमार के जमगर मेला लगऽ हे । अइसे शादी-विआह, मुण्डन, जनेऊ आउ दोसर परव के अवसर पर भी हिआँ भक्तन के खूबे भीड़ रहऽ हे ।; आझो इ गाँव में सूरूज मंदिर बिजुन साल के दूनों छठ में आसपास के गाँव के भक्तन के आवे से जमगर मेला लग जाहे ।)    (धमके॰1:49.6; 3:118.14)
64    जर-जनावर (एगो कथा कहल जाहे कि राजा चन्द्रसेन कोई कारण से अप्पन भगिना के हत्या कर देलक बकि लाख प्रयास से उ हथियार इनकर हाथ से न छूटल, हाथे मे सटल रह गेल । एक दिन राजा संयोग से जइसहीं एगो गाय के पानी पिला के तृप्त करलन कि आपरूपी हथियार राजा के हाथ से अलग हो गेल । इ घटना से राजा बड़ प्रभावित होलन आउ जर-जनावर के पानी पिए ला एगो बड़गर तलाब बनवयलन जेकर लम्बाई 2000 फीट आउ चौड़ाई आठ सौ फीट हे ।)    (धमके॰1:54.5)
65    जर-जमीन (सच्चो बौद्धकालीन मागधी संस्कृति के इ जगह ऐतिहासिक हे जहाँ पुरातात्विक धरोहर जर-जमीन में जमींदोज हे ।; एही बोधगया महंत के दखिनाखंड के शासन प्रबन्ध, मालगुजारी आउ अनाज उत्पाद पर सही नजर रखे लेल जब दखिनाखंड में जर-जमीन के तलाश चल रहऽ हल तब अप्पन भौगोलिक विशेषता से बोधगया महंत के धेयान दरबार पर पड़ल, जे राजमार्ग आउ पाछे के जंगल-पहाड़ दने से बराबर दूरी पर बड़गर प्रकृति अहरा आउ एगो प्रकृति कुंड के किनारे आबाद हे ।; आधुनिक काल में भी हिआँ के जर-जमीन से कुछ न कुछ पुरा महत्व के चीज भी हिआँ जब कभी भेंटा जाहे ।)    (धमके॰3:46.2, 103.13, 117.5)
66    जलमजुग्गी (= जीवन भर काम आनेवाला, टिकाऊ, जो बहुत दिनों तक काम आए) (विद्या, बुद्धि, ज्ञान आउ अमर लेखनी के सहारा भगवती माई सरस्वती इनकर लेखकीय किरिया-कलाप में आउ चार चाँद लगावथ एही निहोरा आउ जलमजुग्गी असीरवाद हे हम्मर रवि जी के नाम ।; ऋषिकेश में प्रवास करथ डॉ॰ मारुतिनन्दन पाठक के मानना हे कि मगध के धरोहर के समेटले रवि के इ काम जलमजुग्गी इयाद दिलते रहतइ, एकरा में एक्को पाई शक न हे ।)    (धमके॰3:xii.19, xv.2)
67    जानल-अनजानल (आसपास के गाँव जइसे कि बैजू बिगहा, मंगलीचक आदि के पुरान-पुरान लोग बतावऽ हथ कि आजो हिआँ जब कभी खेती चाहे मकान बनावे घड़ी केतनन पुरान-पुरान समान मिलते रहऽ हे, जेकरा जानल-अनजानल में इया तो बरबाद कर देवल जाहे, चाहे उ घर के शोभा बढ़वइत हे ।)    (धमके॰1:73.18)
68    जानिछते (= जानिस्ते; जानकारी में) (समय गुजरइत गेल आउ इ अन्तराल में हम्मर जानिछते आठ-दस गो गया पर शोध करलन बकि उ सब में हम्मर मन प्राण में बसल रहे वाला डॉ॰ रवि के हम जब भी इतिहास-संस्कृति के बात चलऽ हे तऽ बड़ा मन से इयाद करऽ ही ।)    (धमके॰3:xi.7)
69    जे (= जो) (दूर देस तक अप्पन सभ्यता-संस्कृति, कला आउ धरोहर लेल ख्यातनाम रहल मगध भूमि के हिरदा के सबसे अलग जे चीज हे उ इ कि इ मट्टी धर्म-सहिष्णु के सबला बेजोड़ उदाहरण हे ।)    (धमके॰3:68.2)
70    झमटगर (= झमठगर) (इ ओही जगह हे जहाँ अढ़ाई हजार साल पहिले निरंजना नदी के बाम्पर्थ से स्थित उरूबिल नाम के जगह में एगो पुरान झमटगर पीपल के पेड़ के नीचे तथागत के आत्मज्योति के सम्प्राप्ति होल हल ।; पाँच-सात बड़गर आउ झमटगर जड़ से जुड़ल एगो बड़गर अँगना में शोभित अक्षयवट के पहिला दर्शने से एकर प्राचीनता के सहज अनुमान हो जाहे ।)    (धमके॰1:13.4, 91.11)
71    झर-झरना (एही कारण हे कि इ भूमि पर नदी, पहाड़, झर-झरना, जंगल-झाड़, कुण्ड-तालाब आदि के भरमार हे ।; अइसे तो मगध में झर-झरना के भरमार हे बकि एकरा साथ सबला बड़ बात हे उ इ कि सरेन झरना के साथ तथागत के अमर नाम जुड़ल हे ।)    (धमके॰3:80.4, 83.4)
72    टाँड़ (समूला मगध में गढ़, टीला, खंडहर आउ टाँड़ के कउनो कमी न हे । जे आझ विरान हे, पहिले आबाद हल, जे आझ गढ़ हे, पहिले महल हल, जे आझ खंडहर हे पहिले नगर हल । बनना बिगड़ना प्रकृति के अटूट नियम हे ।)    (धमके॰3:88.1)
73    टिसन, टिशन (पटना रेलवे टिशन से 30 कि॰मी॰, गया से 63 कि॰मी॰ आउ जहानाबाद से 16 कि॰मी॰ दूरी पर बसल इ तारेगना टिसन से उतर के एगो तीरथ के दर्शन करल जा सकऽ हे जे आझ मणिचक के नाम से जानल जाहे ।)    (धमके॰3:157.5, 6)
74    ठंढई (हिआँ के पानी में ठंढई के जवाब न हे । विद्वान के मानना हे कि अनेकानेक औषधि मिलल पेड़-झाड़ रहे के कारण हिआँ के पानी एतना ठंढा हे जे भयंकर गरमी में भी सिहरन पैदा करऽ हे ।)    (धमके॰1:34.19)
75    तइयो (= तो भी) (कविराज पं॰ धनंजय मिश्र के विचार हे कि पहिले के जमाना में इ 52 बिगहा के तलाब के चारो पट्टी 52 गो आउ तलाब हल जेकरा में केतनन तो भरा गेल बकि तइयो मनोखर, छोटकी पनिहास, कन्या विद्यालय के बगल के तलाब आदि के देख के उ जमाना के इयाद ताजा हो जा हे ।)    (धमके॰3:68.18)
76    तनीक (रस्ता में एगो जापान आउ एगो बर्मा के बनावल मंदिर देखे लायक हे । अइसहीं वेणुवन से तनीक पच्छिम दने बनल जापानी मंदिर भव्य आउ मनोरम हे ।; हिआँ से तनीक दूर पर बलथवा के पास सिंधुपुर के पहाड़ी के नगीच एगो गुफा में लिपियुक्त स्तूप हे । एकर साथ हिआँ हेमाटाइट पेन्टिंग के पता चलल ।; हिएँ से निकले पर देवी स्थान जाए वला रस्ता में एगो पेड़ के नीचे मंदिर के ठीक बाहरे सत-सत गो पुरान मूरती के अवशेष देखल जा सकऽ हे । हिएँ से तनीक दूर पर एगो थोड़ा सा टूटल शिवलिंग अइसहीं पड़ल हे ।)    (धमके॰1:31.18, 60.16; 3:118.4)
77    तनी-मनी (एगो निहोरा हे कि इ तीनों खण्ड के अलावे कुछ धरोहर जे हम्मर नजर से चूक गेल हे ओकरा बारे में हमरा तनियो-मनी सूचना जरूरे दिहऽ ।)    (धमके॰3:iv.21)
78    ताखा (मंदिर के बाहरी देवाल के दुनो ताखा में एक बुद्ध फलक आउ दोसर में माई सरस्वती के मूरती शोभायमान हे ।)    (धमके॰3:5.15)
79    तितिमा (= तितिम्मा; किसी वस्तु के प्रबन्ध में लगनेवाली अनावश्यक देर; शेष भाग, किसी दस्तावेज आदि का पूरक अथवा सुधारक अंश; टंटघंट, ढकोसला, आडम्बर, दिखावा) (इ बात तो एकदमे सच हे बकि स्थान भ्रमण, धरोहर के अध्ययन, सर्वेक्षण आउ ओकरा बारे में लेखन के बाद पुस्तक प्रकाशन में कउन-कउन तितिमा हे इ कोई एही लाइन के आदमी जान-समझ सकऽ हथ ।; अब लोग पढ़े-लिखे से जादा आउ मेहनत करे से जादा अप्पन नाम में प्रेस रिपोर्टर, पत्रकार, वरिष्ठ पत्रकार, ब्यूरो प्रमुख, कार्यालय संवाददाता, लेखक आदि जोड़वावे के जादा चक्कर में रहऽ हथिन । कहे के माने खाए तो सबके आ गेल बकि खाना पकावे के तितिमा से उनका कोई मतलब नऽ हे ।; कुछ हिआँ के सम्पत्ति पर आझो गिद्ध निगाह रख रहलथिन हे आउ रोज कोई-न-कोई अइसन काम कर रहलथिन हे कि कोई तितिमा से साधु-साध्वी भाग जाए ।)    (धमके॰3:iv.16, xi.21, 125.4)
80    थोड़म-थोड़ा (मुसलमान शासक के आक्रमण काल में इ मंदिर में कोई खास तोड़-फोड़ न होयल बकि गुमनामी के अंधेरा में पुरमपुरी न तो थोड़मथोड़ा जरूरे डूबल रहल ।)    (धमके॰1:15.9)
81    दखिनवारी (इ गाँव के दखिनवारी पट्टी एगो देवी स्थान वर्ष 1960 में बनावल गेल ।; इ जाने के बात हे कि जइसे पहिले गुनेरी में बुद्ध भैरोजी के रूप में, लाट में बड़गर स्तम्भ लाट बाबा के रूप में, आउ सामनपुर में बुद्ध भीमसेन बली के नाम से पूजल जा हलथिन ओही तरह से गाँव के दखिनवारी के बड़गर तलाब में छोट-बड़ दू मूरती के पूरा गाँव भभू-भैसुर के नाम से पूजऽ हलथिन ।)    (धमके॰3:106.11, 128.8)
82    दने (= दन्ने; तरफ) (रस्ता में एगो जापान आउ एगो बर्मा के बनावल मंदिर देखे लायक हे । अइसहीं वेणुवन से तनीक पच्छिम दने बनल जापानी मंदिर भव्य आउ मनोरम हे ।; मंदिर के बाहर बड़गर पीपल के पेड़ के नीचे कुछ मूरती हे आउ आगे दने हनुमान जी के छोटगर मूरती {पवनात्मज मंदिर} हे ।; सिलाव के मस्जिद ऐतिहासिक हे जे आझकल बनल बाइपास के पछिम दने हे । इ मस्जिद के सटले एगो पुरान भवन हे जेकरा इ पुरातन कलाकारी के रूप स्पष्ट रूप से अंकित हे ।; एकर अलावे इ गाँव के उत्तर दने एगो शिवमंदिर हे जेकर बनावट बड़ सुन्दर हे ।; माई के मूरती के एक दने काली, दोसर दने सरस्वती आउ कंधा बिजुन भैरव जी के स्थान हे ।)    (धमके॰1:31.18, 81.20; 3:45.9, 16, 94.19)
83    दहिना (= दाहिना) (साधना कक्ष में दहिना कोना से गुप्त गुफा में जाए के छोट दुआरी हे ।)    (धमके॰3:124.3)
84    दावा (= नींव) (हिआँ के भूमि पुरा समय से एतना समृद्ध हे कि कब, कहाँ, कोन जमीन से का मिल जाए, कुछो कहल न जा सकऽ हे । घर के दावा खोदे घड़ी, नली बनावे घड़ी, सड़क बनावे चाहे फोन के तार बिछावे इया पोल गाड़े घड़ी, अइसन केतनन बार होल हे ।; इ गाँव में आज भी खेती काम ला, चाहे घर बनावे लेल दावा खोदे घड़ी पुरान समान आउ मूरती मिलना आम बात हे ।; अभी चार बरस पहिले के बात हे सुन्दर भगत के खेत से दावा खुदाई के क्रम में हिआँ एगो मंदिर के भग्नावशेष मिलल जहाँ दर्जन भर पुरान महत्व के अवशेष आउ चार छोट-बड़ पाषाण स्तम्भ देखल जा सकऽ हे ।)    (धमके॰1:72.5, 96.12; 3:63.7)
85    दुआरी (साधना कक्ष में दहिना कोना से गुप्त गुफा में जाए के छोट दुआरी हे ।; इ मंदिर के दुआरी पर लगल एगो शिलालेख बतावऽ हे कि बारह लाख सोलह हजार बरस त्रेता युग बीत जाए के बाद माघ शुक्ल पंचमी गुरुवार के राजा इला के बेटा ऐल इ मंदिर के निर्माण करवयलन ।)    (धमके॰1:21.13; 3:124.4)
86    देवार (= देवाल, दीवार) (नीचे दने देवार में दूनों तरफ एक-एक शेर विराजमान हे ।)    (धमके॰3:99.8)
87    देवाल (= दीवार) (हिआँ गर्भगृह में काला पत्थर के श्रीकृष्ण आउ बाहरे देवाल में लगल बजरंगबली के मूरती सोहगर हे ।)    (धमके॰3:93.3)
88    देवीथान (गाँव के एक दने 1939 में बनल एगो शिवमंदिर के दर्शन करल जा सकऽ हे जेकर बनवइया के नाम छेदी साव तेली मिलऽ हे । अइसे गाँव में एगो ठाकुरवाड़ी आउ एगो देवी स्थान भी हे जेकरा में देवीथान के नव शृंगार आकर्षक हे ।)    (धमके॰3:62.11)
89    धजा (= धाजा, ध्वजा, पताका) (निर्माण के बात आउ रोचक हो जाहे जब बूढ़ पुरनिया बतावऽ हथ कि मंदिर विश्वकर्मा भगवान रातोरात बनयलन आउ एक बेर एगो चोर मंदिर के सोना के धजा आउ कलश चोरी करे लगी जइसे उपरे चढ़ल कि तुरंते गिर के पथर हो गेल जे आजो मंदिर के नैऋत्य कोण पर देखल जा सकऽ हे ।)    (धमके॰1:19.5)
90    नगीच (= नजदीक) (हिआँ से तनीक दूर पर बलथवा के पास सिंधुपुर के पहाड़ी के नगीच एगो गुफा में लिपियुक्त स्तूप हे । एकर साथ हिआँ हेमाटाइट पेन्टिंग के पता चलल ।)    (धमके॰1:60.17)
91    नयका (जरूरत हे धराऊत पर धेयान देवे के, तब्बे हिआँ के इतिहास इंजोरा में आवत आउ धरोहर सब ला नयका बिहान होवत ।)    (धमके॰1:55.12)
92    नर-नौकरी (अइसे बेटी के विआह, बेटा के नर-नौकरी, धन-संपत्ति, वैभव आदि माँगे वालन ढेरे लोग के भी हिआँ रोज आगमन बनल रहऽ हे जे अप्पन मनोकामना पूरन होवे पर अप्पन घर के बरती सबन अचरा पर नेटूआ नचवा के भगवान दीनानाथ के श्रद्धार्पित करऽ हथिन ।)    (धमके॰3:14.14)
93    नामी-गिरामी (वैदिक काल से लेके ऐतिहासिक काल तक नामी-गिरामी राजा के ख्यातनाम राजधानी रहे के कारने इ पुण्यमय जगह 'राजगृह' आउ आजकल 'राजगीर' कहल जाहे जहाँ उ घड़ी के बनल 32 दरवाजा आउ 104 खिड़की लगल पथल के बड़गर चहारदीवारी के कुछ अवशेष आजो देखल जा सकऽ हे ।)    (धमके॰1:30.7)
94    निजार (= ?) (नालन्दा के कूण्डलपुर में अवतरित होल इन्द्रभूति गौतम गोत्र के ब्राह्मण हलन, इ कारण इनका इन्द्रभूति गौतम कहल गेल हे जे आरंभ काल से ही उच्च कोटि के सादक हलन आउ जिनकर साधना में महावीर स्वामी के साथ मिले से खूबे निजार आयल ।)    (धमके॰3:97.6)
95    निमन (= नीमन; अच्छा) (मगही के साहितकार आउ रंगकर्मी वासुदेव प्रसाद लिखऽ हथिन कि मगही साहित में इतिहास आउ धरोहर के एक जगह जउर करे में अइसे तो केतनन के नाम आवऽ हे बकि उ सबन में रवि जी के किताब सबला निमन हे जेकरा पढ़े से जी जुड़ा जा हे ।)    (धमके॰3:xvii.16)
96    नेटूआ (अइसे बेटी के विआह, बेटा के नर-नौकरी, धन-संपत्ति, वैभव आदि माँगे वालन ढेरे लोग के भी हिआँ रोज आगमन बनल रहऽ हे जे अप्पन मनोकामना पूरन होवे पर अप्पन घर के बरती सबन अचरा पर नेटूआ नचवा के भगवान दीनानाथ के श्रद्धार्पित करऽ हथिन ।)    (धमके॰3:14.16)
97    पट्टी (= तरफ, ओर) (दावथू में मूर्त्तशिल्प के अकूत भंडार हे । विद्वज्जन के अनुमान हे कि अभियो गाँव के घुसे वाला राह पर दूनो मंदिरवन बिजुन आउ चारो पट्टी फैलल टीला सब के विधिवत् सर्वेक्षण आउ खुदाई से हिआँ बड़ कुछ मिल सकत जे से इ गाँव के साथे-साथ समूले मगध के ऐतिहासिक-सांस्कृतिक इतिहास में एगो नया अध्याय के सूत्रपात होतइ ।; कविराज पं॰ धनंजय मिश्र के विचार हे कि पहिले के जमाना में इ 52 बिगहा के तलाब के चारो पट्टी 52 गो आउ तलाब हल जेकरा में केतनन तो भरा गेल बकि तइयो मनोखर, छोटकी पनिहास, कन्या विद्यालय के बगल के तलाब आदि के देख के उ जमाना के इयाद ताजा हो जा हे ।; इ मठ के ठीक उत्तरवारी पट्टी एगो शिवमंदिर हे जेकर निर्माण मठ के साथे-साथ बतावल जाहे ।; इ गाँव के दखिनवारी पट्टी एगो देवी स्थान वर्ष 1960 में बनावल गेल ।; गाँव के दोसर पट्टी बड़गर क्षेत्र में फइलल भेलवार गढ़ के देखल जा सकऽ हे जेकर एक तरफ भोले भंडारी के मंदिर विराजमान हे ।)    (धमके॰3:53.11, 68.17, 105.18, 106.11, 117.12)
98    पर-पहाड़ (बेल आउ महुआ लगी प्रसिद्ध साथे-साथ नदी-नाला आउ पर-पहाड़ से भरल गया जिला के बाराचट्टी प्रखण्ड में बसल 'भरेड़िया पहाड़' अप्पन विशिष्ट महत्ता के कारण आदि अनादि काल से चर्चित रहल हे ।)    (धमके॰1:68.1-2)
99    परसादी (अप्पन देस में बेटा के घर के चिराग आउ कुल के दीपक कहल जाहे । बहुत सारा परिवार में बेटा-बेटी के भगवान के परसादी मानल जाहे । एही कारण हे, जेकरा हीं बेटा-बेटी होवे में तनीक देरी होवऽ हे त उ जहाँ-जहाँ बतावल जाहे, हुआँ जरूरे जा हथ ।)    (धमके॰1:75.2)
100    पुरमपुरी (= पूरम-पूरी) (मुसलमान शासक के आक्रमण काल में इ मंदिर में कोई खास तोड़-फोड़ न होयल बकि गुमनामी के अंधेरा में पुरमपुरी न तो थोड़मथोड़ा जरूरे डूबल रहल ।)    (धमके॰1:15.9)
101    पूरम-पूरी (~ लेखा-जोखा) (केतनन शासक अप्पन यश-कीर्ति के बढ़ावे लेल हिआँ कुछ न कुछ दान आउ निर्माण करयलन जेकर पूरम-पूरी लेखा-जोखा न मिलऽ हे ।)    (धमके॰1:12.3)
102    पूरा-पूरी (ककोलत क्षेत्र में कश्मीर के वादी नियन समानता हे, जरूरत हे एकरा पूरा-पूरी उभारे के ।)    (धमके॰1:36.10)
103    फिन (= फिनो, फेनो; फिर) (मध्यकाल में राजा मानसिंह कालीन गया के फल्गु घाट में बैकुण्ठ घाट के अक्षुण्ण महत्ता बनल रहल आउ बरस 1930 ई॰ तक हिआँ के स्थिति ठीक-ठाक बतावल जाहे । आगे के समय में भूकम्प आउ फिन गया में बाढ़ से इ घाट के रहल-सहल कसर पूरा हो गेल आउ आझ आलम इ हे कि एतना प्रसिद्धि के प्राप्त इ घाट के लोग नाम तक भूलइत जा रहलन हे ।)    (धमके॰3:148.1)
104    फिनो (= फिन, फिर) (मंगलागौरी मंदिर क्षेत्र के पुजारी विपिन गिरि नियन केतनन के मानना हे कि इ मंदिर के उद्धार करके इतिहास के फिनो जीवन्त करना एगो सराहनीय कदम होवत ।)    (धमके॰3:144.7)
105    बकि (= बाकि; लेकिन) (अगर कहल जाए कि हिआँ जेतने गाँ ओतने धरोहर हे, त बेजाय नऽ होवत, बकि एहू सही हे कि आज तक इ धरोहर के अनुरूप एकर प्रचार-प्रसार देस-विदेस में नऽ होल जे जरूरी हल ।; इ बात तो एकदमे सच हे बकि स्थान भ्रमण, धरोहर के अध्ययन, सर्वेक्षण आउ ओकरा बारे में लेखन के बाद पुस्तक प्रकाशन में कउन-कउन तितिमा हे इ कोई एही लाइन के आदमी जान-समझ सकऽ हथ ।; कविता, कहानी, निबन्ध, आलोचना आउ व्यंग्य लिखना अपने एक महत्व रखऽ हे बकि शोध के काम से मगध के धरती आउ गाँव के इतिहास लिखे में डॉ॰ राकेश कमाल कर रहलन हे ।)    (धमके॰1:2.5; 3:iv.14, ix.17)
106    बचल-खुचल (इ एकर पहिला भाग हे, बचल-खुचल अगिलका में । इ किताब मगह के घर-घर के दर्पण बने - एही मन से शुभकामना देयऽथी ।)    (धमके॰1:4.11)
107    बजार (= बाजार) (रात भर रहे के बाद दोसर दिन नहा-धो के श्री राम आउ लक्ष्मण दूनो भाई सर-समान खरीदे बजार चल गेलन आउ एने माई जानकी उनकर इंतजारी फल्गु के किनारे कर रहलन हल ।)    (धमके॰1:91.23)
108    बड़गर (अइसने एगो एकाश्म बड़गर स्तम्भ हे जेकरा लाट कहल जाहे आउ एही नाम से एकर पास के गाँव भी 'लाट' कहला हे ।; लाट में इ बड़गर स्तम्भ कब से रखल हे, काहे रखल हे - एकरा पर इतिहास पुरातत्व भले मौन रहे पर स्थानीय के सुनऽ तऽ जेतना मुड़ी ओतना कथा सुने लेल मिल जाहे ।; इ बड़गर लाट के चरचा 'बिहार दर्पण', 'गया जिला गजेटियर' आउ पुरान किताब में हे बकि एकर विस्तृत विवरण उमें न भेटाए ।)    (धमके॰3:8.3, 9.2, 11.2)
109    बड़मन (= बड़ी मनी; ढेर मनी) (आझ जरूरत हे तन-मन-धन से समर्पित सोच के तहत इ स्थल के विकास करल जाए काहे कि हिआँ अभियो इतिहास-पुरातत्व के बड़मन बात जमींदोज हे ।; हिआँ पासे में बनल ताखा में अष्टभुजी माई भगवती आउ ओकर आगे के ताखा मे बड़ मन शालिग्राम रखल हे ।; भेलावर के बड़गर गढ़ भी अप्पन हिरदा में बड़मन बात छुपयले हे काहे कि पालकाल में इ जगह खूबे गुलजार हल ।)    (धमके॰3:79.6, 94.7, 118.8)
110    बड़मनी (मंदिर में एक कोना पर बड़मनी त्रिशूल शोभायमान हे । हिआँ भैरो जी के प्रधान रूप के अलावे क्रोध भैरव, आस भैरो, बटुक भैरो, मुकुट भैरव, खप्पर भैरो आदि रूप के पुरान जमाना से पूजा होते आ रहल हे ।)    (धमके॰1:66.13)
111    बड़ी (= बहुत) (इ जगह के विस्तृत निरीक्षण के बाद वैज्ञानिक उत्खनन से हिआँ के बारे में बड़ी कुछ नया जानकारी मिल पयतइ, कारण देकुली मगध के युगयुगीन गाँव हे ।)    (धमके॰3:63.16)
112    बड़ीमनी (हिआँ के संचालक परिषद् के बड़ीमनी मुहर पर धर्मचक्र के अंकन आउ श्री नालंदा महाविहार गुणयान बुद्ध भिक्षुराम लेख लिखल मिलऽ हे ।)    (धमके॰1:11.19)
113    बहलदार (हावड़ा-दिल्ली मुख्य मार्ग पर बसल इ जगह के नाम 'बाढ़' काहे पड़ल हे इ मत-मतान्तर के विषय हे बाकि इ सच हे कि उत्तरवाहिनी गंगा के किनारे बसल इ जगह खूबे बहलदार हे ।)    (धमके॰3:20.1)
114    बिजुन (= भिजुन; पास, नजदीक) (दावथू में मूर्त्तशिल्प के अकूत भंडार हे । विद्वज्जन के अनुमान हे कि अभियो गाँव के घुसे वाला राह पर दूनो मंदिरवन बिजुन आउ चारो पट्टी फैलल टीला सब के विधिवत् सर्वेक्षण आउ खुदाई से हिआँ बड़ कुछ मिल सकत जे से इ गाँव के साथे-साथ समूले मगध के ऐतिहासिक-सांस्कृतिक इतिहास में एगो नया अध्याय के सूत्रपात होतइ ।; पंच पर्वत के नगरी राजगीर से करीब 18 किलोमीटर दूर आउ बोधगया से 62 कि॰मी॰ दूरी पर बसल झरना सरेन एगो छोट पहाड़ी के बिजुन प्रकृति के गोदी में बसल हे ।)    (धमके॰3:53.10, 81.11)
115    बिलूक (= बल्कि) (पुरान जमाना से मगध प्रदेश ज्ञान आउ विद्या के क्षेत्र में अभिनन्दनीय रहल हे । हिआँ के शिक्षण संस्थान उ जमाना में न खाली अप्पन देश में बिलूक विदेशो में खूब प्रसिद्ध हल ।; आज के तारीख में न खाली मगध बिलूक पूरा बिहार के इस्लामिक तीरथ के रूप में मनेर अप्पन पहचान बना लेलक हे जहाँ के लंगर {सामूहिक भोजन} के का कहना ।; करीब बयालिस साल पहिले गाँव में मूरती चोरी के घटना जे होल ओकरा में न खाली जगदम्बा स्थान के बिलूक हिआँ के भी छोटका मूरती चोर सबन के निगाह चढ़ गेल ।)    (धमके॰1:7.2; 3:42.7, 128.13)
116    बीचम-बीच (इतिहास में एकर नाम चन्द्र-पोखर {चन्दोखर} मिलऽ हे । एही तालाब के बीचम-बीच गाड़े लेल इ पाषाण स्मृति स्तम्भ श्रीलंका से राजा चन्द्रसेन मंगवा रहलन हल ।; बड़ी दिन तक लोग गाँव के बीचम-बीच के मीठकी कुआँ से पानी पीअ हलन बाकि अब तो बोरिंग के जमाना आ गेल हे ।; आझ करीब अढ़ाई हजार घर के जगह काको एगो छोट शहर नियन हे जहाँ से 4 आउ 14 के रिश्ता पर पं॰ जगदीश मिश्र एगो कथा बतयलन कि इ काको एकदम राजमार्ग पर बीचम-बीच हे जहाँ से 14 कोस उत्तर पटना, 14 कोस दखिन गया, 14 कोस पूरब बिहारशरीफ आउ 14 कोस पछिम अरवल पड़ऽ हे ।; दरबार में बाद के समय में एगो बजरंबली मंदिर भी बनल जे गाँव के बीचमबीच रोड किनारे त्रिकोण बिजुन हे ।; गाँव के बीचम-बीच पुरातत्व विभाग द्वारा संरक्षित बुद्ध आउ तारा आदि के मूरती, कलात्मक बौद्ध फलक, बगले के गढ़, देवीथान, ठाकुरबाड़ी आदि के दर्शन-निरीक्षण से स्पष्ट होवऽ हे कि कोई जमाना में धेंजन में बड़गर साम्राज्य कायम हल ।)    (धमके॰3:10.16, 16.15; 74.8, 106.10, 131.12)
117    बेकदरी (गया के साहितकार में एगो विशिष्ट स्थान बनावे वाला प्रो॰ रामनिरंजन परिमलेन्दू लिखऽ हथिन कि इ बड़ी अफसोस के बात हे कि गाँवे-ठेमें धरोहर से अटल-पटल अप्पन मगहिआ गाँव के धरोहरवन के आझ बेकदरी भी खूब हो रहल हे जे इतिहास लगी घोर अन्याय हे ।)    (धमके॰3:xv.7)
