5. मगही गेयान विकास मंच के गठन

मगही भासा आउ साहित के विकास लेल गया के मगही साहितकार आउ परेमी लोग 'मगही गेयान विकास मंच, गौतम बुद्ध कॉलनी, डेल्हा, गया' के नाम से एगो संस्था बनौलन हे । ई संस्था के अध्यक्ष वासुदेव प्रसाद आउ सचिव मुद्रिका सिंह के मनोनीत करल गेल हे । समिति के कोषाध्यक्ष सुमंत जी हथ । ई संस्था मगही के प्रचार-प्रसार के अलावे साहित्यिक आउ सांस्कृतिक कार्यक्रम भी चलावत । समिति के मुख्य सदस्य में अनिल कुमार वर्मा, उपाध्यक्ष; कृष्णचन्द्र वर्मा, उपसचिव; राजेन्द्र प्रसाद, नवीन कुमार मिश्र, रामसुन्दर प्रसाद सिंह आउ बंशी शरण सिंह हथ । संस्था के तरफ से मगही के अठमा सूची में सामिल करे लेल आउ पहिला किलास से उपर किलास तक मगही के पढ़ाई सुरू करावे लेल प्रमुख प्रस्ताव पारित करल गेल हे ।

--- कृष्णचन्द्र वर्मा, अलका मागधी, दिसम्बर 2007, पृ॰ 4