118    बेजाय (अगर कहल जाए कि हिआँ जेतने गाँव ओतने धरोहर हे, त बेजाय नऽ होवत, बकि एहू सही हे कि आज तक इ धरोहर के अनुरूप एकर प्रचार-प्रसार देस-विदेस में नऽ होल जे जरूरी हल ।; कुल मिलाके इ कहना बेजाय न होवत कि मगध के पुरान आउ ऐतिहासिक मंदिर में हसरा पर्वत के शिव मंदिर के अप्पन महत्वपूर्ण स्थान हे ।)    (धमके॰1:2.5; 3:7.1)
119    बेमारी (= बीमारी) (सरेन के पानी के इ खासियत कहऽ कि हिआँ के पानी औषधीय गुण से युक्त हे जेकर उपयोग से पेट के बेमारी आउ चमड़ा के हरेक तरह के रोग के इलाज सहज संभव हे । हिआँ गरमी में ठंडा आउ ठंडा में गरम पानी से नेहाए के अप्पन आनन्द हे ।)    (धमके॰3:81.6)
120    भभू-भैसुर (इ जाने के बात हे कि जइसे पहिले गुनेरी में बुद्ध भैरोजी के रूप में, लाट में बड़गर स्तम्भ लाट बाबा के रूप में, आउ सामनपुर में बुद्ध भीमसेन बली के नाम से पूजल जा हलथिन ओही तरह से गाँव के दखिनवारी के बड़गर तलाब में छोट-बड़ दू मूरती के पूरा गाँव भभू-भैसुर के नाम से पूजऽ हलथिन ।)    (धमके॰3:128.9)
121    भरल-पुरल (युवा बैंककर्मी आउ लेखक डॉ॰ मनोज कुमार अम्बष्ट लिखऽ हथिन कि जेतना जतन से इ किताब लिखल गेल हे ओइसहीं एकर पन्ना के हरेक लाइन समर्पित होके पढ़े के जरूरत हे, जे अप्पन समृद्ध अतीत के बाव से भरल-पुरल हे ।; मंदिर परिसर में कलात्मक शिल्पकारी से भरल-पुरल मूरती के अलावे सती-स्थान, ब्रह्म-स्थान, हनुमान जी के जगह, सिद्धनाथ जी, बाबा अमृतदेव जी के विशाल मंदिर आउ नवनिर्मित देवचौरा एकर धार्मिक क्षितिज के अलंकृत कर रहल हे ।; रामायण काल के पहिले से आबाद रहल इ क्षेत्र पर्वत शृंखला से परिवृत्त जंगल-झाड़ से भरल-पुरल आउ मनभावन साधना स्थली हल । आउ-त-आउ लोककथा में इ बात के उल्लेख हे कि राजगृह से बोधगया आवे के क्रम में तथागत भी हिआँ रात्रि विश्राम करलन हल ।)    (धमके॰3:xviii.2, 21.14, 37.18)
122    भराना (कविराज पं॰ धनंजय मिश्र के विचार हे कि पहिले के जमाना में इ 52 बिगहा के तलाब के चारो पट्टी 52 गो आउ तलाब हल जेकरा में केतनन तो भरा गेल बकि तइयो मनोखर, छोटकी पनिहास, कन्या विद्यालय के बगल के तलाब आदि के देख के उ जमाना के इयाद ताजा हो जा हे ।)    (धमके॰3:68.18)
123    भलूके (= यद्यपि) (भलूके ... बकि/ पर) (मगध विश्वविद्यालय के भूगोल विभाग के विद्वान डॉ॰ रामेश्वर उपाध्याय अप्पन पत्र में लिखऽ हथिन कि किताब के भाषा भलूके क्षेत्रिय हे, बकि इ सब में संकलित तथ्य के जाने के लालसा हरेक भाषा-भाषी के प्रबुद्ध के हे ।; पास में विराजमान रुक्मिणी तलाब के सौन्दर्यीकरण घड़ी इ जगह के चारो पट्टी से भलूके घेर देवल गेल, पर एकरा कायापलट करे लगी केकरो धेयान न जाना घोर दुःखद बात हे ।; इतिहासकार के मानना हे कि हिआँ के मूरती भलूके पालकालीन होवे, बकि इ जगह बड़ पुरान मालूम होवऽ हे । कला-संस्कृति आउ पुरातत्व विभाग एकरा विकसित करे के योजना बनयलक हे, जे बड़ प्रसन्नता के बात हे ।; आझ आसपास के जमीन पर घर-दुआर बन जाए से एकर सीमाना भलूके कम हो गेल, नऽ तो पहिल जमाना में इ तरफ के सबला बड़ गढ़ धेंजन के हल ।; आझ भलूके फल्गु में दर्जन भर घाट के स्थिति हे बकि कभी हिआँ 36 घाट हल जबकि पुरनकन के मानऽ तऽ उनकर विचार हे कि गया में हिआँ से हुआँ तक कुल 52 घाट हल ।)    (धमके॰3:xv.11, 110.13, 127.20, 132.8, 146.11)
124    मगह (= मगध) (मगह के अइसन गाँव-गिराँव बड़ कमे मिलऽ हे जहाँ मगही लिखताहर न हथ । हाँ ! इ सही हे कि केकरो कृति प्रकाशित हो गेल त उनकर नाम के जग इंजोरा हो गेल आउ केतनन के प्रतिभा टोला-टाटी में सीमित रह गेल ।; इ एकर पहिला भाग हे, बचल-खुचल अगिलका में । इ किताब मगह के घर-घर के दर्पण बने - एही मन से शुभकामना देयऽथी ।; सच कहऽ तो मंदिर दिनो-दिन अवसान के राह पर चल जा रहल हे जेकर चिंता हमरा-तोरा आउ पूरा मगह समाज के होवे के चाही ।)    (धमके॰1:4.1, 12, 97.5)
125    मगहिआ (= मगहिया) (अप्पन मगहिआ धरती के इ सबला दमदार बात हे कि हिआँ गाँव-ठेमे इतिहास, पुरातत्व, संस्कृति आउ पुरान महातम से जुड़ल केतनन धरोहर प्राचीन काल से लेके आज तक अप्पन महत्ता आउ विशेषता के गाथा सुनावइत हे ।; जरूरत हे हमरा-तोरा सबके एकरा बचावे लगी कृतसंकल्प होवे के, काहे कि इ प्राचीन किला पर्यटक सब के अमूल्य आउ अप्रतिम धरोहर हम मगहिअन लगी एगो गर्व के विषय हे ।; अभी मगध के सीमा के किनारे एगो अइसने जगह कुलेसरी हे जे आज भले झारखण्ड राज में हे, बकि हिआँ मगहिआ महिमा तनिको कम न हे आउ जे एक साथ तीन-तीन धरम हिन्दू, बौद्ध आउ जैन के विशिष्ट केन्द्र हे ।)    (धमके॰1:2.1, 46.23, 93.6)
126    मगही (मगह के अइसन गाँव-गिराँव बड़ कमे मिलऽ हे जहाँ मगही लिखताहर न हथ । हाँ ! इ सही हे कि केकरो कृति प्रकाशित हो गेल त उनकर नाम के जग इंजोरा हो गेल आउ केतनन के प्रतिभा टोला-टाटी में सीमित रह गेल ।)    (धमके॰1:4.2)
127    मट्टी (= मिट्टी) (दूर देस तक अप्पन सभ्यता-संस्कृति, कला आउ धरोहर लेल ख्यातनाम रहल मगध भूमि के हिरदा के सबसे अलग जे चीज हे उ इ कि इ मट्टी धर्म-सहिष्णु के सबला बेजोड़ उदाहरण हे ।)    (धमके॰3:68.3)
128    मनिता (= मन्नत) (करीब 16 साल पहिल बेटा के होवे के मनिता पर आरा के दिलीप कुमार मंदिर के बगल में पुजारी लगी एगो कुटिया बनवयलन हे ।)    (धमके॰3:5.9)
129    महे (= तरफ) (उमगा के सूरूज मंदिर में जगन्नाथ, बलभद्र आउ सुभद्रा के तीन मूरती विराजमान हे जेकरा बारे में जानकारी मिलऽ हे कि राजा भैरवेन्द्र संवत् 1496 {1439 ई॰} वैशाख तृतीया गुरुवार के दिन एकर स्थापना करलन हल । बाद में अप्पन यश-कीर्ति के जीवन्त-प्रतीक के रूप में राजा भैरवेन्द्र इ मंदिर के दुआरी, जे पूरब महे हे, पर एगो गरुड़ स्तम्भ स्थापित करवयलन जेकर कुछ अवशेष आजो देखल जा सकऽ हे ।)    (धमके॰1:86.2)
130    मिलना-बइठना (आझ मल-मूत्र के साम्राज्य के बीच स्थापित इ जगह के सही पहचान बने, एकरा लगी सब के मिल-बइठ के प्रयास करे पड़त ।)    (धमके॰3:111.5)
131    रस्ता (रस्ता में एगो जापान आउ एगो बर्मा के बनावल मंदिर देखे लायक हे । अइसहीं वेणुवन से तनीक पच्छिम दने बनल जापानी मंदिर भव्य आउ मनोरम हे ।; एतना के बावजूद इ मंदिर तक ला जाए के रस्ता बड़ी खराब हे । आज तक ढाढर नदी पर पुल न बने से भक्तन के बड़ दिक्कत महसूस होवऽ हे ।; मंदिर के पुजारी भी मानऽ हथ कि रस्ता ठीक रहे से भक्तन के आगमन आउ बढ़त हल, साथे-साथ बाबा के मंदिर के विकास भी होत हल ।)    (धमके॰1:31.17, 78.20, 79.4)
132    रहनिहार (आझ भक्तन के सत्कृपा आउ शेरघाटी निवासी खासकर आसपास के रहनिहार के प्रयास से इ मंदिर के सोहगर रूप दे देवल गेल हे जहाँ चारो पट्टी ग्रिल से घेर के माई के मंदिर के जे आकर्षक रूप देवल गेल हे उ देखे लायक हे ।)    (धमके॰3:92.5)
133    रहल-सहल (~ कसर पूरा करना) (अइसे पछिम में 'बल्लभी' आउ दखिन में 'कान्ची' जइसन शिक्षण संस्थान से एकर महत्ता तो जरूरे कमल बकि रहल-सहल कसर मोहम्मद बख्तियार खिलजी के आक्रमण पूरा कर देलक ।; लोग सब के कहलाम हे कि 'नऽ करे आउ नऽ करे दे' के नीति से इ बड़गर खूबसूरत किला आज खंडहर बन गेल आउ रहल-सहल कसर पुरातत्व विभाग आउ बिहार सरकार पूरा कर देलकन हे जे एकर सुधी लेवे लगी अभी तक कोई दमदार प्रयास न करलन हे ।)    (धमके॰1:12.6, 46.19)
134    रिपोट (इ मंदिर के चरचा फ्रांसिस बुकानन भी अप्पन रिपोट में करलन हे ।)    (धमके॰1:25.15)
135    रूने (= ?) (दू-तीन बरस पहिले रूने होल निर्माण के बादो इ जगह के हप्पन हाल पर छोड़ देवल गेल आउ आझ इ जगह मल-मूत्र त्याग के जगह के साथे-साथ गोयठा-ठोकन केन्द्र बन गेल हे ।)    (धमके॰3:108.17)
136    रेवाज (= रिवाज) (लोक गाथा में इ बात के उल्लेख हे कि जगत् जननी माई सीता अप्पन दूनो बेटा लव आउ कुश के गड़तर हिआँ धोलन हल । एही कारण हिआँ मन्नौती प्राप्त होवे पर गड़तर चढ़ावे के रेवाज हे ।)    (धमके॰1:75.20)
137    लंगर (आज के तारीख में न खाली मगध बिलूक पूरा बिहार के इस्लामिक तीरथ के रूप में मनेर अप्पन पहचान बना लेलक हे जहाँ के लंगर {सामूहिक भोजन} के का कहना ।)    (धमके॰3:42.9)
138    लगी (= के लिए) (... ओकरे में मनेर भी एक हे । सूफी संत के इ सदाबहार कर्मभूमि के अकीदत लगी हिआँ आझो रोज-रोज सैकड़ा लोग देस-दुनिया से आते रहऽ हथिन ।; मगध के भूमि अप्पन परम्परा, रीति-रिवाज आउ खान-पान लगी दूर-दूर तक मशहूर हे ।; पास में विराजमान रुक्मिणी तलाब के सौन्दर्यीकरण घड़ी इ जगह के चारो पट्टी से भलूके घेर देवल गेल, पर एकरा कायापलट करे लगी केकरो धेयान न जाना घोर दुःखद बात हे ।; आझ मल-मूत्र के साम्राज्य के बीच स्थापित इ जगह के सही पहचान बने, एकरा लगी सब के मिल-बइठ के प्रयास करे पड़त ।)    (धमके॰3:41.9, 43.2, 110.13, 111.5)
139    लहास (= लाश) (जानकारी मिलऽ हे कि यज्ञ में अपमान होवे के बाद सती हुएँ यज्ञकुण्ड में कूद के अप्पन इहलीला खत्म करना चाहलन, बकि कालो के काल महाकाल शंकर के इ मालूम हो गेल । एही से उ सती के अधजलल लहास के कंधा पर लेके पूरा संसार के बदवास होके विचरण करे लगलन । ही क्रम में सती के जहाँ-जहाँ देह के भाग गिरल उ सिद्धपीठ {शक्ति स्थल} बन गेल ।)    (धमके॰1:98.10)
140    लाखोरी (टिकारी किला के शेष बचल खण्डहर के ईंट निरीक्षण से पता चलऽ हे कि इ मुगलिया मोटा प्लास्टर चढ़ल लाखोरी ईंट हे ।)    (धमके॰1:45.18)
141    लिखताहर (मगह के अइसन गाँव-गिराँव बड़ कमे मिलऽ हे जहाँ मगही लिखताहर न हथ । हाँ ! इ सही हे कि केकरो कृति प्रकाशित हो गेल त उनकर नाम के जग इंजोरा हो गेल आउ केतनन के प्रतिभा टोला-टाटी में सीमित रह गेल ।)    (धमके॰1:4.2)
142    विशुआनी (= बिसुआ) (भुरहा जाए वालन तो हइसे सालो भर हिआँ जा हथ बकि साल में एक बार विशुआनी के हिआँ विशाल मेला लगऽ हे ।)    (धमके॰1:63.20)
143    शुरूम (इ बड़ी गौरव-गरिमा के बात हे कि मगही में शुरूम से व्यापक साहित्य के निर्माण करल गेल हे जे समाज आउ देस लगी एगो अनूठा उदाहरण हे ।; गाँव के कुछ लोग के जे सुबह-शाम एने आवऽ हलन, अब एगो बात सुझल कि आखिर इ मूरती हे तऽ कोची के ? इ जाने के बलवती भाव से उ सबन खुदाई शुरूम करलन ।)    (धमके॰1:4.4; 3:128.19)
144    सटल (एकरे सटल करीब दर्जन भर सीढ़ी से उपरे चढ़े पर एगो बड़गर बरामदा देखल जा सकऽ हे जेकरा में कुलम नौ गो छोट-बड़ झरोखा लगल हे ।; मगध क्षेत्र में गया जिला के सटल जहानाबाद जिला के भू-भाग में एक से बढ़के एक पुरास्थल, पौराणिक स्थान आउ पुरान धरोहर विराजमान हे जेकरा में बराबर-कौआडोल पर्वत, लाट, दावथू, कल्पा, मीराबिगहा, धेजन, धराऊत, कलानौर, बेलावर, काको, केऊर आदि के महत्व अक्षुण्ण हे ।)    (धमके॰3:65.8, 115.1)
145    सटले (सिलाव के मस्जिद ऐतिहासिक हे जे आझकल बनल बाइपास के पछिम दने हे । इ मस्जिद के सटले एगो पुरान भवन हे जेकरा इ पुरातन कलाकारी के रूप स्पष्ट रूप से अंकित हे ।)    (धमके॰3:45.9)
146    सत-गत (विश्वास करल जाहे कि राजा मानसिंह के इ करम 1585-87 ई॰ के बीच होल हल । मानसिंह के रहमोकरम से बड़गर मंदिर बन जाए के बाद एकर नाम देस-दुनिया में हो गेल । कहल जाहे कि राजा मानसिंह के माय के अंतिम सत-गत हिएँ होल हल । जहाँ इयादगारी के रूप में उ एगो बारादरी बनवयलन हल ।; हार के दुःख से गुणमती जादा उबार न पैलन आउ कुछ दिन बाद उनकर सत-गत हो गेल । विश्वास करल जाहे कि एही विजय के उपलक्ष्य में राजा चन्द्रसेन गुणमती बौद्ध मठ बनवौलन ।)    (धमके॰1:48.11, 53.19)
147    सत-सत (= सात-सात) (हिएँ से निकले पर देवी स्थान जाए वला रस्ता में एगो पेड़ के नीचे मंदिर के ठीक बाहरे सत-सत गो पुरान मूरती के अवशेष देखल जा सकऽ हे ।)    (धमके॰3:118.3)
148    सबला (= सबसे) (अप्पन मगहिआ धरती के इ सबला दमदार बात हे कि हिआँ गाँव-ठेमे इतिहास, पुरातत्व, संस्कृति आउ पुरान महातम से जुड़ल केतनन धरोहर प्राचीन काल से लेके आज तक अप्पन महत्ता आउ विशेषता के गाथा सुनावइत हे ।; अखिल जगत् में नालन्दा महाविहार के नाम से जाने जाय वाला इ विश्वविद्यालय में सबला नामी हल ।)    (धमके॰1:2.1, 7.9)
149    सबला (= सबसे) (मगही के साहितकार आउ रंगकर्मी वासुदेव प्रसाद लिखऽ हथिन कि मगही साहित में इतिहास आउ धरोहर के एक जगह जउर करे में अइसे तो केतनन के नाम आवऽ हे बकि उ सबन में रवि जी के किताब सबला निमन हे जेकरा पढ़े से जी जुड़ा जा हे ।; सूरूज नारायण समूले संसार में पूजे वाला देवता में सबला अगाड़ी हथ ।; जानकारी न होना, प्रचार-प्रसार के अभाव, गमनागमन के संकट, स्थानीय अरुचिभाव आदि अइसन केतनन कारण हे जेकरा चलते पोगर के शिव महिमा के उजागर आझ तक न हो सकल हे जबकि समूल मगध के एकादश रुद्र पूजन के सबला उत्तम स्थान हे पोगर ।; दूर देस तक अप्पन सभ्यता-संस्कृति, कला आउ धरोहर लेल ख्यातनाम रहल मगध भूमि के हिरदा के सबसे अलग जे चीज हे उ इ कि इ मट्टी धर्म-सहिष्णु के सबला बेजोड़ उदाहरण हे ।)    (धमके॰3:xvii.16, 12.4, 18.7; 68.3)
150    समूल (= समूचा; दे॰ समूले) (जानकारी न होना, प्रचार-प्रसार के अभाव, गमनागमन के संकट, स्थानीय अरुचिभाव आदि अइसन केतनन कारण हे जेकरा चलते पोगर के शिव महिमा के उजागर आझ तक न हो सकल हे जबकि समूल मगध के एकादश रुद्र पूजन के सबला उत्तम स्थान हे पोगर ।)    (धमके॰3:18.7)
151    समूला (= समूचा) (ऐतिहासिक उद्धरण बतावऽ हथ कि इ बड़गर पर्वत पाषाणकालीन मानव के रहे के जगह हल । यही कारण हे कि इ समूला पर्वत से दुर्लभ पाषाण हथियार जइसे कि हस्तकुठार, चौवर आउ गोल हथौड़ा मिलल हे ।)    (धमके॰1:35.2)
152    समूले (= समूचे) (आझो समूले मगध में अइसन केतनन गाँव, गढ़ आउ पर्वतादि क्षेत्र हे जहाँ से यदा-कदा टूटल-फूटल मूरती के अंश, कुछ पुरान बरतन, चाहे चमकदार चिन्हित पाषाण फलक मिलइत रहऽ हे आउ आजादी के बाद तक विशिष्ट महत्व से जुड़ल मूरती के प्राप्ति होते रहल बाकि उ क्षेत्र के विशेष विस्तृत सर्वेक्षण, उत्खनन आउ विवरण-विवेचन आदि कुछो भी न हो सकल ।; सूरूज नारायण समूले संसार में पूजे वाला देवता में सबला अगाड़ी हथ ।; शंकर जी के एगो रूप हे अर्द्धनारीश्वर आउ समूले देस में जहाँ-जहाँ इ रूप में पूजा-पाठ होवऽ हे ओकरा में बाढ़ के उमानाथ मंदिर भी एक हे ।; समूले मगध में देवी भगवती बड़ पुरान समय से केतनन नाम से पूजल जा रहलन हे ।)    (धमके॰3:1.4, 12.3, 19.13, 27.1)
153    सर-समान (रात भर रहे के बाद दोसर दिन नहा-धो के श्री राम आउ लक्ष्मण दूनो भाई सर-समान खरीदे बजार चल गेलन आउ एने माई जानकी उनकर इंतजारी फल्गु के किनारे कर रहलन हल ।; इ गिरि परिवार, जे आसपास में राज परिवार नियन जानल जा हलन, में एक से बढ़ के एक वंशज होलन जेकरा में शतानन्द गिरि, लाल गिरि, हरिहर गिरि, रघुवर गिरि, जयराम गिरि आदि के बनवावल सर-समान लोग आझो इयाद करऽ हथिन ।)    (धमके॰1:91.23; 3:103.10)
154    सर-सादी (आजकल हिआँ सादी-विवाह के मौसम में सर-सादी होवे से हिआँ चहल-पहल बढ़ल हे ।)    (धमके॰1:51.16-17)
155    सरियाना (गया से तकरीबन 44 कि॰मी॰ दूर हिसुआ मुख्यालय से 5 कि॰मी॰ दरी पर अवस्थित बजरा मोड़ से डेढ़ कि॰मी॰ पछिम चलके सोनसा गाँव पहुँचल जा सकऽ हे जहाँ गाँव के सड़क के दोसर पट्टी पहाड़ आ ओकर चट्टान अइसन देखे में लगऽ हे जइसे एकरा कोई ठीक से सरिया के रखलक हे ।; हिआँ से फिन मेन रास्ता में आके पहले उ पहाड़ी शिखर देखल जा सकऽ हे जहाँ लगऽ हे कि कुछ छुपा के पथर सरिया देवल गेल हे ।)    (धमके॰3:136.3, 137.12)
156    सरोकार (महाभारत काल के पहिले से लेके आज तक ए जगह इतिहास, पुरातत्व आउ सनातन धरम से सरोकार रखे वालन लोग सब सब के आकर्षण के प्रधान केन्द्र हे ।)    (धमके॰1:50.4)
157    सलटाना (विवरण मिलऽ हे कि बात अइसहीं न सलटायल, दूनों दने से लड़ाई होवे लगल ।)    (धमके॰1:81.4)
158    सिंगार-पटार (जानकारी मिलऽ हे कि इ मंदिर के बनावे में शाह आलम प्रथम के भी योगदान हल । बाद में राजा मानसिंह हिआँ के मंदिर के सिंगार-पटार के काम करवौलन ।)    (धमके॰1:25.14)
159    सिक्कड़ (झरना कुण्ड में अनगढ़ पिछुले वाला पथर से टकराय के भय रहऽ हल । एही कारण पहिले तीन गो मोट-मोट लोहा के सिक्कड़ ऊपरे से बाँधल हल जे बाद में चोरी हो गेल ।)    (धमके॰1:35.20)
160    सीमाना (आझ आसपास के जमीन पर घर-दुआर बन जाए से एकर सीमाना भलूके कम हो गेल, नऽ तो पहिल जमाना में इ तरफ के सबला बड़ गढ़ धेंजन के हल ।)    (धमके॰3:132.8)
161    सोई (आज हिआँ हरमेसा बहे वाला सोई के साथे-साथ विश्वकर्मा मंदिर, शिव मंदिर, हनुमान मंदिर, देवी स्थान आउ गणिनाथ मंदिर शोभायमान हे ।; कष्टमय रस्ता, दुर्गम पहाड़ी, हरा-भरा लता-कुंज, सोई, पहाड़ी नाला से भरल-पूरल भड़ेरिया आज उपेक्षित जगह में एक हे ।)    (धमके॰1:63.16, 69.17)
162    सोझराना (कनिंघम के राय में इ पालकालीन हल । बाद में 1903 ई॰ में बुच महोदय हिआँ आके बड़ी सन ओझरायल तथ्य के सोझरयलन ।)    (धमके॰1:28.7)
163    सोमार (= सोमवार) (हिआँ हरेक साल सावन, महाशिवरात्रि, वसंत पंचमी आउ भादो के अंतिम सोमार के जमगर मेला लगऽ हे । अइसे शादी-विआह, मुण्डन, जनेऊ आउ दोसर परव के अवसर पर भी हिआँ भक्तन के खूबे भीड़ रहऽ हे ।; श्री परशुराम मंदिर जाए के शुभ दिन सोमार हे । पहिले हिआँ मनत पूरा होवे पर चौखट में सिक्का ठोक देवल जा हल जे अब दान में दे देवल जाहे ।)    (धमके॰1:49.6, 71.13)
164    सोहगर (आझ भक्तन के सत्कृपा आउ शेरघाटी निवासी खासकर आसपास के रहनिहार के प्रयास से इ मंदिर के सोहगर रूप दे देवल गेल हे जहाँ चारो पट्टी ग्रिल से घेर के माई के मंदिर के जे आकर्षक रूप देवल गेल हे उ देखे लायक हे ।; हिआँ गर्भगृह में काला पत्थर के श्रीकृष्ण आउ बाहरे देवाल में लगल बजरंगबली के मूरती सोहगर हे ।; सालो भर तो नऽ बकि पितरपख के दिन में गुलजार रहे वाला इ मंदिर के छत पर चढ़ के पूरा गया के सोहगर नजारा देखल जा सकऽ हे बकि छत पर भी जगह-जगह घास-फूँस के साम्राज्य कायम हो से दिनो-दिन कमजोर पड़ल जा रहल हे ।; एही कोई पाँच साल के दरम्यान गया के केतनन पुरान धरोहर के नया रूप-रंग आउ सोहगर गति मिल गेल बकि देखल चाही कब बैकुण्ठ घाट के भाग्योदय होवऽ हे ।; अइसे माता नानकी जी के नामे में एगो आउ सोहगर गुरुद्वारा राष्ट्रीय राजमार्ग पर बसल औरंगाबाद से 9 कि॰मी॰ दूरी पर करहारा में बन गेल हे ।)    (धमके॰3:92.5, 93.3, 143.19, 150.4, 155.16)
165    हरमेसा (= हमेशा) (प्राचीन इतिहास प्रेमी अरविन्द कुमार भारतीय लिखऽ हथिन कि जउन तरह से कर्नल टॉड राजस्थान के इतिहास लिख के एगो अलगे जगह बनयलन हल, ठीक ओइसहीं लेखक के इ कृति मगही समाज के दर्पण हे । एकर पठनीयता हरमेसा बरकरार रहत ।)    (धमके॰3:xviii.6)
166    हर-हर (~ पानी चूना) (एकर ऊपरे जाए लेल भी सीढ़ी आउ ओकर किनारे लोहा के रेलिंग लगल हे बकि इ सब टूट-फूट के गिर रहल हे । साधक-साधिका बतावऽ हथिन कि बरसात के दिन में हिआँ हर-हर पानी चूते रहऽ हे ।)    (धमके॰3:124.12)
167    हर-हरमेसा (युवा अधिवक्ता कृष्ण कुमार पाठक लिखऽ हथिन कि मगही में ऐतिहासिक धरोहरवन के इतिहास के समेटले इ किताब मगही पर एगो अइसन काम हे जेकर उपयोग हर-हरमेसा बनल रहत ।)    (धमके॰3:xviii.18)
168    हलाकि (= हालाँकि, यद्यपि) (हलाकि पिछला साल गुनेरी के विकास लगी बड़ी कुछ बात सुने में मिलल बकि स्थिति में कुछो परिवर्तन न हे ।)    (धमके॰1:57.15)
169    हिआँ (= यहाँ) (अप्पन मगहिआ धरती के इ सबला दमदार बात हे कि हिआँ गाँव-ठेमे इतिहास, पुरातत्व, संस्कृति आउ पुरान महातम से जुड़ल केतनन धरोहर प्राचीन काल से लेके आज तक अप्पन महत्ता आउ विशेषता के गाथा सुनावइत हे । अगर कहल जाए कि हिआँ जेतने गाँव ओतने धरोहर हे, त बेजाय नऽ होवत, बकि एहू सही हे कि आज तक इ धरोहर के अनुरूप एकर प्रचार-प्रसार देस-विदेस में नऽ होल जे जरूरी हल ।; आझ भलूके फल्गु में दर्जन भर घाट के स्थिति हे बकि कभी हिआँ 36 घाट हल जबकि पुरनकन के मानऽ तऽ उनकर विचार हे कि गया में हिआँ से हुआँ तक कुल 52 घाट हल ।)    (धमके॰1:2.1, 4; 3:146.12, 13)
170    हुआँ (= वहाँ) (आझ भलूके फल्गु में दर्जन भर घाट के स्थिति हे बकि कभी हिआँ 36 घाट हल जबकि पुरनकन के मानऽ तऽ उनकर विचार हे कि गया में हिआँ से हुआँ तक कुल 52 घाट हल ।)    (धमके॰3:146.13)

1. अरे भाई, साबुन चाहिए, साबुन, साबुन !

2011-12-31T05:22:00.000-08:00

मूल अंग्रेज़ी - रूपा गुप्ता मगही अनुवाद - नारायण प्रसाद

एक दिन लम्बा आउ थकान भरल सैर-सपाटा के बाद होटल वापस अइलूँ त, जइसन कि हमर आदत हके, सीधे नेहाय लगी चल पड़लूँ । हमर खीझ के अन्दाजा लगा सकऽ हथिन जब हमरा पता चलल कि साबुन खतम हो गेल ह ।

खैर, रूम सेवा लगी नियुक्त लड़का के बोलइलूँ आउ तब हमरा पता चलल कि अंग्रेज़ी-फ्रेंच शब्दकोश गलत जगह रखा गेल ह । बिना चश्मा के अन्धा नियन अनुभव कइले ओकरा अंग्रेजी में बतइलूँ कि हमरा “सोप” चाही । ओकर चेहरा पर अचरज देखाय देलक लेकिन ऊ वापस आल एक कटोरा भफइते “सूप” (शोरबा) लेले । “ ‘सूप’ नयँ .... ‘सोप’ ”, ओकरा कहलूँ, अप्पन चेहरा आउ हाथ के ‘सोप’ से रगड़े के इशारा करते । “वी” कहके ऊ गायब हो गेल आउ आध घंटा के बाद वापस आल लेके एगो तौलिया ! “न्येत, न्येत”, उत्तेजना में हम कह बइठलूँ - एहो भूल गेलूँ कि हम नकार रहलूँ हल रूसी में, न कि फ्रेंच में ।

“एने देख”, हम कहलूँ, “सोप अइसन होवऽ हउ”, आउ हावा में चार-इंच के अंडा के अकार खींचलूँ । आउ फिन ओकरा समझे के खातिर अभिनय करके नहाय के पूरा सजीव चित्र प्रस्तुत कइलूँ । ऊ लड़का दिलचस्पी लेते प्रतीत होल लेकिन ओकरा लगी ई सब पहिलहीं जइसन रहस्यमय हल । ऊ चल गेल आउ कुछ देर के बाद वापस आल त एक बक्सा प्रसाधन के ऊ हरेक समान लेके, जेकरा बारे में अपने सोच सकऽ हथिन । टिशू पेपर, शौच के कागज, हाथ आउ देह के लोशन, रउदा के देह पर असर दूर करे वला क्रीम, झुर्री मेटावे वला क्रीम, बाल हटावे वला क्रीम, इत्र ... मतलब सब कुछ, खाली साबुन के छोड़ के ।

ओह ! ई तो हम्मर बरदास के बाहर हो गेल आउ अप्पन मानसिक सन्तुलन खो बइठलूँ, जइसे हमेशा होवऽ हके जब हम जादे उत्तेजित हो जाहूँ । हम हिन्दी में बोल उठलूँ । “अरे भाई, साबुन चाहिए, साबुन, साबुन !” - अप्पन सिर के दुनहूँ हाथ से पकड़ले ओकरा तरफ चिल्लइलूँ । अन्त में ओकर चेहरा पर समझ प्रकट होते देखाय देलक । “वी, सेरतैंमाँ”, ऊ बोल उठल आउ तेजी से बाहर जाके तुरन्ते वापस आल एक बक्सा सब्भे आकार, परिमाण आउ सुगन्धी वाला साबुन लेले । “साबुन !” - ऊ सन्तुष्टिपूर्वक सुनइलक (खाली ऊ एकर जरी स अलगे तरह से उच्चारण कइलक)। ऊ बखत हमरा लगल - अलीबाबा खुद के केतना बेचारा अनुभव कइलक होत जब जादुई शब्द “खुल जा सिम-सिम” ओकर ठोर पर संजोग से अचानक निकल पड़ल होत ।

हम्मर माय अप्पन दास्तान खतम कइलक आउ हमरा तरफ मुसकइते बोलल - “त अब ‘पार्ले-वू फ़्रँसे’ आउ ‘आप्रे म्वा ल देल्यूज’ के बाद एगो आउ फ्रेंच शब्द जानऽ हूँ - ‘साबुन’ ” ।

नोटः

Oui (वी) = हाँ

нет, нет (न्येत, न्येत) - नयँ, नयँ

Oui, certainment (वी, सेरतैंमाँ) - हाँ, जरूर

Savon ( सावौं ) - साबुन

Parlez-vous français ? (पार्ले-वू फ़्रँसे ?) - अपने फ्रेंच बोलऽ हथिन ? (अपने के फ्रेंच आवऽ हइ ?)

“Après moi le déluge” (आप्रे म्वा ल देल्यूज) - शाब्दिक अर्थ - “After me, the deluge” अर्थात्, “हम्मर बाद, प्रलय” । भावार्थ कुछ ई प्रकार होवऽ हइ - “हमरा चल गेला के बाद केकरो कुछ होवइ, हमरा एकरा से की मतलब ।”

****************************************************************************

[Original English Text]

As They Say in French

Rupa Gupta

(Published in an Engish Daily dated 7.11.1979 under the topic “Now & Again”)

One day, after a long and tiring sight-seeing tour, I returned to the hotel, and as is my habit made a beeline for the bath. Imagine my chagrin when I discovered that I had run out of soap.

Anyway, I called for the room boy and then realized that I had misplaced my English-French Dictionary. Feeling like a myopic without his glasses, I told the fellow in English that I wanted soap. He looked surprised but came back with a bowl of steaming soup. “Not soup …. soap”, I said going through the motions of rubbing soap on my face and hands. “Oui” he said and vanished, returning after half an hour with a towel. “Niet, niet”, I said in exasperation quite forgetting that I was expressing my denial in Russian, not French.

“Now look here”, I said, “this is how a soap looks”, and drew a four-inch oval shape in the air. And, once more for his benefit, I performed the entire tableau of taking a bath. The fellow looked interested but as mystified as before. He went away and returned after some time with a box containing every toilet article you could think of. There were tissues, toilet paper, hand and body lotions, sun tan creams, anti-wrinkle creams, hair removing creams, perfume … just about everything except a soap.

Well, it was too much for me and I broke down, as always when I am overexcited. I broke into Hindi. “Arre bhai, sabun chahiye, sabun, sabun”, I screamed at him clutching my head with both hands. At last I saw comprehension dawning on his face. “Oui, certainment”, he said, rushing out and was back in no time with a box of soap of all shapes, sizes and fragrances. “Sabun” he announced smugly (only he pronounced it a little differently). It was then that I realized how poor Alibaba must have felt when he had accidently stumbled upon the magic words “Open Sesame”.

My mother ended her narrative and looked at me with a smile and added, “So, besides ‘Parlez-vous français’ and ‘Après moi le déluge’, I now know another French word – ‘Sabun’ ”.

46. कहानी संग्रह "आधा सच आधा झूठ" में प्रयुक्त ठेठ मगही शब्द

2011-12-25T00:46:00.000-08:00

आसझू॰ = "आधा सच आधा झूठ" (मगही कहानी संग्रह), कहानीकार - सुमंत; प्रकाशक - सहयोगी प्रकाशन, गया; प्राप्ति स्थानः महेश शांति भवन, हनुमाननगर, ए॰पी॰ कॉलनी, गया - 823001; प्रथम संस्करण – 2004 ई॰; 36 पृष्ठ । मूल्य – 25 रुपइया ।

देल सन्दर्भ में पहिला संख्या पृष्ठ और बिन्दु के बाद वला संख्या पंक्ति दर्शावऽ हइ ।

कुल ठेठ मगही शब्द-संख्या - 183

ई कहानी संग्रह में कुल 12 कहानी हइ ।

क्रम सं॰	विषय-सूची	पृष्ठ
0.	मेरी नजरों में	iii-iii
0.	कउन कहानी कहाँ हे	iv-iv

1.	कायापलट	1-3
2.	परयोग	4-6
3.	राम नाम सत्य हो गेल	7-9

4.	फाइनल परीक्षा	10-12
5.	वीरगति	12-12
6.	साहेब की बीबी	13-16

7.	अपहरण	17-20
8.	इंसाफ के भीख	21-23
9.	पाप के मोटरी	24-27

10.	पतिव्रता	28-33
11.	गाँव के मटखान	34-35
12.	कउन	36-36

ठेठ मगही शब्द ("अ" से "ह" तक):

1    अंधराना (= अंधा होना) (हम सहर में आके एकदमे से अंधरा गेली । पइसा के लोभ-लालच में पड़के, सहर के ब्यूटी पार्ले से लेके होटलो में जा्-आवे लगली, जब पता चलल कि हम्मर गोड़ भारी हो गेल ।)    (आसझू॰26.28)
2    अंधरिआ (घुँच ~) (सुहागरात के सज्जल-धज्जल सेज पर बइठल रश्मि इ उधेड़-बूँन में पड़ल हल कि आखिर अब ओकरा इ मोकाम पर का करे के चाही । जगमगाइत कमरा में भी ओकर आँख तर घुँच अंधरिआ छा गेल आउ उ बीतल दिन के इयाद में डूब गेल ।)    (आसझू॰28.3)
3    अकबकाना (सिपाही हड़बड़ा गेल । अकबकायल कहलक - "सर ! अपने, हम्मर मतलब हे कि अपने डी॰एम॰ साहेब के बाबूजी ही ?")    (आसझू॰14.14)
4    अगोरी (= रखवाली, देखभाल) (आज मछली के अगोरी के नाम पर सूरूज ढलइते गाँव के बिगड़ल जवान हाथ में बंदुक लेले मटखान के चारो पट्टी अगोरी कम आउ अप्पन ताकत जादे देखावऽ हथ ।)    (आसझू॰35.13, 15)
5    अचकचाना (= अकचकाना; आश्चर्यचकित होना) (शिवबालक बाबू गौर से गेट पर लगल नेम प्लेट के पढ़लन - निवास, आनंद, जिलाधिकारी ... । उ गेट भीर जाके कहलन - हमरा अप्पन बेटा आनंद से मिले ला हे । पुलिसवालन अचकचैलन, बाकि उ सभे के उनकर साहेब के बात इयाद आयल कि हम्मर माय-बाबूजी गाँव के रहेवाला एकदम से देहाती हथ - असली भारतीय ।)    (आसझू॰14.12)
6    अचकाना (= अकचकाना; आश्चर्यचकित होना) (खुफिया अधिकारी सावधानी बरतइत मंदिर में घुँस के ऊपरे तेज रोसनी डाललन त हर कोई देख के अचका गेलन । इ का, मंदिर के ऊपरे के ढेरे ईटा घसकल हल । उहाँ पर खाड़ अदमी के समझते देरी न लगल कि मंदिर में कोई तोड़-फोड़ न कैल गेल हे, बल्कि पुरान-धुरान मंदिर के ईटा-पथल गिरे से मूरती टूट गेलक हे ।; एही बीच शिवबालक बाबू कहलन - "बेटा, तोहर दरसन हो गेल, तू सही-सलामत ह । हमरा खुसी हे । हम वापिस गाँव लौटल चाहऽ ही, एही घड़ी ।" - "गाँव !" अचका के पूछलक आनंद - "बाकि काहे ?")    (आसझू॰3.1; 16.14)
7    अचके (= अचानक) (माय आउ मेहरारू भी भीरी जाए से कतराय लगलन, जबकि डाक्टर के कहना हल कि एड्स बेमारी साथे रहे, साथे खाए-पीए इया छूए से न लगे, तइयो काहे ला ... । ... एक रात अचके आनंद के घरे से रोवे-धोवे के आवाज आएल । गाँववालन के समझते देरी न लगल कि आनंद के राम नाम सत्य हो गेल ।; स्वर्ग के परी से कम न लग रहल हल रश्मि । अचके गाड़ी मंत्रीजी के आवास में दाखिल भेल ।)    (आसझू॰9.16; 31.21)
8    अनगुतीए (दुगो झोला भर गेल सर-समान से । अनगुतीए सोझ हो गेलन दूनो प्राणी बेटा भीर ।)    (आसझू॰14.3)
9    अनचितले (अभी पूरा से एक्को बच्छर न होएल हल कि एक दिन गाँव पर अनचितले में खबर आएल कि चाँदनी बड़ी जोर से बेमार हे, जेकर इलायज सहर के एगो नामी डाक्टरनी हीं हो रहल हे ।)    (आसझू॰26.14)
10    अरग (= अर्घ्य) (मनउती भी कम न कैलन हल । देव में सात सूप के अरग देवे के, उमगा पहाड़ पर खंसी के बलि चढ़ावे के, सिहुली दरगाह पर चदरा चढ़ावे के, पाँच बच्छर तक लगतरीये बाबाधाम काँर ले जाए के, घर में हनुमान जी के धाज्जा गाड़े जइसन केतनन मनउती पूरा कैलन हल, बाकि अब लेल जगेसर भूत-परेत, ओझा-डइया के चंगुल में न फँसलन हल ।)    (आसझू॰24.8)
11    अवछ (नौ बच्छर से ऊपरे हो गेलक हल जगेसर के विआह के बाकि अब लेल उनकर घरवाली आरती के गोदी न भरल हल । ... डाक्टर-वैद्य, दवा-दारू करावित थक के चूर हो गेलन हल जगेसर आउ दोसर दने आरती कोनो देओता-देवी के अवछ न छोड़लन हल । मनउती भी कम न कैलन हल ।)    (आसझू॰24.7)
12    असरा (= आसरा) (लूटपाट, अपहरण, हत्या, बलत्कार .... करेवालन के छोड़ल न जाएत । उ सभे के खिलाफ काड़ा से काड़ा कारवायी करल जाएत । काहे कि हमरा न तो अगिला बेर चुनाव के गम हे आउ न गुंडा-बदमास सभे के असरा ।)    (आसझू॰6.15)
13    आँख (~ में कान) (उनकर बस आँख में कान एकी गो बेटा हल - आनंद । लइकाइए से बड़ी तेज हल आउ 'होनहार वीरवान के होत चिकने पात' के कहउत एकदम से ओकरा पर फिट बइठऽ हल ।)    (आसझू॰13.3)
14    आंधर (= आन्हर; अन्धा) (एगो सिपाही कड़क के पूछलक - "ऐ बूढ़ा ... इधर कहाँ ? आंधर ह का ?" दूनो ठुकमुका गेलन ।)    (आसझू॰14.8)
15    आता-पता (= अता-पता) (टूटू के कहूँ आता-पता न चलल । थाना में अब लेल रिपोर्ट खाली इ लेल न लिखावल गेल हल कि पूरा घरवालन के सोलहो आना उम्मीद हल कि टूटू जरूर कोई जान-पहचान वाला हीं होयत ।)    (आसझू॰17.8)
16    आल-जाल (उ मौका के तलास करे लगलन कि कइसे सलमा के साथे उनकर मिलन होयत । उ अपना जानइते आल-जाल फैलौलन, आउ आखिर एक दिन उनकर बनल-बनावल जाल में बेचारी सलमा फँसहीं गेल ।)    (आसझू॰21.25)
17    आसीरवादी (= आशीर्वाद) (तू खुस रहऽ इहे हमनी के आसीरवादी हे । अब हमनी जा रहली हे - अप्पन गाँव ।)    (आसझू॰16.23)
18    इनकरा (~ बारे में = इनकर बारे में; तु॰ उनकरा) (रश्मि अप्पन कमरा में आके सोचइत-विचारइत रहल कि केते रहमदिल हथ मौसी । अब लेल इनकरा बारे में हम बेकार के बात सोचऽ हली ।)    (आसझू॰30.29)
19    इसे (= ई से; इस कारण) (नौकरी न भेंटायल हल तऽ इसे का, जगेसर पुरान बी॰ए॰ पास हलन । उनकर समझ हल कि अदमी के अंधविस्वास से हरमेसे दूर रहे के चाही ।)    (आसझू॰24.14)
20    ईटा (= ईंट) (खुफिया अधिकारी सावधानी बरतइत मंदिर में घुँस के ऊपरे तेज रोसनी डाललन त हर कोई देख के अचका गेलन । इ का, मंदिर के ऊपरे के ढेरे ईटा घसकल हल । उहाँ पर खाड़ अदमी के समझते देरी न लगल कि मंदिर में कोई तोड़-फोड़ न कैल गेल हे, बल्कि पुरान-धुरान मंदिर के ईटा-पथल गिरे से मूरती टूट गेलक हे ।)    (आसझू॰3.2)
21    ईटा-पथल (= ईंट-पत्थर) (समूले सहर में इ खबर जंगल के आग नियन फैल गेल कि चौक भीर वाला 'महेश मंदिर' के मूरती रात खनी ईटा-पथल से मार-मार के तोड़ देल गेल । सगर से अदमी के उजूम बरसाती नदी के बाढ़ नियन उमड़ पड़ल ।; बाबा ओखनी सभे के एतने बता रहलन हल कि रात पहर उ ईटा-पथल चले के आवाज सुनलन, उ घड़ी बिजुली गुल हल । जब उ अंधारे में टोबित-टाबित ढिबरी जरा के मंदिर में आके देखलन तऽ एने-ओने सगर ईटा-पथल छितरायल हल आउ शिवलिंग के साथे-साथे बाबा भोलेनाथ के सवारी नंदी के मुड़ी भी हिगरल हल ।)    (आसझू॰1.2; 2.3, 5)
22    उजूम (= भीड़) (समूले सहर में इ खबर जंगल के आग नियन फैल गेल कि चौक भीर वाला 'महेश मंदिर' के मूरती रात खनी ईटा-पथल से मार-मार के तोड़ देल गेल । सगर से अदमी के उजूम बरसाती नदी के बाढ़ नियन उमड़ पड़ल ।; मंदिर के चौतरफा खाड़ उजूम के जब इ सच घटना के सही-सही जानकारी देल गेल त पहिले तो केकरो अप्पन कान पर विस्वासे न होयल ।)    (आसझू॰1.3; 3.5)
23    उठलक (= स॰क्रि॰ उठल, उठलइ) (राधा चुपचाप उठलक आउ दुपट्टा के पल्लू दाँत में दबौले प्रोफेसर साहेब के क्वार्टर से अप्पन पेट में पलइत पाप के झाँपले-तोपले बाहरे निकल के गर्ल होस्टल के राह धर लेलक आउ समूले रात ... ।)    (आसझू॰11.29)
24    उनकरा (= म॰ उनका; हि॰ उन्हें, उनको; ~ से/ साथे = म॰ उनका से/ उनकर साथे; हि॰ उनसे/ उनके साथ) (उनकरा रिटायर होवे में अब खाली नौ महीना बाकी हल ।; उनकरा बाबा तुलसीदास के एगो लाइन इयाद पड़ल - "खग जाने खग ही की भासा" । से उ भी तपाक से कहलन - "मैडम, यू आर रौंग । वी आर पैरेंट्स ऑफ मि॰ आनंद ।"; शिवबालक बाबू खाड़ उ सिपाही से कहलन तू खाली डी॰एम॰ साहेब के इ जानकारी दे दऽ कि उनकर माय-बाबूजी उनकरा से मिले खातिर गेट पर खाड़ हथ । सिपाही उनकरा साथे चले ला कहल, बाकि उ इन्कार कर गेलन ।; चुप्पी के तोड़इत सलमा कहलक - बाकि इ में हम्मर अब्बा के सहमति जरूरी हे । उनकरा आवे तक इंतजार करे पड़त ।)    (आसझू॰13.10; 15.10; 16.1, 2; 23.12)
25    उमठना (लगतरीये सात बच्छर तक अपराध के करिआ साया में जीअइत, मन उमठ गेलक हल किशोरी के । उ एकरा छोड़ल चाहऽ हल बाकि मुसीबत इ हल कि उ दलदल से निकले त कइसे ?)     (आसझू॰5.10)
26    एकी (= एक्के; एक ही) (उनकर बस आँख में कान एकी गो बेटा हल - आनंद । लइकाइए से बड़ी तेज हल आउ 'होनहार वीरवान के होत चिकने पात' के कहउत एकदम से ओकरा पर फिट बइठऽ हल ।)    (आसझू॰13.4)
27    एक्की (= दे॰ एकी; एक्के; एक ही) (सभे कोई एक्की बात पूछ रहलन हल कि टूटू घर लौटल कि न ? सभे कोई के फोन पर एक्की जवाब देल जाइत हल - "अब लेल तो न ।"; फिन तो एक्की गो रस्ता बचल हे । पुलिस थाना चल के अपहरण रिपोर्ट लिखा देवल जाए ।)    (आसझू॰17.11, 13; 18.27)
28    एक्को (= एक भी) (अभी पूरा से एक्को बच्छर न होएल हल कि एक दिन गाँव पर अनचितले में खबर आएल कि चाँदनी बड़ी जोर से बेमार हे, जेकर इलायज सहर के एगो नामी डाक्टरनी हीं हो रहल हे ।)    (आसझू॰26.13)
29    एने-ओने (बाबा ओखनी सभे के एतने बता रहलन हल कि रात पहर उ ईटा-पथल चले के आवाज सुनलन, उ घड़ी बिजुली गुल हल । जब उ अंधारे में टोबित-टाबित ढिबरी जरा के मंदिर में आके देखलन तऽ एने-ओने सगर ईटा-पथल छितरायल हल आउ शिवलिंग के साथे-साथे बाबा भोलेनाथ के सवारी नंदी के मुड़ी भी हिगरल हल ।)    (आसझू॰2.5)
30    ओखनी (= ओकन्हीं) (कभी-कभार अप्पन लाठी भाँज-भुँज के उ अदमी सभे के काबू में कैले हलन । अइसन बुझा रहल हल कि ऊपरहीं से ओखनी के इहे आदेस मिलल हल ।)    (आसझू॰1.12)
31    ओझा-डइया (मनउती भी कम न कैलन हल । देव में सात सूप के अरग देवे के, उमगा पहाड़ पर खंसी के बलि चढ़ावे के, सिहुली दरगाह पर चदरा चढ़ावे के, पाँच बच्छर तक लगतरीये बाबाधाम काँर ले जाए के, घर में हनुमान जी के धाज्जा गाड़े जइसन केतनन मनउती पूरा कैलन हल, बाकि अब लेल जगेसर भूत-परेत, ओझा-डइया के चंगुल में न फँसलन हल ।)    (आसझू॰24.12)
32    ओहईं (= हुँए; वहीं) (जहाँ एक दने सहर के सभे मस्जिद चमचमा रहल हल, ओहईं महेश मंदिर के रंगाई-पोताई के बात तो दूर हल, जगह-जगह से प्लास्टर छूट के मंदिर के ढढरी लोक रहल हल ।)    (आसझू॰1.24)
33    कच-कच (~ हरिअरी) (मटखान के चारो दने कच-कच हरिअरी हल । पीपल, बर, नीम, पाकड़, आम, लिसोढ़ा, उड़हुल, कनैल, जामुन, ... के पेड़ बरसो से खाड़ हल ।)    (आसझू॰34.22)
34    कट-कट (~ काटना) (आनंद के माय-बाबूजी सोझ हो गेलन, आनंद गेठरी-मोटरी के अप्पन छाती से सटौले इ नजारा देख रहल हल । साथे-साथे ओकर दिमाग में सच भी लकड़ी में लगेवाला घुन के कीड़ा लेखा कट- कट काट रहल हल ।)    (आसझू॰16.26)
35    कसल (= स॰क्रि कसलक, कसलकइ) (उ अप्पन कमर कसल । आउ समूले पंचायत में घुम-घुम के एक रात गाँव में पंचइती लेल सभे के जोरिऐलक । सभे कोई मुखिया बीरेन्द्र सिंह के सर्वसम्मति से पंच चुललन ।)    (आसझू॰22.24)
36    कहउत (= कहावत) (उनकर बस आँख में कान एकी गो बेटा हल - आनंद । लइकाइए से बड़ी तेज हल आउ 'होनहार वीरवान के होत चिकने पात' के कहउत एकदम से ओकरा पर फिट बइठऽ हल ।)    (आसझू॰13.5)
37    कहल (= स॰क्रि॰ कहलक, कहलकइ) (शिवबालक बाबू खाड़ उ सिपाही से कहलन तू खाली डी॰एम॰ साहेब के इ जानकारी दे दऽ कि उनकर माय-बाबूजी उनकरा से मिले खातिर गेट पर खाड़ हथ । सिपाही उनकरा साथे चले ला कहल, बाकि उ इन्कार कर गेलन ।)    (आसझू॰16.2)
38    काड़ा (= कड़ा) (समूले सूब्बा में शांति के साम्राज्य होयत । लूटपाट, अपहरण, हत्या, बलत्कार .... करेवालन के छोड़ल न जाएत । उ सभे के खिलाफ काड़ा से काड़ा कारवायी करल जाएत ।)    (आसझू॰6.13, 14)
39    कान (आँख में ~) (उनकर बस आँख में कान एकी गो बेटा हल - आनंद । लइकाइए से बड़ी तेज हल आउ 'होनहार वीरवान के होत चिकने पात' के कहउत एकदम से ओकरा पर फिट बइठऽ हल ।)    (आसझू॰13.3)
40    काना-फूसकी (कॉलेज के लइका-लइकी के बीच परेम के इ खबर जंगल के आग लेख सगर फैल गेल । काना-फूसकी होवे लगल कि राधा अप्पन रूप-जाल में आखिर मालदार प्रो॰ आनंद के फँसा ही लेल आउ जल्दीये उ ओकर मेहरारू बनके रानी लेखा राज करत ।)    (आसझू॰10.21)
41    कुल-खनदान (आरती चुप रहलन । थोड़के देरी के बाद जगेसर कहलन - "कउन सोंच में डूब गेलऽ ?" - "कउनो सोच में नऽ बाकि सुनऽ ही बाल-बुतरु पर कुल-खनदान आउ माय-बाप के असर पड़ऽ हे ।")    (आसझू॰25.18-19)
42    कैकन (= कइएक) (समूले सूब्बे में फिरौती लेल अपहरण के व्यापार अप्पन जड़ी तरबूजा के जड़ी नियन एकदम गहराई में जमा चुकल हल । इ व्यापार के फरे-फुलाय से न खाली पुलिसवालन परेसान हलन बल्कि सरकार भी परेसान हल । एक साल में जल्दी-जल्दी कैकन पुलिस पदाधिकारी सभे के एने से ओने तबादला करल गेल हल, त दोसर दने सरकार के मंत्री सभे के विभाग में भी फेर-बदल जारी हल ।; कैकन मंत्री इ बात से एकदमें असहमत हलन कि गृह मंत्रालय जइसन महत्वपूर्ण विभाग नामी-गिरामी अपराधी के कोनो भी कीमत पर न देल जाए, बाकि जादेतर मंत्री सभे के मत हल कि सूब्बा में शांति लेल परयोगे के तौर पर, इ बेर गृहमंत्री किशोरी उर्फ लंगड़ा के बनाबल जाए ।; धीरे-धीरे हत्या, लूट, अपहरण, बलत्कार जइसन कैकन संगीन अपराध के अपराधी बन गेल - लंगड़ा ।; कैकन गो नामी अपराधी पुलिस भीर आके आत्मसमर्पन करलन त केतनन गुंडा-बदमास के पुलिस मुठभेड़ में मार गिरैलक ।; आनंद के गाँव के कैकन गो लइकन लुधियाना, सूरत, मुम्बई में मर-मजूरी करऽ हलन ।)    (आसझू॰4.4, 10; 5.5; 6.21; 7.5)
43    कैल (= स॰क्रि॰ कइलक, कइलकइ) (गाड़ी ब्यूटी पार्लर भीर रोकलन आउ रश्मि से कहलन - चलऽ । रश्मि ना-नुकुर कैल बाकि मौसी के बात न उठौलक ।)    (आसझू॰31.18)
44    कोइरी (अब तो लइकनो अपने में एक दोसरा के जाति के नाम से संबोधित करऽ हथ - पाँड़े, दुसधा, कोइरिया, बभना, चमरा, भुईमा, ... । भला केते बदल गेलक ई गाँव ।)    (आसझू॰35.8)
45    कोरसिस (= कोशिश) (पूरा घर हरान-परेसान हल । सभे एक दोसरा से इ जाने के कोरसिस कर रहलन हल कि कहूँ कल कोई ओकरा डाँट-फटकार तो न लगैलक हल । आखिर टूटू इस्कूल से लौट के अब लेल घरे काहे न आएल ?; क...उ...न आँख खोले के पूरा कोरसिस कैल बाकि आँख खुल नऽ सकल आउ उ हरमेसा लेल बंद हो गेल। मुड़ी एक दने लोघड़ा गेल ।)    (आसझू॰17.2; 36.1)
46    खंसी (= खस्सी, खँस्सी, पाठा) (मनउती भी कम न कैलन हल । देव में सात सूप के अरग देवे के, उमगा पहाड़ पर खंसी के बलि चढ़ावे के, सिहुली दरगाह पर चदरा चढ़ावे के, पाँच बच्छर तक लगतरीये बाबाधाम काँर ले जाए के, घर में हनुमान जी के धाज्जा गाड़े जइसन केतनन मनउती पूरा कैलन हल, बाकि अब लेल जगेसर भूत-परेत, ओझा-डइया के चंगुल में न फँसलन हल ।)    (आसझू॰24.9)
47    खनी (= क्षण, समय) (समूले सहर में इ खबर जंगल के आग नियन फैल गेल कि चौक भीर वाला 'महेश मंदिर' के मूरती रात खनी ईटा-पथल से मार-मार के तोड़ देल गेल । सगर से अदमी के उजूम बरसाती नदी के बाढ़ नियन उमड़ पड़ल ।)    (आसझू॰1.2)
48    खाड़ (= खड़ा) (मंदिर के चौतरफा खाड़ उजूम के जब इ सच घटना के सही-सही जानकारी देल गेल त पहिले तो केकरो अप्पन कान पर विस्वासे न होयल ।; कमसिन जवानी के दहलीज पर खाड़ उन्नइस-बीस के राधा बी॰ए॰ पार्ट टू के छात्रा हल, जे एक बरिस पहिले अप्पन गाँव से आके राजधानी के नामी कॉलेज में दाखिला लेलक हल ।)    (आसझू॰3.5; 10.4)
49    खिड़की-केबाड़ी ( मंदिर से सटले बगले में एगो कमरा हल, बिना खिड़की-केबाड़ी के जेकरे में बाबा रात काटऽ हलन, अकेले भूत लेखा ।)    (आसझू॰1.22)
50    गँठरी (= गठरी) (आनंद के माय रात भर जग के बेटा के पसंद के एक-एक समान के गँठरी बनौलन, चार दिन पहिलहीं से जुगाड़ करे में बेदम हलन । बूट के सत्तू, गेहूँम, मसुरी, राहड़, चाउर के भुंजा, आँटा आउ गुड़ के बनल टिकरी, निमकी ... सभे कुछ बाँध-बूँध के फिट हो गेलन ।)    (आसझू॰13.25)
51    गठरी-मोटरी (दूनो उ सहर में पहुँचलन जहाँ उनकर बेटा आनंद डी॰एम॰ हल । टिसन से रिक्सा सवार होके गठरी-मोटरी लेले जिलाधिकारी के निवास पर दुपहरिया के पहुँचलन ।)    (आसझू॰14.5)
52    गढ़ाना (धीरे-धीरे दूनो के दोस्ती गढ़ाइत चल गेल आउ एक दिन राधा अप्पन मोहन के बाँह में समा के अप्पन गरम साँस के ठंढा भी कर लेलक ।)    (आसझू॰11.1)
53    गरीब-गुरुबा (दिन में गरीब-गुरुबा, असहाय-अपंग-भिखमंगा सभे मंदिर के टूटल-फूटल सीढ़ी पर बइठ के इया फिन सुत के आराम करऽ हलन ।)    (आसझू॰1.18)
54    गेठरी-मोटरी (= गठरी-मोटरी) (शिवबालक बाबू खाड़ हो गेलन, बाकि आनंद के माय थकल-हारल गेठरी-मोटरी पर अप्पन कपार धैले पड़ल हलन ।; आनंद के माय-बाबूजी सोझ हो गेलन, आनंद गेठरी-मोटरी के अप्पन छाती से सटौले इ नजारा देख रहल हल । साथे-साथे ओकर दिमाग में सच भी लकड़ी में लगेवाला घुन के कीड़ा लेखा कट- कट काट रहल हल ।)    (आसझू॰15.26; 16.24)
55    गेल (= अ॰क्रि॰ गेलक) (खुफिया अधिकारी सावधानी बरतइत मंदिर में घुँस के ऊपरे तेज रोसनी डाललन त हर कोई देख के अचका गेलन । इ का, मंदिर के ऊपरे के ढेरे ईटा घसकल हल । उहाँ पर खाड़ अदमी के समझते देरी न लगल कि मंदिर में कोई तोड़-फोड़ न कैल गेल हे, बल्कि पुरान-धुरान मंदिर के ईटा-पथल गिरे से मूरती टूट गेलक हे ।)     (आसझू॰3.3)
56    गेलक (= अ॰क्रि॰ गेल, गेलइ) (खुफिया अधिकारी सावधानी बरतइत मंदिर में घुँस के ऊपरे तेज रोसनी डाललन त हर कोई देख के अचका गेलन । इ का, मंदिर के ऊपरे के ढेरे ईटा घसकल हल । उहाँ पर खाड़ अदमी के समझते देरी न लगल कि मंदिर में कोई तोड़-फोड़ न कैल गेल हे, बल्कि पुरान-धुरान मंदिर के ईटा-पथल गिरे से मूरती टूट गेलक हे ।; पं॰ दीनानाथ के दीनता अब कोसो दूर भाग गेलक, काहे कि महेश मंदिर के कायापलट हो चुकल हल ।; लगतरीये सात बच्छर तक अपराध के करिआ साया में जीअइत, मन उमठ गेलक हल किशोरी के ।; आनंद पूरे एक बच्छर बाद होली में घरे आवे ला मन बनौलक बाकि कम्पनी के मैनेजर छुट्टी देवे से इन्कार कर गेलक ।)    (आसझू॰3.2, 18; 5.10; 8.5)
57    गेहूँम (= गोहूम, गोधूम, गेहूँ) (आनंद के माय रात भर जग के बेटा के पसंद के एक-एक समान के गँठरी बनौलन, चार दिन पहिलहीं से जुगाड़ करे में बेदम हलन । बूट के सत्तू, गेहूँम, मसुरी, राहड़, चाउर के भुंजा, आँटा आउ गुड़ के बनल टिकरी, निमकी ... सभे कुछ बाँध-बूँध के फिट हो गेलन ।)    (आसझू॰13.26)
58    गोदी (बाले-बच्चा के एतने सौक हवऽ तऽ केकरो गोदी ले लऽ बाकि खूब बेस से सोंच-समझ लऽ ।)    (आसझू॰25.14)
59    गोर-नार (राधा जे खाली नामे से राधा न हल, बल्कि गोर-नार, सुन्नर-सलोनी, छरहर बदनवाली राधा के देख के भला कउन नौजवान के आँख न चौंधिया जा हल ।)    (आसझू॰10.9)
60    घर-दूरा (= घर-द्वार) (अरे देओता-देवी के पूजला से कम से कम घर-दूरा के साथे-साथे मन आउ देह तो पवितर होवऽ हे । अइसे जगेसर के विस्वास तो देओता-देवी पर भी न हल ।; दोसरा दिन जब रश्मि कोचिंग से लौटल तऽ मौसी कइसे ओकरे रस्ता देख रहलन हल । कहलन, जल्दी तइयार होके चलऽ । घर-दूरा देखा देही, चलके । रश्मि तइयारी में जुट गेल ।)    (आसझू॰24.17; 31.13)
61    घुँच (~ अंधरिआ) (सुहागरात के सज्जल-धज्जल सेज पर बइठल रश्मि इ उधेड़-बूँन में पड़ल हल कि आखिर अब ओकरा इ मोकाम पर का करे के चाही । जगमगाइत कमरा में भी ओकर आँख तर घुँच अंधरिआ छा गेल आउ उ बीतल दिन के इयाद में डूब गेल ।)    (आसझू॰28.3)
62    चमार (अब तो लइकनो अपने में एक दोसरा के जाति के नाम से संबोधित करऽ हथ - पाँड़े, दुसधा, कोइरिया, बभना, चमरा, भुईमा, ... । भला केते बदल गेलक ई गाँव ।)    (आसझू॰35.8)
63    चलाक (= चालाक) (आउ सुनऽ, जादे चलाक बने के कोरसिस जे कैलऽ तऽ टूटू के लास उहे मंदिर के पाछे पड़ल भेंटाएत ।)    (आसझू॰18.10)
64    चाउर (= चावल) (आनंद के माय रात भर जग के बेटा के पसंद के एक-एक समान के गँठरी बनौलन, चार दिन पहिलहीं से जुगाड़ करे में बेदम हलन । बूट के सत्तू, गेहूँम, मसुरी, राहड़, चाउर के भुंजा, आँटा आउ गुड़ के बनल टिकरी, निमकी ... सभे कुछ बाँध-बूँध के फिट हो गेलन ।)    (आसझू॰13.26)
65    चाही (उनकर बड़की बेटी बोलल - "पुलिस थाना चल के रिपोर्ट लिखवावे के चाही ।" बाकि बेटी, समय बड़ी नाजुक होवऽ हे । हमनी के सोच-समझ से काम लेवे के चाही ।)    (आसझू॰18.21, 23)
66    छम्मक-छल्लो (पेहनावा-ओढ़ावा से तो उनकर उमर के पते न चलऽ हल । पैंतालीस बरिस से ऊपरे के सिम्मी मौसी अठारह-बीस के छम्मक-छल्लो लगऽ हलन ।)    (आसझू॰28.23)
67    छरहर (राधा जे खाली नामे से राधा न हल, बल्कि गोर-नार, सुन्नर-सलोनी, छरहर बदनवाली राधा के देख के भला कउन नौजवान के आँख न चौंधिया जा हल ।)    (आसझू॰10.9)
68    छोट (सलमा, जेकर अब्बाजान कोलकत्ता में रह के छोट-मोट फल के दोकान चलावऽ हलन, इहाँ अप्पन अम्मा आउ दुगो अपना से छोट भाई के साथे रहऽ हल ।)    (आसझू॰21.9)
69    छोट-मोट (सलमा, जेकर अब्बाजान कोलकत्ता में रह के छोट-मोट फल के दोकान चलावऽ हलन, इहाँ अप्पन अम्मा आउ दुगो अपना से छोट भाई के साथे रहऽ हल ।)    (आसझू॰21.8)
70    छोटहन (इ पर एगो पत्रकार चुटकी लेइत कहलन - "भला दूध के रखवइया बिलाई कइसे हो सकल हे ?" इ पर मुख्यमंत्री छोटहन पलटवार करित कहलन - "पत्रकार बंधु ! लोहा के लोहे न काटऽ हे ।"; मटखान के पूरबी किनार पर ठीक मंदिर के सामने एगो छोटहन गो मस्जिद हल, जहाँ से अजान पड़ऽ हल ।)    (आसझू॰6.7; 34.19)
71    जर-जमीन (आरती के बाभूजी अप्पन बेटी के बिआह जगेसर से उनकर पढ़ाई आउउ जरे-जमीन देख के कैलन हल । कोनो चीज के कमिओ न हल, बाकि ... एक रात आरती अप्पन मरद से कहलन - "दोसर बिआह कर लऽ ।")    (आसझू॰25.2)
72    जात (= जाति, वर्ग) (गाँव के बीच में हल एगो बड़का मटखान, ओकरे चारो दने गाँव के समूला आबादी बसल हल । हर जात आउ बेरादरी के टोला अलगे-अलगे हल बाकि सभे एक साथे मिलजुल के रहऽ हलन - एकदम से दूध आउ पानी नियन ।)    (आसझू॰34.2)
73    जेवारी (घर पर बधाई देवे आएल कुटुम्ब-परिवार के साथे जेवारी अदमी सभे के अभिनंदन स्वीकार कर रहलन हल शिवबालक बाबू आउ उनकर मेहरारू ।)    (आसझू॰13.7)
74    जेहल (सपथ लेला के तुरंते बाद उ जेहल के चहारदिवारी में कैद हो गेल । बाकि फरक एतना हल कि उ जेहल में अपराधी न, नेता हल, उ भी बहुमत दल के सदस्य ।)    (आसझू॰5.19)
75    जोरियाना (= जोड़ियाना; जौर करना) (उ अप्पन सभे प्रमाण-पत्र के जोरिया के एगो फाइल में रख लेलक आउ गाँवेवालन के साथे बूढ़ी माय, भइया-भउजी, नौजवान मेहरारू आउ साल भर के लइका के छोड़ के मुम्बई के गाड़ी धर लेलक ।; उ अप्पन कमर कसल । आउ समूले पंचायत में घुम-घुम के एक रात गाँव में पंचइती लेल सभे के जोरिऐलक । सभे कोई मुखिया बीरेन्द्र सिंह के सर्वसम्मति से पंच चुललन ।)    (आसझू॰7.9; 22.25)
76    झटे-पटे (= झट-पट) (झटे-पटे एगो समिति गठित कैल गेल जेकर सचिव नगर विधायक के बनावल गेल ।)    (आसझू॰3.13)
77    झाँपना-तोपना (राधा चुपचाप उठलक आउ दुपट्टा के पल्लू दाँत में दबौले प्रोफेसर साहेब के क्वार्टर से अप्पन पेट में पलइत पाप के झाँपले-तोपले बाहरे निकल के गर्ल होस्टल के राह धर लेलक आउ समूले रात ... ।)    (आसझू॰12.1-2)
78    टगना (अच्छा तो इ होयत कि एकर जानकारी पहिले थानेदार के देल जाय आउ हम टगइत-टगइत चल देली ।)    (आसझू॰2.17)
79    टघराना (उ अमर हो गेल । ओकर जिनगी सुफल हो गेल बेटी ! अप्पन आँख से लोर न टघरइहऽ । तू भारत के मेहरारू हऽ ।)    (आसझू॰12.24)
80    टिकरी (आनंद के माय रात भर जग के बेटा के पसंद के एक-एक समान के गँठरी बनौलन, चार दिन पहिलहीं से जुगाड़ करे में बेदम हलन । बूट के सत्तू, गेहूँम, मसुरी, राहड़, चाउर के भुंजा, आँटा आउ गुड़ के बनल टिकरी, निमकी ... सभे कुछ बाँध-बूँध के फिट हो गेलन ।)    (आसझू॰14.1)
81    टोला-टाटी (नौ बच्छर से ऊपरे हो गेलक हल जगेसर के विआह के बाकि अब लेल उनकर घरवाली आरती के गोदी न भरल हल । टोला-टाटी तो ताना कसवे करऽ हल बाकि जगेसर के बूढ़ी माय तो बाते-बात पर कह दे हलन - "इ तो नटिन हे नटिन ! नौ बच्छर बीत गेल तइयो एगो छूछून्दरो न पैदा कर सकल हे निगोड़ी ।")    (आसझू॰24.2)
82    ठउरे (= पास में) (नकाबपोस साथे चले लेल कहलक । ठउरे एगो मारुति लगल हल ।)    (आसझू॰19.24)
83    ठुकमुकाना (एगो सिपाही कड़क के पूछलक - "ऐ बूढ़ा ... इधर कहाँ ? आंधर ह का ?" दूनो ठुकमुका गेलन ।)    (आसझू॰14.9)
84    डाक्टरनी (अप्पन बूढ़ी माय के राय-मसबीरा से जगेसर एगो लड़की के गोदी ले लेलन । उ लड़की के सहर के एगो डाक्टरनी हीं काम करेवाली दाई लाके देलक हल आउ बदलइया कुछ रुपइयो लेलक हल ।; अभी पूरा से एक्को बच्छर न होएल हल कि एक दिन गाँव पर अनचितले में खबर आएल कि चाँदनी बड़ी जोर से बेमार हे, जेकर इलायज सहर के एगो नामी डाक्टरनी हीं हो रहल हे ।; उ आइ॰एस-सी॰ में बायलोजी लेलक, इ सोच के कि आगे उ डाक्टरनी बनत ।)    (आसझू॰25.25; 26.20; 28.13)
85    ढढरी (जहाँ एक दने सहर के सभे मस्जिद चमचमा रहल हल, ओहईं महेश मंदिर के रंगाई-पोताई के बात तो दूर हल, जगह-जगह से प्लास्टर छूट के मंदिर के ढढरी लोक रहल हल ।)    (आसझू॰2.1)
86    ढारहस (= ढाढ़स) (बहू के आँख नम होयल बाकि मन के ढारहस बांध के कहलन - बाबूजी ! हम भी फौज के नौकरी करव, देस के सेवा खातिर ।)    (आसझू॰12.26)
87    ढिबरी (बाबा ओखनी सभे के एतने बता रहलन हल कि रात पहर उ ईटा-पथल चले के आवाज सुनलन, उ घड़ी बिजुली गुल हल । जब उ अंधारे में टोबित-टाबित ढिबरी जरा के मंदिर में आके देखलन तऽ एने-ओने सगर ईटा-पथल छितरायल हल आउ शिवलिंग के साथे-साथे बाबा भोलेनाथ के सवारी नंदी के मुड़ी भी हिगरल हल ।)    (आसझू॰2.4)
88    ढेला-ढुकुर (~ करना) (भीड़ में से कुछ लुंगेरा आउ गुंडा-बदमास सभे बीच-बीच में पुलिसवालन पर ढेला-ढुकुर भी कर रहलन हल, बाकि पुलिस के जवान संयम से काम ले रहलन हल ।)    (आसझू॰1.10)
89    तइयो (= तो भी) (किशोरी के बूढ़ माय-बाबूजी, मेहरारू आउ दुन्नो बेटा मारल गेल । इ हदसा में भागित किशोरी के बामा गोड़ में गोली लगल, तइयो उ बच गेल ।)    (आसझू॰4.26)
90    थोड़के (आरती चुप रहलन । थोड़के देरी के बाद जगेसर कहलन - "कउन सोंच में डूब गेलऽ ?" - "कउनो सोच में नऽ बाकि सुनऽ ही बाल-बुतरु पर कुल-खनदान आउ माय-बाप के असर पड़ऽ हे ।")    (आसझू॰25.16)
91    दने (= दन्ने; तरफ) (एक साल में जल्दी-जल्दी कैकन पुलिस पदाधिकारी सभे के एने से ओने तबादला करल गेल हल, त दोसर दने सरकार के मंत्री सभे के विभाग में भी फेर-बदल जारी हल ।; क...उ...न आँख खोले के पूरा कोरसिस कैल बाकि आँख खुल नऽ सकल आउ उ हरमेसा लेल बंद हो गेल। मुड़ी एक दने लोघड़ा गेल ।)    (आसझू॰4.5; 36.2)
92    दसकोसी (गाँव के भोली-बाली लड़की हल रश्मि जे मैट्रिक के परीच्छा में 90 फीसदी अंक ललाके न खाली घरेवालन के बल्कि दसकोसी तक के अदमी सभे के सोंचे पर मजबूर कर देलक हल ।)    (आसझू॰28.6)
93    दुसाध (अब तो लइकनो अपने में एक दोसरा के जाति के नाम से संबोधित करऽ हथ - पाँड़े, दुसधा, कोइरिया, बभना, चमरा, भुईमा, ... । भला केते बदल गेलक ई गाँव ।)    (आसझू॰35.8)
94    देल (= स॰क्रि॰ देलक, देलकइ) (रश्मि अप्पन माय के फारे-फार बता देल । बाकि ओकर माय-बाबूजी लोक-लाज के डर से जल्दी से जल्दी ओकर हाथ पीअर कर देल चाहऽ हलन ।)    (आसझू॰33.1)
95    देवीथान (मटखान के पच्छिमी किनार पर सूरूज मंदिर, शिव मंदिर आउ देवीथान हल, जहाँ सबेरहीं से पूजा-पाठ होवे लगऽ हल ।)    (आसझू॰34.16)
96    दोसर (= दूसरा) (एक साल में जल्दी-जल्दी कैकन पुलिस पदाधिकारी सभे के एने से ओने तबादला करल गेल हल, त दोसर दने सरकार के मंत्री सभे के विभाग में भी फेर-बदल जारी हल ।)    (आसझू॰4.5)
97    दोसरका (एतने में मंत्रीजी दोसर कमरा से एगो हाथ में मोबाइल आउ दोसरका हाथ में दारू के गिलास लेले निकललन ।; रश्मि दोसरके दिन बिना केकरो बतैले बोरिया-बिस्तर बाँध के अप्पन घरे के राह धर लेल ।)    (आसझू॰31.29; 32.18)
98    धाज्जा (= धाजा, ध्वजा) (मनउती भी कम न कैलन हल । देव में सात सूप के अरग देवे के, उमगा पहाड़ पर खंसी के बलि चढ़ावे के, सिहुली दरगाह पर चदरा चढ़ावे के, पाँच बच्छर तक लगतरीये बाबाधाम काँर ले जाए के, घर में हनुमान जी के धाज्जा गाड़े जइसन केतनन मनउती पूरा कैलन हल, बाकि अब लेल जगेसर भूत-परेत, ओझा-डइया के चंगुल में न फँसलन हल ।)    (आसझू॰24.11)
99    नजीक (= नगीच; नजदीक) (बात कहइत-कहइत उ एकदम नजीक आ गेलन आउ रश्मि पर ओइसहीं झपटा मारलन जइसे बाज चिरई पर मारऽ हे ।)    (आसझू॰32.12)
100    नहकार (~ चल जाना = नकारना, अस्वीकार करना) (आनंद बाबूजी से कहलक हल कि नौकरी से त्यागपत्र देके चलऽ साथे रहऽ बाकि शिवबालक बाबू के इ बात गला से नीचे न उतरल । उ नहकार चल गेलन । अलबत्ते माय बाबूजी बेटा से ओकर सादी-विआह के बारे में पूछलन त उ साफे टाल गेल आउ कहलक कोई निमन लड़की भेंटा जाएत त खुदे विआह कर लेव । माय बाबूजी चुप्पी साध लेलन, आखिर उनकर बेटा अब डी॰एम॰ साहेब जे हल ।; बाकि अब लेल जगेसर भूत-परेत, ओझा-डइया के चंगुल में न फँसलन हल । गाँव-घर के अदमी केते बेर कहलन हल बाकि जगेसर साफे नहकार चल जा हलन ।)    (आसझू॰13.13; 24.14)
101    नाज-नखड़ा (गाँव के भोलाभाला आनंद के सहरवाली लड़की के नाज-नखड़ा मालूम न हल । अप्पन वेतन के बड़गर हिस्सा उ रीमा पर खरच करे लगल । पहिले घरे भेजेवाला पइसा बंद कैलक, फिन उधार-पइँचा ।)    (आसझू॰8.18)
102    ना-नुकुर (गाड़ी ब्यूटी पार्लर भीर रोकलन आउ रश्मि से कहलन - चलऽ । रश्मि ना-नुकुर कैल बाकि मौसी के बात न उठौलक ।)    (आसझू॰31.18)
103    नामी-गिरामी (खुफिया विभाग से जुड़ल कुछ अधिकारी सभे भी आ चुकलन हल । सहर के नामी-गिरामी अदमी सभे के साथे उ मंदिर के मुआयना करल चाहऽ हलन ।; कैकन मंत्री इ बात से एकदमें असहमत हलन कि गृह मंत्रालय जइसन महत्वपूर्ण विभाग नामी-गिरामी अपराधी के कोनो भी कीमत पर न देल जाए, बाकि जादेतर मंत्री सभे के मत हल कि सूब्बा में शांति लेल परयोगे के तौर पर, इ बेर गृहमंत्री किशोरी उर्फ लंगड़ा के बनाबल जाए ।; इहे सोंच-समझ के रश्मि के नाम राजधानी के सबला नामी-गिरामी कॉलेज में लिखावल गेल ।)    (आसझू॰2.20; 4.11; 28.11)
104    निके-सुखे (सूरूज ढलइते गाँव के मरद-मेहरारू, बाल-बुतरु घर में कैदी लेखा कैद हो जा हथ आउ सगर रात राम-रहीम के नाम भजइते निके-सुखे सबेरे होवे के मने-मने इंतजार करइत रहऽ हथ ।)    (आसझू॰35.26)
105    निफिकिर (= बेफिक्र) (मैट्रिक के परीच्छा पास कैला के बाद बूढ़ी दादी के लाख माना कैला के बाद भी जगेसर आउ आरती चाँदनी के कॉलेज में पढ़ावे लेल सहर भेज देलन । उहाँ ओकरा सहर के हावा लगइते देरी न लगल । चाँदनी सहर में पढ़ाई कम आउ हेहरई जादे करे लगल । गाँव में ओकर माय-बाबूजी एकदम निफिकिर पड़ल हलन ।)    (आसझू॰26.12)
106    निमकी (आनंद के माय रात भर जग के बेटा के पसंद के एक-एक समान के गँठरी बनौलन, चार दिन पहिलहीं से जुगाड़ करे में बेदम हलन । बूट के सत्तू, गेहूँम, मसुरी, राहड़, चाउर के भुंजा, आँटा आउ गुड़ के बनल टिकरी, निमकी ... सभे कुछ बाँध-बूँध के फिट हो गेलन ।)    (आसझू॰14.1)
107    नियन (= जैसा) (समूले सहर में इ खबर जंगल के आग नियन फैल गेल कि चौक भीर वाला 'महेश मंदिर' के मूरती रात खनी ईटा-पथल से मार-मार के तोड़ देल गेल । सगर से अदमी के उजूम बरसाती नदी के बाढ़ नियन उमड़ पड़ल ।; गाँव के बीच में हल एगो बड़का मटखान, ओकरे चारो दने गाँव के समूला आबादी बसल हल । हर जात आउ बेरादरी के टोला अलगे-अलगे हल बाकि सभे एक साथे मिलजुल के रहऽ हलन - एकदम से दूध आउ पानी नियन ।)    (आसझू॰1.1, 4; 34.4)
108    पंचइती (उ अप्पन कमर कसल । आउ समूले पंचायत में घुम-घुम के एक रात गाँव में पंचइती लेल सभे के जोरिऐलक । सभे कोई मुखिया बीरेन्द्र सिंह के सर्वसम्मति से पंच चुललन ।)    (आसझू॰22.25)
109    पगार (= वेतन) (चार-पाँच बच्छर से कमाइत ओकरे गाँव के कोनो भी लइका के पाँच हजार से जादे पगार न भेंटा हल आउ आनंद के सुरूमें-सुरूमें में डिप्लोमा डिग्री के चलते सात हजार के नौकरी भेंटा गेल ।)    (आसझू॰7.22)
110    पटपटाना (हैलो ! ... हैलो ! ...। उ रिसिभर रखलन । उनकर ओठ पटपटा रहल हल । लिलार से पसेना टपक रहल हल । पोछलन आउ सौटकटे में कहलन - टूटू के अपहरण हो गेलक हे ।)    (आसझू॰18.13)
111    पट्टी (= तरफ, ओर) (आज मछली के अगोरी के नाम पर सूरूज ढलइते गाँव के बिगड़ल जवान हाथ में बंदुक लेले मटखान के चारो पट्टी अगोरी कम आउ अप्पन ताकत जादे देखावऽ हथ ।)    (आसझू॰35.15)
112    पड़ी (~ गिराना) (साहेब के बीबी गोल-मटोल बस एतने कहलन - "ओके" आउ घर में घुस गेलन । सिपाही ओखनी के रोकलन, बाकि काहे ला । शिवबालक बाबू अप्पन मेहरारू के साथे तेज डेग से गेट के बाहरे हो गेलन आउ दूनो माय-बाप गेट पर एक दने भिखमंगा लेखा पड़ी गिरा देलन ।)    (आसझू॰15.20)
113    पवितर (= पवित्तर, पवित्र) (अरे देओता-देवी के पूजला से कम से कम घर-दूरा के साथे-साथे मन आउ देह तो पवितर होवऽ हे । अइसे जगेसर के विस्वास तो देओता-देवी पर भी न हल ।)    (आसझू॰24.17)
114    पहिलहीं (आनंद के माय रात भर जग के बेटा के पसंद के एक-एक समान के गँठरी बनौलन, चार दिन पहिलहीं से जुगाड़ करे में बेदम हलन । बूट के सत्तू, गेहूँम, मसुरी, राहड़, चाउर के भुंजा, आँटा आउ गुड़ के बनल टिकरी, निमकी ... सभे कुछ बाँध-बूँध के फिट हो गेलन ।)    (आसझू॰13.25)
115    पाछ (= पाछे, पीछे) (मेहरारू पाछ लगल ऐलन आउ कहलन - "का बात भेल ?")    (आसझू॰18.17)
116    पाछे (= पीछे) (आउ सुनऽ, जादे चलाक बने के कोरसिस जे कैलऽ तऽ टूटू के लास उहे मंदिर के पाछे पड़ल भेंटाएत ।)    (आसझू॰18.11)
117    पाटी-पउआ (नारंगी लेखा ऊपरे से एक देखाएवाला इ गाँव भीतरे से कैकन टुकड़ा में बँट गेलक हल । जात-धरम आउ पाटी-पउआ के नाम पर ।)    (आसझू॰35.4)
118    पुरान-धुरान (खुफिया अधिकारी सावधानी बरतइत मंदिर में घुँस के ऊपरे तेज रोसनी डाललन त हर कोई देख के अचका गेलन । इ का, मंदिर के ऊपरे के ढेरे ईटा घसकल हल । उहाँ पर खाड़ अदमी के समझते देरी न लगल कि मंदिर में कोई तोड़-फोड़ न कैल गेल हे, बल्कि पुरान-धुरान मंदिर के ईटा-पथल गिरे से मूरती टूट गेलक हे ।)    (आसझू॰3.3)
119    पेहनावा-ओढ़ावा (पेहनावा-ओढ़ावा से तो उनकर उमर के पते न चलऽ हल । पैंतालीस बरिस से ऊपरे के सिम्मी मौसी अठारह-बीस के छम्मक-छल्लो लगऽ हलन ।)    (आसझू॰28.21-22)
120    फरना-फुलाना (समूले सूब्बे में फिरौती लेल अपहरण के व्यापार अप्पन जड़ी तरबूजा के जड़ी नियन एकदम गहराई में जमा चुकल हल । इ व्यापार के फरे-फुलाय से न खाली पुलिसवालन परेसान हलन बल्कि सरकार भी परेसान हल ।)    (आसझू॰4.3)
121    फारे-फार (= साफ-साफ, विस्तार से) (रश्मि अप्पन माय के फारे-फार बता देल । बाकि ओकर माय-बाबूजी लोक-लाज के डर से जल्दी से जल्दी ओकर हाथ पीअर कर देल चाहऽ हलन ।)    (आसझू॰33.1)
122    फिन (= फिर) (जादेतर मंत्री सभे अप्पन मत लंगड़ा के पच्छ में देलन । फिन का हल, सभे कोई गृहमंत्री के रूप में किशोरी उर्फ लंगड़ा के नाम पर सहमति के मोहर लगा देलन ।; दुपहरिया के फिन से ओही जालिम अदमी के फोन आएल । कहलक - "बेस न कैलऽ पुलिस भीर सूचना देके ।" - फिन हम का करती हल । पाँच लाख रुपइया कहाँ से लइती हल भला ।)    (आसझू॰5.26; 19.2, 4)
123    बच्छर (लगतरीये सात बच्छर तक अपराध के करिआ साया में जीअइत, मन उमठ गेलक हल किशोरी के ।; चार-पाँच बच्छर से कमाइत ओकरे गाँव के कोनो भी लइका के पाँच हजार से जादे पगार न भेंटा हल आउ आनंद के सुरूमें-सुरूमें में डिप्लोमा डिग्री के चलते सात हजार के नौकरी भेंटा गेल ।; आनंद पूरे एक बच्छर बाद होली में घरे आवे ला मन बनौलक बाकि कम्पनी के मैनेजर छुट्टी देवे से इन्कार कर गेलक ।)    (आसझू॰5.9; 7.21; 8.4)
124    बड़का (गाँव के बीच में हल एगो बड़का मटखान, ओकरे चारो दने गाँव के समूला आबादी बसल हल । हर जात आउ बेरादरी के टोला अलगे-अलगे हल बाकि सभे एक साथे मिलजुल के रहऽ हलन - एकदम से दूध आउ पानी नियन ।)    (आसझू॰34.1)
125    बड़की (~ बेटी) (उनकर बड़की बेटी बोलल - "पुलिस थाना चल के रिपोर्ट लिखवावे के चाही ।")    (आसझू॰18.20)
126    बड़गर (= बड़ा, बड़ा-सा) (गाँव के भोलाभाला आनंद के सहरवाली लड़की के नाज-नखड़ा मालूम न हल । अप्पन वेतन के बड़गर हिस्सा उ रीमा पर खरच करे लगल । पहिले घरे भेजेवाला पइसा बंद कैलक, फिन उधार-पइँचा ।)    (आसझू॰8.18)
127    बर (= बरगद, वटवृक्ष) (मटखान के चारो दने कच-कच हरिअरी हल । पीपल, बर, नीम, पाकड़, आम, लिसोढ़ा, उड़हुल, कनैल, जामुन, ... के पेड़ बरसो से खाड़ हल ।)    (आसझू॰34.22)
128    बर-बटाई (= बर-बटइया) (खानदानी जमीन तो कमे हल बाकि आनंद के बाबूजी बर-बटाई करके ओकरा एलेक्ट्रॉनिक डिप्लोमाधारी बनौलन, बाकि कउन काम के जब उनकर जीते जी ओकर नौकरीए न भेंटायल ।)    (आसझू॰7.1-2)
129    बाँधना-बूँधना (आनंद के माय रात भर जग के बेटा के पसंद के एक-एक समान के गँठरी बनौलन, चार दिन पहिलहीं से जुगाड़ करे में बेदम हलन । बूट के सत्तू, गेहूँम, मसुरी, राहड़, चाउर के भुंजा, आँटा आउ गुड़ के बनल टिकरी, निमकी ... सभे कुछ बाँध-बूँध के फिट हो गेलन ।)    (आसझू॰14.2)
130    बाभन (अब तो लइकनो अपने में एक दोसरा के जाति के नाम से संबोधित करऽ हथ - पाँड़े, दुसधा, कोइरिया, बभना, चमरा, भुईमा, ... । भला केते बदल गेलक ई गाँव ।)    (आसझू॰35.8)
131    बामा (= बायाँ) (किशोरी के बूढ़ माय-बाबूजी, मेहरारू आउ दुन्नो बेटा मारल गेल । इ हदसा में भागित किशोरी के बामा गोड़ में गोली लगल, तइयो उ बच गेल ।; इ तो नटिन हे नटिन ! नौ बच्छर बीत गेल तइयो एगो छूछून्दरो न पैदा कर सकल हे निगोड़ी ।)    (आसझू॰4.26; 24.4)
132    बाल-बुतरु (आरती चुप रहलन । थोड़के देरी के बाद जगेसर कहलन - "कउन सोंच में डूब गेलऽ ?" - "कउनो सोच में नऽ बाकि सुनऽ ही बाल-बुतरु पर कुल-खनदान आउ माय-बाप के असर पड़ऽ हे ।"; सूरूज ढलइते गाँव के मरद-मेहरारू, बाल-बुतरु घर में कैदी लेखा कैद हो जा हथ आउ सगर रात राम-रहीम के नाम भजइते निके-सुखे सबेरे होवे के मने-मने इंतजार करइत रहऽ हथ ।)    (आसझू॰25.18; 35.25)
133    बिरानी (नारंगी लेखा ऊपरे से एक देखाएवाला इ गाँव भीतरे से कैकन टुकड़ा में बँट गेलक हल । जात-धरम आउ पाटी-पउआ के नाम पर । बरस भर के भाईचारा आउ परेम ईर्ष्या आउ द्वेष में बदल चुकल हे । सगर बुझा हे बिरानी छायल हे ।)    (आसझू॰35.5)
134    बुढ़ारी (दूनों मूरती लेखा खाड़ मने-मने बोललन - "साहेब के बीबी" । दूनो के अप्पन बुढ़ारी के आँख पर विस्वास न हो रहल हल कि ओखनी के सामने खाड़ उनकर पुतोह हे या फिन दू टक्का के नाचे-गावेवाली सड़क छाप कोई लड़की ।)    (आसझू॰15.6)
135    बूट (= बूँट, चना) (आनंद के माय रात भर जग के बेटा के पसंद के एक-एक समान के गँठरी बनौलन, चार दिन पहिलहीं से जुगाड़ करे में बेदम हलन । बूट के सत्तू, गेहूँम, मसुरी, राहड़, चाउर के भुंजा, आँटा आउ गुड़ के बनल टिकरी, निमकी ... सभे कुछ बाँध-बूँध के फिट हो गेलन ।)    (आसझू॰13.26)
136    बेजाय (आरी के कपार टनकल । ओकरा इयाद आएल अपने कहल बात कि बाल-बच्चा पर कुल-खानदान आउ माय-बाप के असर पड़ऽ हे । सच लगल । बाकि संतोख इहे बात के हल कि सभे बेजाय बात सहर में घटल ।)    (आसझू॰27.9)
137    बेमार (= बीमार) (अभी पूरा से एक्को बच्छर न होएल हल कि एक दिन गाँव पर अनचितले में खबर आएल कि चाँदनी बड़ी जोर से बेमार हे, जेकर इलायज सहर के एगो नामी डाक्टरनी हीं हो रहल हे ।)    (आसझू॰26.14)
138    भाँजना-भुँजना (भीड़ में से कुछ लुंगेरा आउ गुंडा-बदमास सभे बीच-बीच में पुलिसवालन पर ढेला-ढुकुर भी कर रहलन हल, बाकि पुलिस के जवान संयम से काम ले रहलन हल । कभी-कभार अप्पन लाठी भाँज-भुँज के उ अदमी सभे के काबू में कैले हलन ।)    (आसझू॰1.11)
139    भीर (= पास) (समूले सहर में इ खबर जंगल के आग नियन फैल गेल कि चौक भीर वाला 'महेश मंदिर' के मूरती रात खनी ईटा-पथल से मार-मार के तोड़ देल गेल । सगर से अदमी के उजूम बरसाती नदी के बाढ़ नियन उमड़ पड़ल ।; कैकन गो नामी अपराधी पुलिस भीर आके आत्मसमर्पन करलन त केतनन गुंडा-बदमास के पुलिस मुठभेड़ में मार गिरैलक ।; दुगो झोला भर गेल सर-समान से । अनगुतीए सोझ हो गेलन दूनो प्राणी बेटा भीर ।)    (आसझू॰1.2; 6.21; 14.3)
140    भीरी (= भीर, पास) (माय आउ मेहरारू भी भीरी जाए से कतराय लगलन, जबकि डाक्टर के कहना हल कि एड्स बेमारी साथे रहे, साथे खाए-पीए इया छूए से न लगे, तइयो काहे ला ... । ... एक रात अचके आनंद के घरे से रोवे-धोवे के आवाज आएल । गाँववालन के समझते देरी न लगल कि आनंद के राम नाम सत्य हो गेल ।)    (आसझू॰9.11)
141    भुंजा (आनंद के माय रात भर जग के बेटा के पसंद के एक-एक समान के गँठरी बनौलन, चार दिन पहिलहीं से जुगाड़ करे में बेदम हलन । बूट के सत्तू, गेहूँम, मसुरी, राहड़, चाउर के भुंजा, आँटा आउ गुड़ के बनल टिकरी, निमकी ... सभे कुछ बाँध-बूँध के फिट हो गेलन ।)    (आसझू॰14.1)
142    भुईआँ (अब तो लइकनो अपने में एक दोसरा के जाति के नाम से संबोधित करऽ हथ - पाँड़े, दुसधा, कोइरिया, बभना, चमरा, भुईमा, ... । भला केते बदल गेलक ई गाँव ।)    (आसझू॰35.8)
143    मटखान (गाँव के बीच में हल एगो बड़का मटखान, ओकरे चारो दने गाँव के समूला आबादी बसल हल ।; इ गाँव के एकता के पाछे मटखानो के हाथ रहल हल । मटखान कइसे बनल, कहेवालन तो जेतने मुँह ओतने बात कहऽ हथ बाकि एकर बने के कहानी एतने हे कि इ गाँव कि इ गाँव के लगभग सभे घर इहे मटखान के पवितर माटी से बनल हे । आज जब ढेरे अदमी के घर पक्का के बन गेलक हे तइयो उ भी मटखान के माटी के उपयोग जरूरे करऽ हथ ।)    (आसझू॰34.1, 6, 8, 10)
144    मनउती (नौ बच्छर से ऊपरे हो गेलक हल जगेसर के विआह के बाकि अब लेल उनकर घरवाली आरती के गोदी न भरल हल । ... डाक्टर-वैद्य, दवा-दारू करावित थक के चूर हो गेलन हल जगेसर आउ दोसर दने आरती कोनो देओता-देवी के अवछ न छोड़लन हल । मनउती भी कम न कैलन हल ।)    (आसझू॰24.8)
145    ममला (= मामला) (थानेदार कहलन - "ठीके हे, हमनिओ कहाँ-कहाँ न छान मारली बाकि ममला तो कुछ आउरो हल । हमनी चलऽ ही ।" आउ चल देलन, जइसे ओखनी के सभे कुछ मालूम हल ।)    (आसझू॰20.10)
146    मर-मजूरी (आनंद के गाँव के कैकन गो लइकन लुधियाना, सूरत, मुम्बई में मर-मजूरी करऽ हलन ।)    (आसझू॰7.6)
147    मसुरी (= मसूर) (आनंद के माय रात भर जग के बेटा के पसंद के एक-एक समान के गँठरी बनौलन, चार दिन पहिलहीं से जुगाड़ करे में बेदम हलन । बूट के सत्तू, गेहूँम, मसुरी, राहड़, चाउर के भुंजा, आँटा आउ गुड़ के बनल टिकरी, निमकी ... सभे कुछ बाँध-बूँध के फिट हो गेलन ।)    (आसझू॰13.26)
148    माना (= मना) (मैट्रिक के परीच्छा पास कैला के बाद बूढ़ी दादी के लाख माना कैला के बाद भी जगेसर आउ आरती चाँदनी के कॉलेज में पढ़ावे लेल सहर भेज देलन । उहाँ ओकरा सहर के हावा लगइते देरी न लगल ।)    (आसझू॰26.8)
149    माय-बाप (आरती चुप रहलन । थोड़के देरी के बाद जगेसर कहलन - "कउन सोंच में डूब गेलऽ ?" - "कउनो सोच में नऽ बाकि सुनऽ ही बाल-बुतरु पर कुल-खनदान आउ माय-बाप के असर पड़ऽ हे ।")    (आसझू॰25.19)
150    मिंझाना (= बुताना; आग आदि बूझना या बुझाना) (उ अप्पन ननद के सच बात बतला देल जे गोस्सा के मिंझाइत इंगोरा में घीउ के काम कैल आउ एक्की बेर धधक उठल। आनंद के माय-बाबूजी आउ बहीन मिलजुल के कविता के मुँह में कपड़ा ठूँस के जबरदस्ती मट्टी के तेल छिड़क के आग लगा देलन ।)    (आसझू॰36.24)
151    मुड़ी (= सिर) (बाबा ओखनी सभे के एतने बता रहलन हल कि रात पहर उ ईटा-पथल चले के आवाज सुनलन, उ घड़ी बिजुली गुल हल । जब उ अंधारे में टोबित-टाबित ढिबरी जरा के मंदिर में आके देखलन तऽ एने-ओने सगर ईटा-पथल छितरायल हल आउ शिवलिंग के साथे-साथे बाबा भोलेनाथ के सवारी नंदी के मुड़ी भी हिगरल हल ।; सचो शिवलिंग के साथे-साथे नणदी के मुड़ी भी गायब हल ।)    (आसझू॰2.7, 25)
152    मोटरी (आरती धीरे सुन कान में फुसफुसैलन, ई पाप के मोटरी कहाँ-कहाँ लेले चलवऽ, चलके गंगा माई में प्रवाहित कर दऽ । ओइसने कइलन । आरती आउ जगेसर गंगा नहा के जइसे कउनो बड़का पाप से मुक्ति पा लेलन ।)    (आसझू॰27.12)
153    रखवइया (इ पर एगो पत्रकार चुटकी लेइत कहलन - "भला दूध के रखवइया बिलाई कइसे हो सकल हे ?" इ पर मुख्यमंत्री छोटहन पलटवार करित कहलन - "पत्रकार बंधु ! लोहा के लोहे न काटऽ हे ।")    (आसझू॰6.6)
154    रस्ता (= रास्ता) (फिन तो एक्की गो रस्ता बचल हे । पुलिस थाना चल के अपहरण रिपोर्ट लिखा देवल जाए ।)    (आसझू॰18.27)
155    राहड़ (= अरहर, तूर) (आनंद के माय रात भर जग के बेटा के पसंद के एक-एक समान के गँठरी बनौलन, चार दिन पहिलहीं से जुगाड़ करे में बेदम हलन । बूट के सत्तू, गेहूँम, मसुरी, राहड़, चाउर के भुंजा, आँटा आउ गुड़ के बनल टिकरी, निमकी ... सभे कुछ बाँध-बूँध के फिट हो गेलन ।)    (आसझू॰13.26)
156    लइकाइ (= लड़कपन, बचपन) (उनकर बस आँख में कान एकी गो बेटा हल - आनंद । लइकाइए से बड़ी तेज हल आउ 'होनहार वीरवान के होत चिकने पात' के कहउत एकदम से ओकरा पर फिट बइठऽ हल ।)    (आसझू॰13.4)
157    लगतरीये (= लगातार) (लगतरीये सात बच्छर तक अपराध के करिआ साया में जीअइत, मन उमठ गेलक हल किशोरी के ।; तू एतना बड़ा अदमी बन गेलऽ । हमनी बड़ी खुस ही । बगले में खाड़ बूढ़ी माय के आँख लगतरीये बह रहल हल । उ बार-बार अप्पन अँचरा से लोर पोछइत हलन, बाकि ... ।)    (आसझू॰5.9; 16.18)
158    लझुराना (राधा प्रोफेसर साहेब के अप्पन कोमल बाँह में लपेटले जब इ गरमागरम खबर देलक कि जल्दीये माय बनेवाली हे तऽ प्रो॰ आनंद अपने आप के काँट में लझुरायल पैलन । उनकर गोड़ तर के जमीन खिसकइत नजर आ रहल हल । ओठ आउ गला दूनो सुखल जा रहल हल । चेहरो पर बारह बजल हल ।)    (आसझू॰11.9)
159    लमहर (लमहर समय से टूटल-फूटल महेश मंदिर के सुधी लेवेवाला कोई न हल, एगो दीनानाथ बाबा के छोड़ के ।)    (आसझू॰1.15)
160    लास (= लाश) (आउ सुनऽ, जादे चलाक बने के कोरसिस जे कैलऽ तऽ टूटू के लास उहे मंदिर के पाछे पड़ल भेंटाएत ।; हो-हल्ला भी भेल, बाकि खाना बनावे के बहाना बना के लास बनल कविता के सहर के अस्पताल में ले जायल गेल ।)    (आसझू॰18.11; 36.27)
161    लिसोढ़ा (= लसोढ़ा) (मटखान के चारो दने कच-कच हरिअरी हल । पीपल, बर, नीम, पाकड़, आम, लिसोढ़ा, उड़हुल, कनैल, जामुन, ... के पेड़ बरसो से खाड़ हल ।)    (आसझू॰34.23)
162    लुंगेरा (भीड़ में से कुछ लुंगेरा आउ गुंडा-बदमास सभे बीच-बीच में पुलिसवालन पर ढेला-ढुकुर भी कर रहलन हल, बाकि पुलिस के जवान संयम से काम ले रहलन हल ।)    (आसझू॰1.9)
163    लेल (= अ॰ तक) (राधा आउ आनंद के दोस्ती के खबर से अब लेल राधा के घरवालन बेखबर हलन ।; आखिर टूटू इस्कूल से लौट के अब लेल घरे काहे न आएल ?)    (आसझू॰10.26; 17.3)
164    लेल (= स॰क्रि॰ लेलक, लेलकइ) (कॉलेज के लइका-लइकी के बीच परेम के इ खबर जंगल के आग लेख सगर फैल गेल । काना-फूसकी होवे लगल कि राधा अप्पन रूप-जाल में आखिर मालदार प्रो॰ आनंद के फँसा ही लेल आउ जल्दीये उ ओकर मेहरारू बनके रानी लेखा राज करत ।)    (आसझू॰10.22)
165    लेलक (= स॰क्रि॰ लेल) (कमसिन जवानी के दहलीज पर खाड़ उन्नइस-बीस के राधा बी॰ए॰ पार्ट टू के छात्रा हल, जे एक बरिस पहिले अप्पन गाँव से आके राजधानी के नामी कॉलेज में दाखिला लेलक हल ।; धीरे-धीरे दूनो के दोस्ती गढ़ाइत चल गेल आउ एक दिन राधा अप्पन मोहन के बाँह में समा के अप्पन गरम साँस के ठंढा भी कर लेलक ।)    (आसझू॰10.6; 11.3)
166    सगर (= सगरो; सभी जगह) (समूले सहर में इ खबर जंगल के आग नियन फैल गेल कि चौक भीर वाला 'महेश मंदिर' के मूरती रात खनी ईटा-पथल से मार-मार के तोड़ देल गेल । सगर से अदमी के उजूम बरसाती नदी के बाढ़ नियन उमड़ पड़ल ।; बाबा ओखनी सभे के एतने बता रहलन हल कि रात पहर उ ईटा-पथल चले के आवाज सुनलन, उ घड़ी बिजुली गुल हल । जब उ अंधारे में टोबित-टाबित ढिबरी जरा के मंदिर में आके देखलन तऽ एने-ओने सगर ईटा-पथल छितरायल हल आउ शिवलिंग के साथे-साथे बाबा भोलेनाथ के सवारी नंदी के मुड़ी भी हिगरल हल ।; कॉलेज के लइका-लइकी के बीच परेम के इ खबर जंगल के आग लेख सगर फैल गेल । काना-फूसकी होवे लगल कि राधा अप्पन रूप-जाल में आखिर मालदार प्रो॰ आनंद के फँसा ही लेल आउ जल्दीये उ ओकर मेहरारू बनके रानी लेखा राज करत ।)    (आसझू॰1.3; 2.5; 10.21)
167    सज्जल-धज्जल (सुहागरात के सज्जल-धज्जल सेज पर बइठल रश्मि इ उधेड़-बूँन में पड़ल हल कि आखिर अब ओकरा इ मोकाम पर का करे के चाही ।)    (आसझू॰28.1)
168    समझाव-बुझव (इ जानइते कि आनंद विआह कर लेल, पूरा परिवार दहाड़ मार के टूट पड़ल । जेतना मुँह ओतना बात । पूरा गाँव में खलबली मच गेल । समझाव-बुझाव होयल । बाकि तइयो आनंद के माय-बाबूजी गोस्सा में तमतमायल रहलन आउ रहथ काहे नऽ, चार-पाँच लाख के सोना के चिड़ई जे हाथ से उड़ गेल ।)    (आसझू॰36.17)
169    समूला (करवट बदलइत समूला रात बीत गेलक, बाकि राधा के आँख के पिपनी पलो भर ला न झँपल ।; गाँव के बीच में हल एगो बड़का मटखान, ओकरे चारो दने गाँव के समूला आबादी बसल हल । हर जात आउ बेरादरी के टोला अलगे-अलगे हल बाकि सभे एक साथे मिलजुल के रहऽ हलन - एकदम से दूध आउ पानी नियन ।)    (आसझू॰10.1; 34.2)
170    समूले (= समूचे) (समूले सहर में इ खबर जंगल के आग नियन फैल गेल कि चौक भीर वाला 'महेश मंदिर' के मूरती रात खनी ईटा-पथल से मार-मार के तोड़ देल गेल । सगर से अदमी के उजूम बरसाती नदी के बाढ़ नियन उमड़ पड़ल ।; समूले सूब्बे में फिरौती लेल अपहरण के व्यापार अप्पन जड़ी तरबूजा के जड़ी नियन एकदम गहराई में जमा चुकल हल । इ व्यापार के फरे-फुलाय से न खाली पुलिसवालन परेसान हलन बल्कि सरकार भी परेसान हल ।)    (आसझू॰1.1; 4.1)
171    सर-समान (दुगो झोला भर गेल सर-समान से । अनगुतीए सोझ हो गेलन दूनो प्राणी बेटा भीर ।; सर-समान लेले दूनो गेट पर गेलन जहाँ तीन-चार गो पुलिसवालन पहरेदारी कर रहलन हल ।; आनंद गेट से बहरैलन आउ अप्पन माय-बाबूजी के गोड़ पर जइसे गिर गेलन । जल्दी-जल्दी सभे सर-समान अपने ऊपर लादइत कहलन - बाबूजी, खबर तो कर देतऽ हल, हम खुदे आ जइती हल ।)    (आसझू॰14.2, 6; 16.7)
172    सिकड़ (= सिक्कड़) (एही बीच एगो अदमी के नजर मंदिर में टंगल घंटा पर गेल जे जमीन पर गिरल हल, सिकड़ समेत ।)    (आसझू॰2.28)
173    सुन (= सन; से) (आरती धीरे सुन कान में फुसफुसैलन, ई पाप के मोटरी कहाँ-कहाँ लेले चलवऽ, चलके गंगा माई में प्रवाहित कर दऽ । ओइसने कइलन । आरती आउ जगेसर गंगा नहा के जइसे कउनो बड़का पाप से मुक्ति पा लेलन ।)    (आसझू॰27.12)
174    सुन्नर-सलोनी (राधा जे खाली नामे से राधा न हल, बल्कि गोर-नार, सुन्नर-सलोनी, छरहर बदनवाली राधा के देख के भला कउन नौजवान के आँख न चौंधिया जा हल ।)    (आसझू॰10.9)
175    सोझ (~ होना) (दुगो झोला भर गेल सर-समान से । अनगुतीए सोझ हो गेलन दूनो प्राणी बेटा भीर ।; आनंद के माय-बाबूजी सोझ हो गेलन, आनंद गेठरी-मोटरी के अप्पन छाती से सटौले इ नजारा देख रहल हल । साथे-साथे ओकर दिमाग में सच भी लकड़ी में लगेवाला घुन के कीड़ा लेखा कट- कट काट रहल हल ।)    (आसझू॰14.3; 16.24)
176    सौटकट (= शौर्टकट) (हैलो ! ... हैलो ! ...। उ रिसिभर रखलन । उनकर ओठ पटपटा रहल हल । लिलार से पसेना टपक रहल हल । पोछलन आउ सौटकटे में कहलन - टूटू के अपहरण हो गेलक हे ।)    (आसझू॰18.14)
177    हथना (अप्पन जान ~ = आत्महत्या करना) (जे हमरा उचित न्याय न भेंटायत त हम भरल पंचायत में छाती पर मुक्का मार-मार के अप्पन जान हथ देव ।; माय-बाप मिलके ओहईं ओकर क्रिया-करम कर देलन, इ सोच के कि घरे ले गेला पर दादीओ अप्पन जान हथ देतन ।)    (आसझू॰23.4; 26.23)
178    हरमेसा (= हमेशा) (क...उ...न आँख खोले के पूरा कोरसिस कैल बाकि आँख खुल नऽ सकल आउ उ हरमेसा लेल बंद हो गेल। मुड़ी एक दने लोघड़ा गेल ।)    (आसझू॰36.2)
179    हरमेसे (=हमेशे) (नौकरी न भेंटायल हल तऽ इसे का, जगेसर पुरान बी॰ए॰ पास हलन । उनकर समझ हल कि अदमी के अंधविस्वास से हरमेसे दूर रहे के चाही ।)    (आसझू॰24.16)
180    हरिअरी (मटखान के चारो दने कच-कच हरिअरी हल । पीपल, बर, नीम, पाकड़, आम, लिसोढ़ा, उड़हुल, कनैल, जामुन, ... के पेड़ बरसो से खाड़ हल ।)    (आसझू॰34.22)
181    हावा (= हवा) (सबके सब खामोस हलन, अइसन बुझायल जइसे हावा तक थम गेल । चुप्पी के तोड़इत सलमा कहलक - बाकि इ में हम्मर अब्बा के सहमति जरूरी हे । उनकरा आवे तक इंतजार करे पड़त ।; मैट्रिक के परीच्छा पास कैला के बाद बूढ़ी दादी के लाख माना कैला के बाद भी जगेसर आउ आरती चाँदनी के कॉलेज में पढ़ावे लेल सहर भेज देलन । उहाँ ओकरा सहर के हावा लगइते देरी न लगल ।; कोचिंग करेवाली ओकर सखी-सहेली के ताम-झाम देख के ओकरो मन कुलबुलाएल, माने रश्मि के भी सहर के गंदा हावा आखिरकार लगहीं गेल ।)    (आसझू॰23.11; 26.10; 29.18)
182    हिगरना (बाबा ओखनी सभे के एतने बता रहलन हल कि रात पहर उ ईटा-पथल चले के आवाज सुनलन, उ घड़ी बिजुली गुल हल । जब उ अंधारे में टोबित-टाबित ढिबरी जरा के मंदिर में आके देखलन तऽ एने-ओने सगर ईटा-पथल छितरायल हल आउ शिवलिंग के साथे-साथे बाबा भोलेनाथ के सवारी नंदी के मुड़ी भी हिगरल हल ।)    (आसझू॰2.7)
183    हेहरई (मैट्रिक के परीच्छा पास कैला के बाद बूढ़ी दादी के लाख माना कैला के बाद भी जगेसर आउ आरती चाँदनी के कॉलेज में पढ़ावे लेल सहर भेज देलन । उहाँ ओकरा सहर के हावा लगइते देरी न लगल । चाँदनी सहर में पढ़ाई कम आउ हेहरई जादे करे लगल ।)    (आसझू॰26.11)

45. मगही नाटक "फूलवा" में प्रयुक्त ठेठ मगही शब्द

2011-12-23T05:54:00.000-08:00

फूसु॰ = "फूलवा" (मगही नाटक), नाटककार - सुमंत; प्रकाशक - सहयोगी प्रकाशन, गया; प्राप्ति स्थानः महेश शांति भवन, हनुमाननगर, ए॰पी॰ कॉलनी, गया - 823001; प्रथम संस्करण – 1996 ई॰; 40 पृष्ठ । मूल्य – अनुल्लिखित ।

कुल ठेठ मगही शब्द-संख्या - 199

ठेठ मगही शब्द ("अ" से "ह" तक):

1    अंधार (= अन्हार; अन्धकार) (एगो निन आउ दोसर खैनी, एकरा बिना जगे अंधार । जउन मरद खैनी नञ् खाय उ भी कोनो मरद हे भला । आजकल तो मेहरारूओ के चसका लगल हे - फीछे काहे रहत भला ।)    (फूसु॰29.18)
2    अऊँठा (= अँगूठा) (एकरे बल पर देस के नेता गुलछर्रा उड़ावऽ हे । डिजल, खाद के दाम बढ़ा के, एकरे अऊँठा देखावऽ हे ॥ जन-जन जानऽ हथ इ बात के, भारत के इ जान हे । उ कोनो नञ् देओता-देवी, भारत के मजूर-किसान हे ॥; बुधन: {अऊँठा देखा के} बेटी ! हम तऽ ठहरली अऊँठा छाप । बाकि तोरा पढ़ा के अप्पन धरम पूरा कर देली ।)    (फूसु॰20.21; 21.15)
3    अकबकाना (मधुकर अप्पन बैग उठा के चल जा हे, फूलवा जरा अकबका हे ।; राम-राम राजो भइया ! अरे ! एते अकबकायल काहे हऽ ?; राजो: ... हमरा फूलवा चाही - फूलवा । आझ उ भी जान जायत कि राजो के औकात केते हे - फूलवा ...। - नेताजी: जल्दी के काम सैतान के । इमें एते अकबकाय के बात नञ् हे । ढाढ़स रखऽ ढाढ़स ...।)    (फूसु॰8.7; 13.5; 34.4)
4    अकबकाहट (राजो सिंह हाथ में पेपर लेले एने से ओने घुमित-फिरित हथ । उनकर चेहरा पर अकबकाहट हे ।)    (फूसु॰13.3)
5    अखनी (= अभी, इस समय) (हम अखनी सुतब ।; तऽ हम अखनी जाइत ही ।)    (फूसु॰29.4; 31.20)
6    अन्हरिया (दरोगा: इ हमरा भीर रपट लिखावे खाति गेल हल बेचारी । हम कहली चलऽ एस॰पी॰ भीर आऊ इहाँ ले अइली रात के अन्हरिया में ।)    (फूसु॰35.8)
7    अवाज (= आवाज) (फिन से डंटा में ओटख सुतऽ हे, बाकि तनि देरी में केकरो आवे के अवाज सुन के मोटू हड़बड़ायल उठ के खाड़ा हो जा हे ।)    (फूसु॰28.15)
8    आधे-आध (नेताजी: बिलौक से अप्पन गाँव तक पक्की रोड बने लेल ठेका होवेवाला हे, बोलऽ - ठेका चाही ? - राजो: अरे भइया ! नेकी आऊ पूच-पूच । हाथ से इ मोका नञ् निकले के चाही । फैदा आधे-आध । अरे रोड का बनत, गढ़ा-गुच्ची भर-भूर के ऊपरे से पीच के पोताइ करा देल जात ।)    (फूसु॰4.20)
9    आरजू-मिनती (भगमान ! आदमी तो तोहरा से किसिम-किसिम के वरदान माँगऽ हथ । हमरा तो तोरा से बस एकी गो आरजू-मिनती हे कि तू हमरा मरला के बाद निनलोक भेजिहऽ जहाँ हम निन में तर रहव ।)    (फूसु॰29.10)
10    आरी (खेत के ~) (बचल खैनी बजरंगी खा हे, आऊ एगो आरी पर झाड़ के अप्पन गमछी बिछावऽ हे ।)    (फूसु॰9.4)
11    इमे, इमें (= ई में; इसमें) (जे सुनत उ एही कहत इमे नेसलाइट के हाथ हे, आऊ दोसर बिन बजार के पेपरो में निकलत कि नेसलाइट एगो आउ के जान ले लेल ।; रात के जरो हल्ला-गुदाल नञ् होल, तऽ इ कइसे मालूम होल कि फूलवा रात हीं से लपता हे । गाँववालन, इ सभे झूठ हे । इमें हम्मर बाप के चाल हे ।; हम्मर नजर में दूए बात हो सकऽ हे - पहिल इ कि इ ममला परेम के हे आऊ दोसर इ कि इमें नेसलाइट के हाथ हे ।)    (फूसु॰15.16; 26.11, 17-18)
12    इहाँ (= यहाँ) (हम तोहरा हाथ जोड़ैत ही तू अभी इहाँ से जा ।)    (फूसु॰8.3)
13    उपाय-पतर (दरद से पेट के अँतड़ी टीसटीसायत हे, बाकि बजरंगबली के किरपा से बजरंगी पाछे नञ् हटत । कोनो उपाय-पतर लौक रहल हे का मालिक ?)    (फूसु॰11.17)
14    उलूल-जुलूल (राजो भइया ! अब जीऊ में आवऽ हो कि पोलटिस छोड़ देई । बड़ी गन्दा भे गेलवऽ । मंगरा-बुधना अंधरा-लंगड़ा सब तो नेते हो गेल । अच्छा भइया उलूल-जुलूल बात छोड़ऽ । एगो बात कहिओ ।)    (फूसु॰4.15)
15    उसनना (= इसोरना; उबालना) (मधु: ... का होल हल काकी के ? - फूलवा: सच का जानी । तोहरे घरे धान उसनैत लुगा में आग लग गेल हल आउ ... ।)    (फूसु॰7.8)
16    उसे (= उ से, ऊ से; उसके कारण) (तू तो कहउत के पक्किया माहटर हऽ, नञ् जानऽ का - हाथी चले बजार कुत्ता भूके हजार । तऽ उसे हाथी बजार जाय ला तो नञ् छोड़ देत ।)    (फूसु॰18.15)
17    ऊपर-झाप्पर (राजो: हूँ ... अरे दर-दरोगा के पिमेंटे का हे । ठीक से चुल्हा पर हँड़िया चढ़ल मोस्किल हे । इ तो ऊपर-झाप्पर हे जे से बुलेट आऊ होण्डा हुनहुना हे ।)    (फूसु॰15.4)
18    एकी (= एक्के; एक ही) (मोहरारू के एकी थप्पड़ में घबरा गेलऽ । अरे भइया, गाय के दूध पियल चाहऽ हऽ तऽ लतार तो सहहीं पड़त ।)    (फूसु॰36.1)
19    एते (राम-राम राजो भइया ! अरे ! एते अकबकायल काहे हऽ ?; राजो: ... हमरा फूलवा चाही - फूलवा । आझ उ भी जान जायत कि राजो के औकात केते हे - फूलवा ...। - नेताजी: जल्दी के काम सैतान के । इमें एते अकबकाय के बात नञ् हे । ढाढ़स रखऽ ढाढ़स ...।)    (फूसु॰13.5; 34.4)
20    एने (राजो सिंह हाथ में पेपर लेले एने से ओने घुमित-फिरित हथ । उनकर चेहरा पर अकबकाहट हे ।)    (फूसु॰13.2)
21    ओइसहीं (दरोगा: ... नौकरी करे के हे तऽ नेताजी के बात कउन मुँह से उठाब । बाकि एगो हमरो बात मानब - हलाल होवेवाला आदमी के मुड़ी देह से अलगे होवे के चाही । - नेताजी: अरे जे कहवऽ ओही होयत । जइसने गधा पर एक मन ओइसहीं नौ मन । बाकि इ काहे ?)    (फूसु॰15.14)
22    ओड़िया (गाँव के पगडंडी । ओड़िया आऊ हँसुआ लेले बुधन के बेटी फूलवा आवऽ हे । ओही घड़ी कंधा में बड़का बैग लटकैले सूटबूट में राजो सिंह के बेटा मधुकर आवऽ हे ।; सूरूज नीचे लटकल जायत हथ - का खायत आज गोली गइया । चली एकाध ओड़िया घास गढ़ ले ही ।)    (फूसु॰6.1; 8.10)
23    ओने (राजो सिंह हाथ में पेपर लेले एने से ओने घुमित-फिरित हथ । उनकर चेहरा पर अकबकाहट हे ।)    (फूसु॰13.2)
24    कनकनी (= कनकन्नी) (जाड़ा के कनकनियों में जे अप्पन देह भिड़ावऽ हे । गरमी के झनझनियों में जे अप्पन देह जरावऽ हे ॥ बरसा बरसे बिजली चमके, बइठे के नञ् नाम हे । उ कोनो नञ् देओता-देवी, भारत के मजूर-किसान हे ॥)    (फूसु॰20.6)
25    कनून (= कानून) (दरोगा जी ! अपने तो कनून के रच्छा करेवाला ही । अब इ बोली - इ कहाँ के कनून हे कि हमर मन में गड़ल मूरती हमरा भीर नञ् आवे ।)    (फूसु॰14.11, 12)
26    कहउत (= कहाउत; कहावत) (तू तो कहउत के पक्किया माहटर हऽ, नञ् जानऽ का - हाथी चले बजार कुत्ता भूके हजार । तऽ उसे हाथी बजार जाय ला तो नञ् छोड़ देत ।)    (फूसु॰18.13)
27    कहिया (= किस दिन, कब; कहियो = किसी दिन, कभी) (आज छोड़ऽ भइया ! मुरगा-मोसल्लम के इंतजाम भुइंटोलिया पर होल हे । कहियो राते रंगीन कैल जायत ।)    (फूसु॰5.11)
28    कहियो (= किसी दिन, कभी) (आज छोड़ऽ भइया ! मुरगा-मोसल्लम के इंतजाम भुइंटोलिया पर होल हे । कहियो राते रंगीन कैल जायत ।)    (फूसु॰5.11)
29    काड़ा (= कड़ा, कठिन) (अप्पन देसे के नञ् खाली, दूसरो ला जान भिड़ावऽ हे । काड़ा मेनत करके ई, धरती से धन उपजावऽ हे ॥ लेकिन देखऽ देह तू ओकर, जइसे नञ् कुछ जान हे । उ कोनो नञ् देओता-देवी, भारत के मजूर-किसान हे ॥)    (फूसु॰21.3)
30    किताब-कोपी (बुधन: वाह ! बेटी वाह ! किताब-कोपी में अइसनो निमन-निमन बात लिखल रहऽ हे ? - फूलवा: {खाड़ होके} हाँ बाबूजी ! एकरो से बेस-बेस बात रहऽ हे । पढ़तऽ तऽ जानतऽ ...।)    (फूसु॰21.11)
31    किरिन (राजो: ... फूलवा के जाय के रस्ता तो इहे हे, रे .. ? - बजरंगी: हाँ, किरिन लुकलुकाइत हे, उ आविते होयत ।)    (फूसु॰9.9)
32    किरिया (= कसम) (हमनी गरीब के का डर हे । नऽ धन नऽ दौलत, नऽ रुपैया नऽ पइसा । केकरो से दरो-दुस्मनी नऽ । तू जा ... हमरे किरिया । इ बेर केकरो नजर पड़ जायत तऽ इ गाँव में रहलो हराम हो जायत ।)    (फूसु॰19.16)
33    कूलम (= कुल्लम; कुल मिलाकर) (हमनी आदमी {गिनती करके} एगो, दूगो, तीन गो ही आऊ काम कूलम दूगो हे - एगो तोहर जान आउ दोसर फूलवा के जवानी । माने आझ जान भी जायत आऊ जवानी भी लुटायत बाकि पहिले जान फिन जवानी ।)    (फूसु॰23.4)
34    केते (= कितना) (हाँ ... बजरंगिया । अप्पन जिनगी में केते के जिनगी उजाड़ले ही, अब एगो आऊ के बारी हे ।; हमरा फूलवा चाही - फूलवा । आझ उ भी जान जायत कि राजो के औकात केते हे - फूलवा ...।)    (फूसु॰11.20; 34.3)
35    केमाड़ी (= किवाड़) (फूलवा: केमाड़ी भिड़कैलऽ हे कि नञ् ? - बुधन: नञ् बेटी ! जा, जाके भिड़का आवऽ । {फूलवा केमाड़ी भिड़कावे खाति जा हे ।})    (फूसु॰21.20, 22)
36    कैल (= स॰क्रि॰ कैलक) (बुधन ... । तू केते नेक आदमी हलऽ ... तोहर इ हाल के कैल ... कने गेल बुधन के बेटी ? - राजो: उ तो ससुरी रात हीं से लपता हे भाई !)    (फूसु॰26.2)
37    खाड़-खाड़ (= खड़े-खड़े) (ठीके कहल गेल हे - नीच के दूगो पइसा दे देवे के चाही बाकि दिमाग नञ् । खाड़-खाड़ मुँह का ताकइत हें ।; इ गाँव के रस्ता हे । हमनी के अइसे खाड़-खाड़ बतियायल ठीक नञ् हे ।)    (फूसु॰3.10; 6.13)
38    खाड़ा (= खड़ा) (राजो: {खाड़ा होके} कउन दवाई, कइसन दवाई । देह के बेमारी खाति दवाई तो होवऽ हे बाकि दिल के बेमारी के दवाई {मुड़ी हिला के} कुछो नञ् हे ।; दारोगा जी आवऽ हथ, दूनो खाड़ा हो के हाथ जोड़ऽ हथ ।)    (फूसु॰2.12; 14.4)
39    खाति (= खातिर, के लिए) (राजो: {खाड़ा होके} कउन दवाई, कइसन दवाई । देह के बेमारी खाति दवाई तो होवऽ हे बाकि दिल के बेमारी के दवाई {मुड़ी हिला के} कुछो नञ् हे ।; बुधन: ... जिनगी भर हम अपने के हुकुम बजौली, आऊ अंतिम साँस तक बजाएब बाकि ... - राजो: बाकि अप्पन बेटी के काम करे खाति इहाँ न भेजवे ... इहे कहल चाहऽ हें न ?; दरोगा: इ हमरा भीर रपट लिखावे खाति गेल हल बेचारी । हम कहली चलऽ एस॰पी॰ भीर आऊ इहाँ ले अइली रात के अन्हरिया में ।)    (फूसु॰2.13; 3.5; 35.6)
40    खाय-पानी (= खाना-पानी) (अइसन पुत से निपुतरे निमन हल । बाकि का करी । बजरंगिया ! खाय-पानी के इंतजाम कर ।)    (फूसु॰17.17)
41    खाली (= केवल) (अप्पन देसे के नञ् खाली, दूसरो ला जान भिड़ावऽ हे । काड़ा मेनत करके ई, धरती से धन उपजावऽ हे ॥ लेकिन देखऽ देह तू ओकर, जइसे नञ् कुछ जान हे । उ कोनो नञ् देओता-देवी, भारत के मजूर-किसान हे ॥)    (फूसु॰21.1)
42    गढ़ा-गुच्ची (नेताजी: बिलौक से अप्पन गाँव तक पक्की रोड बने लेल ठेका होवेवाला हे, बोलऽ - ठेका चाही ? - राजो: अरे भइया ! नेकी आऊ पूच-पूच । हाथ से इ मोका नञ् निकले के चाही । फैदा आधे-आध । अरे रोड का बनत, गढ़ा-गुच्ची भर-भूर के ऊपरे से पीच के पोताइ करा देल जात ।)    (फूसु॰4.21)
43    गमछी (बचल खैनी बजरंगी खा हे, आऊ एगो आरी पर झाड़ के अप्पन गमछी बिछावऽ हे ।)    (फूसु॰9.4)
44    गलमोछा (फूलवा: {भीतर से} बचावऽ ... बचावऽ ... बाबू ... {एतनहीं में दूगो गलमोछा बाँधले आदमी एगो के हाथ बन्दूक आऊ दोसर के हाथ में पसुली हे, आके बुधना के पकड़ऽ हथ ।})    (फूसु॰22.4)
45    गारत (धीरे बोल, नञ् तो तोहर आँख के सामने फूलवा के इज्जत गारत में मिला देवउ ।)    (फूसु॰22.13)
46    गोड़ (भइंसी के गोड़ फिसुलला से बेस अंटकहीं में हे भइया ।)    (फूसु॰5.1)
47    गोली ("गोला" का स्त्री॰; ~ गइया) (सूरूज नीचे लटकल जायत हथ - का खायत आज गोली गइया । चली एकाध ओड़िया घास गढ़ ले ही ।)    (फूसु॰8.10)
48    गोस्सा (= गुस्सा) (दरोगा कुरसी पर बइठऽ हथ । फूलवा गोस्सा में लाल-पिअर हो जा हे ।)    (फूसु॰35.10)
49    घरइया (बूड़बक, अरे गोरकी तो घरइया नाम हे, आऊ दोसरका का हे ?)    (फूसु॰8.17)
50    घिचिर-पिचिर (दरोगा: इ का घिचिर-पिचिर करइत ह । साफ-साफ बतलावऽ, बूझौल बूझौला से का फैदा ।)    (फूसु॰14.17)
51    चलाक (= चलाँक; चालाक) (फूलवा: बाकि ... इ का लेल देइत हऽ मालिक ? - बजरंगी: ढेर चलाक मत बनऽ, चुपचाप रख लऽ ।)    (फूसु॰10.13)
52    चाही (ठीके कहल गेल हे - नीच के दूगो पइसा दे देवे के चाही बाकि दिमाग नञ् । खाड़-खाड़ मुँह का ताकइत हें ।; बुधना के बेटी हमर मन के मंदिर में समा गेल हे । कुकरम चाहे जे होवे, उ हमरा चाही ... ।)    (फूसु॰3.9; 4.1)
53    चिखना (= चखना) (नेताजी: ... पहिले इ बतावऽ इंतजाम का का कइले ह । छूटा बोतल, मुरगा आऊ मछली के चिखना, आऊ उपरे से सहर के नामी-गिरामी रेखा बाई के मोजरा ।)    (फूसु॰13.15)
54    चिनौटी (= चुनौटी) (चिनौटी निकाल के डंटा काँख तर चाँप के खैनी मलइत एने से ओने घुमऽ फिरऽ हे ।)    (फूसु॰29.15)
55    चौका-बरतन (मालिक ... जब हम बुधना से कहली कि कल से तोर बेटी मालिक घर चौका-बरतन करत तऽ उ बोलल ... {जोर से} जा, अपन मालिक से कह दऽ, हम्मर बेटी हमरा रहते इ काम नञ् करत ।)    (फूसु॰2.2)
56    छोट (= छोटा) (लऽ, तऽ तू हमरा बड़का बूझऽ हऽ आउ अपना के छोटका । आदमी जनम से बड़ आउ छोट नञ् होवे, उ तो करम से होवऽ हे ।)    (फूसु॰19.3)
57    छोटका (लऽ, तऽ तू हमरा बड़का बूझऽ हऽ आउ अपना के छोटका । आदमी जनम से बड़ आउ छोट नञ् होवे, उ तो करम से होवऽ हे ।)    (फूसु॰19.2)
58    छोट-मोट (तऽ एही बात पर छोट-मोट पाटी हो जाय, का राजो भइया ।)    (फूसु॰15.21)
59    जइसहीं (जइसहीं खाँची बजरंगी पकड़ऽ हे कि फुलवा अप्पन गोड़ से ओकर पेट में मारऽ हे, उ गिर के कराहे लगऽ हे ।)    (फूसु॰10.16)
60    जरना (= जलना) (रट-रट, मर-मर काम करऽ हे, लेकिन भूखे पेट जरऽ हे । देह पर कपड़ा फटल-चिटल, सुखुआ अप्पन नाम धरऽ हे ॥ जाके देखऽ गाँव-गाँव में, टुटल जे मकान हे । उ कोनो नञ् देओता-देवी, भारत के मजूर-किसान हे ॥)    (फूसु॰20.13)
61    जराना (= जलाना) (जाड़ा के कनकनियों में जे अप्पन देह भिड़ावऽ हे । गरमी के झनझनियों में जे अप्पन देह जरावऽ हे ॥ बरसा बरसे बिजली चमके, बइठे के नञ् नाम हे । उ कोनो नञ् देओता-देवी, भारत के मजूर-किसान हे ॥)    (फूसु॰20.9)
62    जहिया (आहिस्ते बोल, नञ् तो कान के चदरा के साथे हम्मर दिलो के चदरा फट जायत । जहिया से बुधना के बेटी के देखली हे - नऽ रात के निन नऽ दिन के चैन हे ।)    (फूसु॰2.7)
63    जिनगी (आगे एगो लबज भी नञ् निकालऽ । हम तोहरे से पूछल चाहऽ ही फूल के बिना भौंरा के जिनगी कोनो जिनगी हे ।; हाँ ... बजरंगिया । अप्पन जिनगी में केते के जिनगी उजाड़ले ही, अब एगो आऊ के बारी हे ।; बूड़बक ! फूलवा नञ्, बुधना के जिनगी उजड़त आऊ फिन फूलवा अकेले हार-पार के हमरा भीर आयत ।)    (फूसु॰7.19, 20; 11.19, 20; 12.12)
64    जीऊ (राजो भइया ! अब जीऊ में आवऽ हो कि पोलटिस छोड़ देई । बड़ी गन्दा भे गेलवऽ । मंगरा-बुधना अंधरा-लंगड़ा सब तो नेते हो गेल । अच्छा भइया उलूल-जुलूल बात छोड़ऽ । एगो बात कहिओ ।)    (फूसु॰4.12)
65    जेहल (= जेल) (हम जे कुछ कहली ठीक कहली । अब तोहनी सब जेहल के हावा खाय के तइयारी करऽ ।; बाबू जी के जेहल जाय से पहिले हम फूलवा के मांग में सेनुर डाल के समाज के सड़ल रेवाज तोड़ल चाहऽ ही ।)    (फूसु॰38.8, 20)
66    झँपकी (एस॰पी॰ निवास पर कुरसी-टेबुल लगल हे । कोना में एगो टूल पर मोटू सिपाही जेकर बड़का लादा हे, झँपकी पर झँपकी लेइत हे ।)    (फूसु॰28.3)
67    झनझनी (= झनझन्नी) (जाड़ा के कनकनियों में जे अप्पन देह भिड़ावऽ हे । गरमी के झनझनियों में जे अप्पन देह जरावऽ हे ॥ बरसा बरसे बिजली चमके, बइठे के नञ् नाम हे । उ कोनो नञ् देओता-देवी, भारत के मजूर-किसान हे ॥)    (फूसु॰20.8)
68    झाँपना-पोतना (सिपाही आऊ गाँववालन मिल के लास झाँप-पोत के उठावऽ हथ ।)    (फूसु॰27.10-11)
69    टीसटीसाना (दरद से पेट के अँतड़ी टीसटीसायत हे, बाकि बजरंगबली के किरपा से बजरंगी पाछे नञ् हटत । कोनो उपाय-पतर लौक रहल हे का मालिक ?)    (फूसु॰11.15)
70    टूल (= स्टूल) (एस॰पी॰ निवास पर कुरसी-टेबुल लगल हे । कोना में एगो टूल पर मोटू सिपाही जेकर बड़का लादा हे, झँपकी पर झँपकी लेइत हे ।)    (फूसु॰28.2)
71    टेम (= टैम; टाइम, समय) (साहेब के आवे के टेम हो गेल, निन तोड़े के चाही ।)    (फूसु॰29.13)
72    टोना (राजो बाँह फैलावऽ हे, फूलवा राजो के गाल पर थप्पड़ मारऽ हे । राजो गाल टोवे लगऽ हे ।)    (फूसु॰35.19)
73    डंटा (फिन से डंटा में ओटख सुतऽ हे, बाकि तनि देरी में केकरो आवे के अवाज सुन के मोटू हड़बड़ायल उठ के खाड़ा हो जा हे ।; चिनौटी निकाल के डंटा काँख तर चाँप के खैनी मलइत एने से ओने घुमऽ फिरऽ हे ।)    (फूसु॰28.13; 29.15)
74    डरामा (= ड्रामा) (राजो - डरामा बन्द कर । नजीक आवे दे ।)    (फूसु॰9.18)
75    डलडा-फलडा (भगवान ! इ ठीका हाथ से नञ् जाय के चाही । मिलला पर पूरे पाँच किलो लड्डू चढ़ायब । आऊ हाँ, कोनो डलडा-फलडा के नञ्, घीउ के ...।)    (फूसु॰5.18)
76    डिपटी (= ड्यूटी) (एस॰पी॰: कोनो आयल हल का ? - मोटू: हम का जानि । हम्मर डिपटी तो अपने के आवे के बाद सुरू होवऽ हे सर !)    (फूसु॰30.8)
77    ढूढ़ना (= ढूँढ़ना) (दरोगा: का ... बेटी गायब ? ओ ! तऽ तो इ पर-परेम के ममला हे । सिपाही ! घर के तलासी लऽ । कहीं कोनो परेम के पाती भेंटाय तऽ ओकरा ढूढ़ऽ ।)    (फूसु॰25.15)
78    ढेर (= जादे, बहुत) (फूलवा: बाकि ... इ का लेल देइत हऽ मालिक ? - बजरंगी: ढेर चलाक मत बनऽ, चुपचाप रख लऽ ।)    (फूसु॰10.13)
79    तइयो (= तो भी) (राजो भइया ! साँप भी मरा गेल आऊ लाठी भी नञ् टूटल । तइयो थोथना काहे लटकैले हऽ ।)    (फूसु॰33.4)
80    तमहेड़ा (इ सरवा लादा नञ् तमहेड़ा हे तमहेड़ा ।)    (फूसु॰30.5)
81    तर-तइयारी (गाँव के लोगन पता करऽ कि बुधना के बेटी आखिर गेल कहाँ ? आऊ हाँ, बुधन के सद्गति के तर-तइयारी करऽ ।)    (फूसु॰27.3-4)
82    तरहथी (दहीना हाथ के तरहथी में खुजली होवे लगल । बुझा हे बड़ा माल हाथ लगत ।)    (फूसु॰5.2)
83    थोथना (राजो भइया ! साँप भी मरा गेल आऊ लाठी भी नञ् टूटल । तइयो थोथना काहे लटकैले हऽ ।)    (फूसु॰33.4)
84    दर-दरोगा (राजो: हूँ ... अरे दर-दरोगा के पिमेंटे का हे । ठीक से चुल्हा पर हँड़िया चढ़ल मोस्किल हे । इ तो ऊपर-झाप्पर हे जे से बुलेट आऊ होण्डा हुनहुना हे ।)    (फूसु॰15.2)
85    दर-दुस्मनी (हमनी गरीब के का डर हे । नऽ धन नऽ दौलत, नऽ रुपैया नऽ पइसा । केकरो से दरो-दुस्मनी नऽ ।)    (फूसु॰19.15)
86    दरोगा (= दारोगा) (दरोगा जी ! अपने तो कनून के रच्छा करेवाला ही । अब इ बोली - इ कहाँ के कनून हे कि हमर मन में गड़ल मूरती हमरा भीर नञ् आवे ।)    (फूसु॰14.11)
87    दहीना (= दाहिना) (दहीना हाथ के तरहथी में खुजली होवे लगल । बुझा हे बड़ा माल हाथ लगत ।)    (फूसु॰5.2)
88    दुहारी (कहऽ, दिल के दुहारी खोल के कहऽ ।)    (फूसु॰4.16)
89    देखल (= देखलक) (राजो: बूड़बक ! फूलवा नञ्, बुधना के जिनगी उजड़त आऊ फिन फूलवा अकेले हार-पार के हमरा भीर आयत । अभी चल बजरंगिया, उपाय होयत । कोई देखल तो नञ् रे ... ? - बजरंगी: कोई नञ् देखल हे मालिक, बजरंगबली के किरपा से ।)    (फूसु॰12.4, 5)
90    देल (= स॰क्रि॰ देलक) (राजो: मुडे खराब कर देल ... ।; एगो सहरी बाबू के साथे घंटा पहर बितावे के हजार रुपैया कम हल का । जाने हथ देल पगली ।; उ अप्पन इयार के फेरा में बापे के मुड़ी कटवा देल ।)    (फूसु॰3.16; 9.13; 26.7)
91    दोसरका (बूड़बक, अरे गोरकी तो घरइया नाम हे, आऊ दोसरका का हे ?)    (फूसु॰8.18)
92    धूरी (= धूली) (फूलवा: इ का ... {खचिया आउ हँसुआ गिर जा हे} कहइत हऽ । हम तो तोहर गोड़ के धूरियो के बराबर नञ् ही छोटे ... ।)    (फूसु॰7.15)
93    नञ् (दरोगा जी ! अपने तो कनून के रच्छा करेवाला ही । अब इ बोली - इ कहाँ के कनून हे कि हमर मन में गड़ल मूरती हमरा भीर नञ् आवे ।)    (फूसु॰14.13)
94    नदान (= नादान) (नेताजी: एगो नदान लइका । एकर बात के बुरा नञ् मानिहऽ । राजो भइया ! आँख लाल काहे कैले ह । आखिर खून तो अपने हे ।; लइका नदान हे । सेयान होवे दऽ, सभे कुछ समझ जायत ।)    (फूसु॰17.13; 33.16)
95    नामी-गिरामी (नेताजी: ... पहिले इ बतावऽ इंतजाम का का कइले ह । छूटा बोतल, मुरगा आऊ मछली के चिखना, आऊ उपरे से सहर के नामी-गिरामी रेखा बाई के मोजरा ।)    (फूसु॰13.16)
96    निक (= नीक, अच्छा) (बाप के अन्तिम इच्छा के पुराई बेटा के हाथ से होवे तऽ इ से आऊ निक बात का हे ।)    (फूसु॰37.19)
97    निगुन (= निगुना, निगुनियाँ, निगुनी) (हमरे नियन सभे के नजर खुल गेल हे । अब कोनो के बाल-बुतरू हमरा नियन निगुन अऊँठा छाप नञ् रहत ।)    (फूसु॰21.18)
98    निन (= नीन; नींद) (आहिस्ते बोल, नञ् तो कान के चदरा के साथे हम्मर दिलो के चदरा फट जायत । जहिया से बुधना के बेटी के देखली हे - नऽ रात के निन नऽ दिन के चैन हे ।; ओह ... मछड़ ... तू हम्मर निन खराब कैलऽ । ऐय ... हम तोहरा नञ् छोड़वऽ, बनुक नञ्, तोप से उड़ा देव ।; भगमान ! आदमी तो तोहरा से किसिम-किसिम के वरदान माँगऽ हथ । हमरा तो तोरा से बस एकी गो आरजू-मिनती हे कि तू हमरा मरला के बाद निनलोक भेजिहऽ जहाँ हम निन में तर रहव ।)    (फूसु॰2.8; 28.10; 29.12)
99    निनलोक (भगमान ! आदमी तो तोहरा से किसिम-किसिम के वरदान माँगऽ हथ । हमरा तो तोरा से बस एकी गो आरजू-मिनती हे कि तू हमरा मरला के बाद निनलोक भेजिहऽ जहाँ हम निन में तर रहव ।)    (फूसु॰29.11)
100    निपुत्तर (अइसन पुत से निपुतरे निमन हल । बाकि का करी । बजरंगिया ! खाय-पानी के इंतजाम कर ।)    (फूसु॰17.16)
101    निमन (= नीमन; अच्छा) (अइसन पुत से निपुतरे निमन हल । बाकि का करी । बजरंगिया ! खाय-पानी के इंतजाम कर ।)    (फूसु॰17.16)
102    निमन-निमन (बुधन: वाह ! बेटी वाह ! किताब-कोपी में अइसनो निमन-निमन बात लिखल रहऽ हे ? - फूलवा: {खाड़ होके} हाँ बाबूजी ! एकरो से बेस-बेस बात रहऽ हे । पढ़तऽ तऽ जानतऽ ...।)    (फूसु॰21.12)
103    नियन (= नियर; समान, जैसा) (हम तऽ ठहरली अऊँठा छाप । बाकि तोरा पढ़ा के अप्पन धरम पूरा कर देली । हमरे नियन सभे के नजर खुल गेल हे । अब कोनो के बाल-बुतरू हमरा नियन निगुन अऊँठा छाप नञ् रहत ।)    (फूसु॰21.17)
104    निसा (= नशा) (हाँ बेटा ! हम्मर आँख पर दौलत के निसा चढ़ल हल, अब हट गेल ।)    (फूसु॰39.18)
105    नेसलाइट (= नक्सलाइट) (जे सुनत उ एही कहत इमे नेसलाइट के हाथ हे, आऊ दोसर बिन बजार के पेपरो में निकलत कि नेसलाइट एगो आउ के जान ले लेल ।; हम्मर नजर में दूए बात हो सकऽ हे - पहिल इ कि इ ममला परेम के हे आऊ दोसर इ कि इमें नेसलाइट के हाथ हे ।; बाकि नेसलाइट इहाँ ... नञ् ... तोहर अप्पन दिमाग का कहऽ हो नेताजी ?)    (फूसु॰15.17, 18; 26.18, 19)
106    पर-परेम (दरोगा: का ... बेटी गायब ? ओ ! तऽ तो इ पर-परेम के ममला हे । सिपाही ! घर के तलासी लऽ । कहीं कोनो परेम के पाती भेंटाय तऽ ओकरा ढूढ़ऽ ।; नेताजी: राजो भइया ! ममला तो परे-परेम के लगऽ हे । - मधु: इ एकदमे झूठ हे ।)    (फूसु॰25.13; 26.21)
107    पसुली (= हँसुली; पासी का ताड़-खजूर छेवने का धारदार हँसिया; काटने का बिना दाँतों का औजार) (फूलवा: {भीतर से} बचावऽ ... बचावऽ ... बाबू ... {एतनहीं में दूगो गलमोछा बाँधले आदमी एगो के हाथ बन्दूक आऊ दोसर के हाथ में पसुली हे, आके बुधना के पकड़ऽ हथ ।}; आदमी २ बुधना के छाती पर झुँक के अप्पन गोड़ रखऽ हे आउ पसुली नीचे ले जाके बुधना के गरदन काट ले हे ।)    (फूसु॰22.5; 23.18)
108    पाछे (= पीछे) (दरद से पेट के अँतड़ी टीसटीसायत हे, बाकि बजरंगबली के किरपा से बजरंगी पाछे नञ् हटत । कोनो उपाय-पतर लौक रहल हे का मालिक ?)    (फूसु॰11.16)
109    पाटी (= पार्टी) (तऽ एही बात पर छोट-मोट पाटी हो जाय, का राजो भइया ।)    (फूसु॰15.21)
110    पीच (नेताजी: बिलौक से अप्पन गाँव तक पक्की रोड बने लेल ठेका होवेवाला हे, बोलऽ - ठेका चाही ? - राजो: अरे भइया ! नेकी आऊ पूच-पूच । हाथ से इ मोका नञ् निकले के चाही । फैदा आधे-आध । अरे रोड का बनत, गढ़ा-गुच्ची भर-भूर के ऊपरे से पीच के पोताइ करा देल जात ।)    (फूसु॰4.22)
111    पीताहर (राजो भइया ! बोतल भी हे, गिलास भी हे, हमनी एकर पीताहर भी ही बाकि पियावेवाली ?)    (फूसु॰16.10)
112    पूच-पूच (= पूछ-पूछ) (नेताजी: बिलौक से अप्पन गाँव तक पक्की रोड बने लेल ठेका होवेवाला हे, बोलऽ - ठेका चाही ? - राजो: अरे भइया ! नेकी आऊ पूच-पूच । हाथ से इ मोका नञ् निकले के चाही । फैदा आधे-आध । अरे रोड का बनत, गढ़ा-गुच्ची भर-भूर के ऊपरे से पीच के पोताइ करा देल जात ।)    (फूसु॰4.17)
113    पेन्हना (= पहनना) (बुधन के बेटी फूलवा साड़ी पेन्हले संझौती देखावित हे । जइसहीं उ संझौती के दीया रखऽ हे कि ओही घड़ी मधुकर धीरे से आके पीछे से फूलवा के आँख मून्दऽ हे ।)    (फूसु॰18.1)
114    पोलटिस (= पोलिटिक्स, राजनीति) (राजो भइया ! अब जीऊ में आवऽ हो कि पोलटिस छोड़ देई । बड़ी गन्दा भे गेलवऽ । मंगरा-बुधना अंधरा-लंगड़ा सब तो नेते हो गेल । अच्छा भइया उलूल-जुलूल बात छोड़ऽ । एगो बात कहिओ ।)    (फूसु॰4.12)
115    पोसमाटम (= पोस्टमॉर्टम) (दरोगा: नेता होके इ बचकानी बात । खून होल हे, खून । लास के पोसमाटम होयत ।)    (फूसु॰27.6)
116    फरना-फूलना (युग-युग जीअ, फरऽ-फूलऽ । उ सभे के भी गोड़ लगऽ ।)    (फूसु॰39.14)
117    फारे-फार (बजरंगी: नञ् मालिक । ओकर दिमाग तो सतमा आसमान पर चढ़ल हे, बजरंगबली के किरपा से । - राजो: {दाँत किच के} का ... सतमा आसमान, हम नञ् समझली । फारे-फार बतलाव ।)    (फूसु॰1.16)
118    फिन (= फिर) (बूड़बक ! फूलवा नञ्, बुधना के जिनगी उजड़त आऊ फिन फूलवा अकेले हार-पार के हमरा भीर आयत ।)    (फूसु॰12.2)
119    फिनो (= फिन; फिर) (मधुकर चल जा हे । मोटू टूल पर झँपकी लेवे लगऽ हे । झँपकी लेइत फिनो गिर जा हे ।)    (फूसु॰29.6)
120    फिसुलना (= फिसलना) (भइंसी के गोड़ फिसुलला से बेस अंटकहीं में हे भइया ।)    (फूसु॰5.1)
121    बचकानी (~ बात) (दरोगा: नेता होके इ बचकानी बात । खून होल हे, खून । लास के पोसमाटम होयत ।)    (फूसु॰27.5)
122    बजार (= बाजार) (तू तो कहउत के पक्किया माहटर हऽ, नञ् जानऽ का - हाथी चले बजार कुत्ता भूके हजार । तऽ उसे हाथी बजार जाय ला तो नञ् छोड़ देत ।)    (फूसु॰18.14, 15)
123    बड़ (= बड़ा) (लऽ, तऽ तू हमरा बड़का बूझऽ हऽ आउ अपना के छोटका । आदमी जनम से बड़ आउ छोट नञ् होवे, उ तो करम से होवऽ हे ।)    (फूसु॰19.3)
124    बड़का (गाँव के बड़का राजो सिंह के घर में कुरसी-टेबुल लगल हे । एगो कोना में हनुमान जी के मूरती सजल हे । राजो पूजा करित धूप देखावित हथ ।; गाँव के पगडंडी । ओड़िया आऊ हँसुआ लेले बुधन के बेटी फूलवा आवऽ हे । ओही घड़ी कंधा में बड़का बैग लटकैले सूटबूट में राजो सिंह के बेटा मधुकर आवऽ हे ।; लऽ, तऽ तू हमरा बड़का बूझऽ हऽ आउ अपना के छोटका । आदमी जनम से बड़ आउ छोट नञ् होवे, उ तो करम से होवऽ हे ।)    (फूसु॰1.1; 6.2; 19.1)
125    बड़ी (= बहुत) (राजो भइया ! अब जीऊ में आवऽ हो कि पोलटिस छोड़ देई । बड़ी गन्दा भे गेलवऽ । मंगरा-बुधना अंधरा-लंगड़ा सब तो नेते हो गेल । अच्छा भइया उलूल-जुलूल बात छोड़ऽ । एगो बात कहिओ ।; राजो: दरोगा जी ! बड़ी नेक हल बुधना, बाकि एकर जान कउन लेल, पता नञ् । रात के हल्लो-गुदाल नञ् होल । - दरोगा: हम बड़ी सरमिंदा ही ।)    (फूसु॰4.13; 25.5, 8)
126    बनुक (= बन्हूक; बन्दूक) (ओह ... मछड़ ... तू हम्मर निन खराब कैलऽ । ऐय ... हम तोहरा नञ् छोड़वऽ, बनुक नञ्, तोप से उड़ा देव ।)    (फूसु॰28.11)
127    बाकि (= लेकिन) (राजो: {खाड़ा होके} कउन दवाई, कइसन दवाई । देह के बेमारी खाति दवाई तो होवऽ हे बाकि दिल के बेमारी के दवाई {मुड़ी हिला के} कुछो नञ् हे ।; बुधन: ... जिनगी भर हम अपने के हुकुम बजौली, आऊ अंतिम साँस तक बजाएब बाकि ... - राजो: बाकि अप्पन बेटी के काम करे खाति इहाँ न भेजवे ... इहे कहल चाहऽ हें न ?; तू कहइत ह, तऽ हम जाइत ही, बाकि जे हम कहली से इयाद रखिहऽ ।)    (फूसु॰2.13; 3.4, 5; 8.4)
128    बाल-बुतरू (हम तऽ ठहरली अऊँठा छाप । बाकि तोरा पढ़ा के अप्पन धरम पूरा कर देली । हमरे नियन सभे के नजर खुल गेल हे । अब कोनो के बाल-बुतरू हमरा नियन निगुन अऊँठा छाप नञ् रहत ।)    (फूसु॰21.18)
129    बिलौक (= ब्लॉक, प्रखण्ड) (बिलौक से अप्पन गाँव तक पक्की रोड बने लेल ठेका होवेवाला हे, बोलऽ - ठेका चाही ?)    (फूसु॰4.17)
130    बुझाना (= लगना, प्रतीत होना) (बुधना के बुद्धि हेरायल हे मालिक । गोरकी इस्कूल-कौलेज में का पढ़े लगल कि बुधना के बुझाय लगल हम्मर बेटी राजबाला हो गेल ।; दहीना हाथ के तरहथी में खुजली होवे लगल । बुझा हे बड़ा माल हाथ लगत ।)    (फूसु॰3.19; 5.3)
131    बूझाना (बूझौल ~) (दरोगा: इ का घिचिर-पिचिर करइत ह । साफ-साफ बतलावऽ, बूझौल बूझौला से का फैदा ।)    (फूसु॰14.18)
132    बूझौल (दरोगा: इ का घिचिर-पिचिर करइत ह । साफ-साफ बतलावऽ, बूझौल बूझौला से का फैदा ।)    (फूसु॰14.18)
133    बूड़बक (= बुड़बक) (बूड़बक, अरे गोरकी तो घरइया नाम हे, आऊ दोसरका का हे ?; इ तो अइसन चीज हे जेकरा देख के बूढ़ भी जवान आऊ बूड़बक भी सेयान हो जा हथ ।)    (फूसु॰8.17; 16.17)
134    बेमारी (राजो: {खाड़ा होके} कउन दवाई, कइसन दवाई । देह के बेमारी खाति दवाई तो होवऽ हे बाकि दिल के बेमारी के दवाई {मुड़ी हिला के} कुछो नञ् हे ।)    (फूसु॰2.13, 14)
135    भइंसी (भइंसी के गोड़ फिसुलला से बेस अंटकहीं में हे भइया ।)    (फूसु॰4.22)
136    भगमान (= भगवान) (भगमान ! आदमी तो तोहरा से किसिम-किसिम के वरदान माँगऽ हथ । हमरा तो तोरा से बस एकी गो आरजू-मिनती हे कि तू हमरा मरला के बाद निनलोक भेजिहऽ जहाँ हम निन में तर रहव ।)    (फूसु॰29.8)
137    भरना-भूरना (नेताजी: बिलौक से अप्पन गाँव तक पक्की रोड बने लेल ठेका होवेवाला हे, बोलऽ - ठेका चाही ? - राजो: अरे भइया ! नेकी आऊ पूच-पूच । हाथ से इ मोका नञ् निकले के चाही । फैदा आधे-आध । अरे रोड का बनत, गढ़ा-गुच्ची भर-भूर के ऊपरे से पीच के पोताइ करा देल जात ।)    (फूसु॰4.21)
138    भिड़काना (= भिरकाना, लगाना) (फूलवा: केमाड़ी भिड़कैलऽ हे कि नञ् ? - बुधन: नञ् बेटी ! जा, जाके भिड़का आवऽ । {फूलवा केमाड़ी भिड़कावे खाति जा हे ।})    (फूसु॰21.20, 21, 22)
139    भीर (= भीरी; पास) (बूड़बक ! फूलवा नञ्, बुधना के जिनगी उजड़त आऊ फिन फूलवा अकेले हार-पार के हमरा भीर आयत ।; दरोगा जी ! अपने तो कनून के रच्छा करेवाला ही । अब इ बोली - इ कहाँ के कनून हे कि हमर मन में गड़ल मूरती हमरा भीर नञ् आवे ।; दरोगा: इ हमरा भीर रपट लिखावे खाति गेल हल बेचारी । हम कहली चलऽ एस॰पी॰ भीर आऊ इहाँ ले अइली रात के अन्हरिया में ।)    (फूसु॰12.3; 14.13; 35.6, 7)
140    भुइंटोली (आज छोड़ऽ भइया ! मुरगा-मोसल्लम के इंतजाम भुइंटोलिया पर होल हे । कहियो राते रंगीन कैल जायत ।)    (फूसु॰5.11)
141    भूकना (= भूकना) (तू तो कहउत के पक्किया माहटर हऽ, नञ् जानऽ का - हाथी चले बजार कुत्ता भूके हजार । तऽ उसे हाथी बजार जाय ला तो नञ् छोड़ देत ।)    (फूसु॰18.14)
142    मइसना (= मैंजना, दबाना) (बजरंगिया ! जरा गोड़ मइस । {बजरंगी गोड़ मइसऽ हे ।})    (फूसु॰9.7)
143    मचोड़ना (जउन फूल हमरा भा जा हे ओकरा खाली तोड़ के सूघवे नञ् करऽ ही, बिना मचोड़ले दम कहाँ ले ही, का बजरंगिया !)    (फूसु॰8.23)
144    मछड़ (= मच्छड़; मच्छर) (ओह ... मछड़ ... तू हम्मर निन खराब कैलऽ । ऐय ... हम तोहरा नञ् छोड़वऽ, बनुक नञ्, तोप से उड़ा देव ।)    (फूसु॰28.9)
145    मछी (= मच्छी) (छि ! छि ! छि ! छि ! इ दाल में मछी कहाँ से गिर गेल । तू कउन, सरम तनिको नञ् लगे - एगो मोट-झोंट आदमी के निन खराब करयत ।)    (फूसु॰29.1)
146    मजूर-किसान (बात सुनऽ हम सुनवित हिय, जे अप्पन देस के जान हे । उ कोनो नञ् देओता-देवी, भारत के मजूर-किसान हे ॥)    (फूसु॰20.5)
147    मड़ोड़ना (= मरोड़ना) (असली नागिन तो अभी जिंदा हे, जब तक ओकर फन नञ् मड़ोड़ब, तब तक चैन कहाँ हे । उ ... माने फूलवा नागिन हे नागिन । अरे बुधना तो बेचारा हल, उ तो फोकटिये में मरा गेल ।)    (फूसु॰33.6)
148    ममला (= मामला) (दरोगा: का ... बेटी गायब ? ओ ! तऽ तो इ पर-परेम के ममला हे । सिपाही ! घर के तलासी लऽ । कहीं कोनो परेम के पाती भेंटाय तऽ ओकरा ढूढ़ऽ ।; हम्मर नजर में दूए बात हो सकऽ हे - पहिल इ कि इ ममला परेम के हे आऊ दोसर इ कि इमें नेसलाइट के हाथ हे ।; नेताजी: राजो भइया ! ममला तो परे-परेम के लगऽ हे । - मधु: इ एकदमे झूठ हे ।)    (फूसु॰25.13; 26.17, 21)
149    मर-मजूरी (बाबुजी घरे नञ् हथ । उ देरी से अयतन, काहे कि मर-मजूरी अब तो सहर जाके करे पड़ऽ हे ।)    (फूसु॰19.7)
150    मलपुआ (= मालपूआ) (रेखा बाई कोई अइसन तान छेड़ऽ कि मन मलपुआ नियन लब-लबा-लब हो जाय ।)    (फूसु॰16.19)
151    महजिद (मियाँ के दौड़ ~ तक) (उ ससुरी जायत कहाँ ? मियाँ के दौड़ महजिद तक । उ थाना गेल होयत ।)    (फूसु॰34.22)
152    माहटर (= मास्टर) (तू तो कहउत के पक्किया माहटर हऽ, नञ् जानऽ का - हाथी चले बजार कुत्ता भूके हजार । तऽ उसे हाथी बजार जाय ला तो नञ् छोड़ देत ।)    (फूसु॰18.13)
153    मिलिट-मिलिट (= मिनट-मिनट) (एस॰पी॰: कोनो आयल हल का ? - मोटू: हम का जानि । हम्मर डिपटी तो अपने के आवे के बाद सुरू होवऽ हे सर ! - एस॰पी॰: आऊ हमरा आवे से पहिले तू बइठ के झँपकी लेहऽ ! - मोटू: नञ् सर ! {कान धर के रोवइत} आझ तो हम मिलिट-मिलिट पर आँख फाड़-फाड़ के देखइत हली ।)    (फूसु॰30.13)
154    मुड़ी (= सिर) (राजो: {खाड़ा होके} कउन दवाई, कइसन दवाई । देह के बेमारी खाति दवाई तो होवऽ हे बाकि दिल के बेमारी के दवाई {मुड़ी हिला के} कुछो नञ् हे ।; अरे ररे ! मुड़ी काहे झुकौले हऽ, हमरा से नञ् बोलवऽ का ?; नौकरी करे के हे तऽ नेताजी के बात कउन मुँह से उठाब । बाकि एगो हमरो बात मानब - हलाल होवेवाला आदमी के मुड़ी देह से अलगे होवे के चाही ।)    (फूसु॰2.14; 6.8; 15.11)
155    मुरगा-मोसल्लम (आज छोड़ऽ भइया ! मुरगा-मोसल्लम के इंतजाम भुइंटोलिया पर होल हे । कहियो राते रंगीन कैल जायत ।)    (फूसु॰5.10)
156    मुसुर-मुसुर (लगऽ हे गोरकीये मुसुर-मुसुर चलइत आवित हे । हूँ, ससुरी के का चाल हे ।)    (फूसु॰9.15)
157    मोजरा (= मुजरा) (नेताजी: ... पहिले इ बतावऽ इंतजाम का का कइले ह । छूटा बोतल, मुरगा आऊ मछली के चिखना, आऊ उपरे से सहर के नामी-गिरामी रेखा बाई के मोजरा ।)    (फूसु॰13.17)
158    मोट-झोंट (छि ! छि ! छि ! छि ! इ दाल में मछी कहाँ से गिर गेल । तू कउन, सरम तनिको नञ् लगे - एगो मोट-झोंट आदमी के निन खराब करयत ।)    (फूसु॰29.2-3)
159    रंडी-पतुरिया (दरोगा: नाचऽ गावऽ पीअ पीआवऽ ...। - फूलवा: हम कोनो रंडी-पतुरिया ही का । जब ले देह में जान हे, इ नञ् करव ।)    (फूसु॰36.22)
160    रपट (दरोगा: इ हमरा भीर रपट लिखावे खाति गेल हल बेचारी । हम कहली चलऽ एस॰पी॰ भीर आऊ इहाँ ले अइली रात के अन्हरिया में ।)    (फूसु॰35.6)
161    रस्ता (= रास्ता) (राजो: ... फूलवा के जाय के रस्ता तो इहे हे, रे .. ? - बजरंगी: हाँ, किरिन लुकलुकाइत हे, उ आविते होयत ।)    (फूसु॰9.8)
162    रिपोट (= रपट; रिपोर्ट) (थाना के रिपोट के मोताबिक बुधना के हत्या के पीछे फूलवा के हाथ हे, जे ओही रात से अप्पन परेमी के साथे फरार हो गेल हे ।)    (फूसु॰31.6)
163    रेवाज (= रिवाज) (बाबू जी के जेहल जाय से पहिले हम फूलवा के मांग में सेनुर डाल के समाज के सड़ल रेवाज तोड़ल चाहऽ ही ।)    (फूसु॰38.22)
164    लंगा (= नंगा) (तऽ तू अइसे नञ् मानवऽ । बजरंगिया ! एकरा सड़िया खोल के लंगा कर दे ... ।)    (फूसु॰37.14)
165    लतार (= लताड़, लत्ती, लात की मार) (मोहरारू के एकी थप्पड़ में घबरा गेलऽ । अरे भइया, गाय के दूध पियल चाहऽ हऽ तऽ लतार तो सहहीं पड़त ।)    (फूसु॰36.2)
166    लपता (= लापता) (बुधन ... । तू केते नेक आदमी हलऽ ... तोहर इ हाल के कैल ... कने गेल बुधन के बेटी ? - राजो: उ तो ससुरी रात हीं से लपता हे भाई ! - नेताजी: का कहलऽ ... रात हीं से लपता, तऽ एकर माने {सोच के} उ अप्पन इयार के फेरा में बापे के मुड़ी कटवा देल । - मधु: रात के जरो हल्ला-गुदाल नञ् होल, तऽ इ कइसे मालूम होल कि फूलवा रात हीं से लपता हे । गाँववालन, इ सभे झूठ हे । इमें हम्मर बाप के चाल हे ।)    (फूसु॰26.4, 5, 10)
167    लबज (= लफ्ज) (आगे एगो लबज भी नञ् निकालऽ । हम तोहरे से पूछल चाहऽ ही फूल के बिना भौंरा के जिनगी कोनो जिनगी हे ।)    (फूसु॰7.18)
168    लम्बर (= नम्बर) (हम तो लम्बर दू गेल हली । आके केमाड़ी खोल के देखली तऽ आँख बन्द आऊ डिबिया गायब हल बजरंगबली के किरपा से ।)    (फूसु॰34.14)
169    लादा (= लेदा, तोंद) (एस॰पी॰ निवास पर कुरसी-टेबुल लगल हे । कोना में एगो टूल पर मोटू सिपाही जेकर बड़का लादा हे, झँपकी पर झँपकी लेइत हे ।; इ सरवा लादा नञ् तमहेड़ा हे तमहेड़ा ।)    (फूसु॰28.3; 30.5)
170    लास (= लहास; लाश) (बुधन के खून से सनायल लास पड़ल हे । ... लास देखके दरोगा जी टोपी उतारऽ हथ ।)    (फूसु॰25.1, 3)
171    लुकलुकाना (बेर ~, किरिन ~) (राजो: ... फूलवा के जाय के रस्ता तो इहे हे, रे .. ? - बजरंगी: हाँ, किरिन लुकलुकाइत हे, उ आविते होयत ।)    (फूसु॰9.9)
172    लुगा (मधु: ... का होल हल काकी के ? - फूलवा: सच का जानी । तोहरे घरे धान उसनैत लुगा में आग लग गेल हल आउ ... ।)    (फूसु॰7.8)
173    लेल (= लगि, लागि; के लिए) (हम तो जीत लेल बगावत के झंडा उठा लेली हे ।)    (फूसु॰31.14)
174    लेल (= स॰क्रि॰ लेलक) (जे सुनत उ एही कहत इमे नेसलाइट के हाथ हे, आऊ दोसर बिन बजार के पेपरो में निकलत कि नेसलाइट एगो आउ के जान ले लेल ।; राजो: दरोगा जी ! बड़ी नेक हल बुधना, बाकि एकर जान कउन लेल, पता नञ् । रात के हल्लो-गुदाल नञ् होल ।)    (फूसु॰15.19; 25.6)
175    लेहाज (= लिहाज) (घर तो एगो मन्दिर होवऽ हे । आऊ मन्दिर में मदिरा, मन्दिर में मोजरा । कुछ उमर के लेहाज करऽ, ढकनी भर पानी में नाक डुबा के जान हथ दऽ । बाबूजी ! हम इ लेल लेहाज करित ही कि तू हमरा जलमा देले हऽ, नञ तो तोहर खून पी जैती ।)    (फूसु॰17.5, 7)
176    लौकना (= लउकना, दिखना) (दरद से पेट के अँतड़ी टीसटीसायत हे, बाकि बजरंगबली के किरपा से बजरंगी पाछे नञ् हटत । कोनो उपाय-पतर लौक रहल हे का मालिक ?)    (फूसु॰11.17)
177    संझौती (बुधन के बेटी फूलवा साड़ी पेन्हले संझौती देखावित हे । जइसहीं उ संझौती के दीया रखऽ हे कि ओही घड़ी मधुकर धीरे से आके पीछे से फूलवा के आँख मून्दऽ हे ।)    (फूसु॰18.1, 2)
178    सउसे (= सउँसे, समूचा) (नेताजी: {हाथ जोड़ के} हम भी माफी चाहऽ ही सउसे समाज से ।)    (फूसु॰40.1)
179    सर-सबूत (एस॰पी॰: ओ ... बइठऽ । तोहर फोन मिलल हल । बाकि बिना कोनो सर-सबूत के केकरा पकड़ी ।)    (फूसु॰30.21)
180    ससुरार (= ससुराल) (अब तोहनी ससुरार के तइयारी करऽ, हम मंतर वाँचऽ ही ।)    (फूसु॰39.6)
181    ससुरी (लगऽ हे गोरकीये मुसुर-मुसुर चलइत आवित हे । हूँ, ससुरी के का चाल हे ।; बुधन ... । तू केते नेक आदमी हलऽ ... तोहर इ हाल के कैल ... कने गेल बुधन के बेटी ? - राजो: उ तो ससुरी रात हीं से लपता हे भाई !; उ ससुरी जायत कहाँ ? मियाँ के दौड़ महजिद तक । उ थाना गेल होयत ।)    (फूसु॰9.16; 26.4; 34.21)
182    साबस (= शाबाश) (साबस बेटा । तू जरूर बाप के नाम उजागर करवऽ, नेता बनके, हाँ ।)    (फूसु॰27.18)
183    सामना-सामनी (दारोगा जी के आवे दऽ । बात सामना-सामनी हो जायत । पहिले इ बतावऽ इंतजाम का का कइले ह ।)    (फूसु॰13.12)
184    सार, सारा (= साला) (मुँह का ताकइत हऽ । सरवा के हाथ पीछे करके बाँधऽ ।; इ सरवा लादा नञ् तमहेड़ा हे तमहेड़ा ।)    (फूसु॰22.14; 30.5)
185    सुतना (= सोना, नींद लेना) (ओह ... मछड़ ... तू हम्मर निन खराब कैलऽ । ऐय ... हम तोहरा नञ् छोड़व, बनुक नञ्, तोप से उड़ा देव । बाकि अभी सुते दऽ ।)    (फूसु॰28.12)
186    सेनुर (= सिन्दूर) (तू अप्पन हिफाजत तब तक करिहऽ, जब तक हम तोहर मांग में सेनुर नञ् डाल देई ।; बाबू जी के जेहल जाय से पहिले हम फूलवा के मांग में सेनुर डाल के समाज के सड़ल रेवाज तोड़ल चाहऽ ही ।; मधुकर पाकिट से सेनुर निकालऽ हे आउ फूलवा के मांग सेनुर से सजा दे हे ।)    (फूसु॰7.13; 38.21; 39.2, 3)
187    सेयान (इ तो अइसन चीज हे जेकरा देख के बूढ़ भी जवान आऊ बूड़बक भी सेयान हो जा हथ ।; लइका नदान हे । सेयान होवे दऽ, सभे कुछ समझ जायत ।)    (फूसु॰16.17; 33.16)
188    सौटकट (शॉर्टकट) (नेताजी: सौटकट में बात इ हे दारोगा जी कि देस के तेजी से बढ़ित आबादी में से एगो आदमी के जिनगी हलाल करे के हे ।)    (फूसु॰14.19)
189    हँड़िया (राजो: हूँ ... अरे दर-दरोगा के पिमेंटे का हे । ठीक से चुल्हा पर हँड़िया चढ़ल मोस्किल हे । इ तो ऊपर-झाप्पर हे जे से बुलेट आऊ होण्डा हुनहुना हे ।)    (फूसु॰15.3)
190    हँसुआ (गाँव के पगडंडी । ओड़िया आऊ हँसुआ लेले बुधन के बेटी फूलवा आवऽ हे । ओही घड़ी कंधा में बड़का बैग लटकैले सूटबूट में राजो सिंह के बेटा मधुकर आवऽ हे ।)    (फूसु॰6.1)
191    हथना (= हतना; समाप्त करना; जान ~ = आत्महत्या करना) (एगो सहरी बाबू के साथे घंटा पहर बितावे के हजार रुपैया कम हल का । जाने हथ देल पगली ।)    (फूसु॰9.13)
192    हलाल (~ करना, ~ होना) (नेताजी: सौटकट में बात इ हे दारोगा जी कि देस के तेजी से बढ़ित आबादी में से एगो आदमी के जिनगी हलाल करे के हे ।; नौकरी करे के हे तऽ नेताजी के बात कउन मुँह से उठाब । बाकि एगो हमरो बात मानब - हलाल होवेवाला आदमी के मुड़ी देह से अलगे होवे के चाही ।)    (फूसु॰14.21; 15.11)
193    हल्ला-गुदाल (राजो: दरोगा जी ! बड़ी नेक हल बुधना, बाकि एकर जान कउन लेल, पता नञ् । रात के हल्लो-गुदाल नञ् होल ।)    (फूसु॰25.6-7)
194    हल्ला-गोहार (आदमी १: {बन्दूक सटा के} हल्ला-गोहार कैलें तऽ मुड़ी उतार लेवउ । तोहर फूल अइसन बेटी फूलवा हमर कब्जा में हे ।)    (फूसु॰22.7)
195    हारना-पारना (बूड़बक ! फूलवा नञ्, बुधना के जिनगी उजड़त आऊ फिन फूलवा अकेले हार-पार के हमरा भीर आयत ।)    (फूसु॰12.2)
196    हावा (= हवा) (हम जे कुछ कहली ठीक कहली । अब तोहनी सब जेहल के हावा खाय के तइयारी करऽ ।)    (फूसु॰38.8)
197    हिगराना (= अलग करना) (खाड़ मुँह का ताकैत ह, एकर मुड़ी देह से हिगरा दऽ ।)    (फूसु॰23.16)
198    हुनहुनाना (राजो: हूँ ... अरे दर-दरोगा के पिमेंटे का हे । ठीक से चुल्हा पर हँड़िया चढ़ल मोस्किल हे । इ तो ऊपर-झाप्पर हे जे से बुलेट आऊ होण्डा हुनहुना हे ।)    (फूसु॰15.4)
199    हेराना (= भुला जाना, गायब होना) (बुधना के बुद्धि हेरायल हे मालिक । गोरकी इस्कूल-कौलेज में का पढ़े लगल कि बुधना के बुझाय लगल हम्मर बेटी राजबाला हो गेल ।)    (फूसु॰3.18)